കൊച്ചി: മിന്നല് ഹര്ത്താല് ആഹ്വാനങ്ങള് വാര്ത്തയാക്കരുതെന്ന് ഹൈക്കോടതിയുടെ മുന്നറിയിപ്പ്. ഇത്തരത്തില് റിപ്പോര്ട്ട് ചെയ്താല് കൂട്ടുത്തരവാദിത്തമുണ്ടാകുമെന്നും കോടതി ഓര്മ്മിപ്പിച്ചു. ഹര്ത്താലുകള് സാമൂഹ്യ വിരുദ്ധമാണെന്ന് ജനങ്ങളെ ബോധ്യപ്പെടുത്തണമെന്നും കോടതി ഓര്മിപ്പിച്ചു.
ചീഫ് ജസ്റ്റീസ് ഋഷികേശ് റോയ് അധ്യക്ഷനായ ബെഞ്ചാണ് മാധ്യമങ്ങള്ക്കെതിരെ വിമര്ശനമുന്നയിച്ചത്. കാസര്കോട് കൊലപാതകവുമായി ബന്ധപ്പെട്ട് യൂത്ത് കോണ്ഗ്രസ് ആഹ്വാനം ചെയ്ത ഹര്ത്താല് സംബന്ധിച്ച കേസ് പരിഗണിക്കുന്നതിനിടെയാണ് കോടതി ഇത്തരത്തില് മാധ്യമങ്ങള്ക്ക് കര്ശന നിര്ദേശങ്ങള് നല്കിയത്.