ഇന്ത്യയുടെ സാമ്പത്തിക തലസ്ഥാനത്ത്‌ വിവിധ സ്ഥലങ്ങളിലായി നടന്ന ഭീകരാക്രമണത്തില്‍ ആറ്‌ അമേരിക്കന്‍ പൗരന്മാരുള്‍പ്പെടെ 166 പേരാണ്‌ കൊല്ലപ്പെട്ടത്‌. മുംബൈ ഭീകരാക്രമണത്തെ അതിക്രൂരമെന്നാണ്‌ അമേരിക്ക വിശേഷിപ്പിച്ചത്‌. ഇതിനു ഉത്തരവാദികളായ 'ലഷ്‌കര്‍ ഇ തയ്‌ബയ്‌'ക്കും മറ്റ്‌ അനുബന്ധ സംഘടനകളെയും നിരോധിക്കാനും നിയമത്തിന്റെ മുന്നില്‍ കൊണ്ടുവരാനും പാകിസ്‌താനും മറ്റു രാജ്യങ്ങളും സഹകരിക്കണമെന്നും അമേരിക്ക പറഞ്ഞിരുന്നു.

'ആക്രമണം നടന്നു പത്ത്‌ വര്‍ഷം കഴിഞ്ഞിട്ടും അതിനു പിന്നിലുള്ളവരെ ശിക്ഷിക്കാന്‍ കഴിയാത്തത്‌ ഇരകളോടുള്ള അനീതിയാണ്‌. ഈ അവസരത്തില്‍ ഇന്ത്യയ്‌ക്കും മുംബൈ നഗരത്തിനും അമേരിക്കയുടെയും അമേരിക്കന്‍ ജനതയുടെയും ഐക്യദാര്‍ട്യം അറിയിക്കുന്നു. ഈ ആക്രമണത്തില്‍ ദുരിതമനുഭവിച്ചവരോടൊപ്പം ഞങ്ങളും ചേരുന്നു.' അമേരിക്കന്‍ സ്‌റ്റേറ്റ്‌ സെക്രട്ടറി മൈക്ക്‌ പോംപിയോ പറഞ്ഞു.