കോണ്ഗ്രസ് വക്താവ് പ്രിയങ്ക ചൗധരിയുടെ മകളെ മാനഭംഗപ്പെടുത്തുമെന്ന് ഭീഷണി; പ്രതി അറസ്റ്റില്
Published on 05 July, 2018
മുംബൈ: കോണ്ഗ്രസ് വക്താവ് പ്രിയങ്ക ചൗധരിയുടെ മകളെ
മാനഭംഗപ്പെടുത്തുമെന്ന് ട്വിറ്റിലൂടെ ഭീഷണി മുഴക്കിയ ആള് അറസ്റ്റില്. ഗിരീഷ്
മഹേശ്വരി എന്നയാളെയാണ് അഹമ്മദാബാദില് നിന്നും അറസ്റ്റു ചെയ്തത്. ഇയാളെ ഇന്ന്
മുംബൈയിലെ കോടതിയില് ഹാജരാക്കും. ട്വിറ്റര് ഭീഷണി വിവാദമായതോടെ കേന്ദ്ര
ആഭ്യന്തരമന്ത്രി രാജ്നാഥ് സിംഗ് നേരിട്ട് ഇടപെട്ടിരുന്നു.
മധ്യപ്രദേശിലെ
മന്ദസൗറില് കൂട്ടമാനഭംഗത്തിനിരയായ ഏഴു വയസ്സുകാരിയെ കുറിച്ച് തന്റെ പേരില്
ഇറങ്ങിയ വ്യാജ പ്രസ്താവനയുടെ പേരിലാണ് തനിക്ക് ഭീഷണി വന്നത്. ഗിരീഷ്കെ1605
എന്ന ട്വിറ്റര് അക്കൗണ്ടില് നിന്നായിരുന്നു ഭീഷണികളില് ഒന്ന്. ചൗധരിയുടെ 10
വയസ്സുള്ള മകളെ ബലാത്സംഗം ചെയ്യുമെന്നായിരുന്ന ഭീഷണി.
വ്യത്യസ്ത അഭിപ്രായം
പറയുന്ന സ്ത്രീകളെ അവര് ആക്രമിക്കുമെന്നാണ് ഈ ട്വീറ്റ് തെളിയിക്കുന്നതെന്ന്
ചൗധരി പറഞ്ഞു. ചൗധരിക്കെതിരായ ഭീഷണിയെ തുടര്ന്ന് കോണ്ഗ്രസ്, ബി.ജെ.പി
നേതാക്കള് തമ്മില് ട്വിറ്ററില് രുക്ഷമായ വാക്പോരും നടന്നിരുന്നു
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല