റോയിട്ടേഴ്സ് മാധ്യമ പ്രവര്ത്തകന് ശ്രീലങ്കയില് അറസ്റ്റില്
Published on 03 May, 2019
വാര്ത്ത ഏജന്സി റോയിട്ടേഴ്സിന്റെ ഫോട്ടോഗ്രാഫറായ
ഇന്ത്യന് മാധ്യമപ്രവര്ത്തകന് ശ്രീലങ്കയില് അറസ്റ്റില്. ശ്രീലങ്കയില്
ഈസ്റ്റര് ദിനത്തില് നടന്ന സ്ഫോടന പരമ്പരയുമായി ബന്ധപ്പെട്ട റിപ്പോര്ട്ട്
തയ്യാറാക്കുന്നതിനിടയിലാണ് മാധ്യമപ്രവര്ത്തകന് ഡാനിഷ് സിദിഖ് അറസ്റ്റ്
ചെയ്യപ്പെട്ടതെന്നാണ് സൂചന. പുലിറ്റ്സര് പുരസ്കാര ജേതാവു കൂടിയാണ് അറസ്റ്റിലായ
ഡാനിഷ്.
റിപ്പോര്ട്ട് തയ്യാറാക്കാനായി ഇദ്ദേഹം ശ്രീലങ്കയിലെ ഒരു
സ്കൂളില് അതിക്രമിച്ച് കടന്നതിനെ തുടര്ന്നാണ് പൊലീസ് അറസ്റ്റ് ചെയ്തതെന്ന്
ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
ശ്രീലങ്കയിലെ നെഗോമ്പോ
നഗരത്തിലെ ഒരു സ്കൂളിലാണ് ഇദ്ദേഹം അതിക്രമിച്ച് കടക്കാന് ശ്രമിച്ചതെന്നാണ്
പൊലീസ് പറയുന്നത്. ശ്രീലങ്കയിലെ സെന്റ് സെബാസ്റ്റ്യന് ക്രിസ്ത്യന് പള്ളിയില്
നടന്ന സ്ഫോടനത്തില് കൊല്ലപ്പെട്ട വിദ്യാര്ത്ഥിയെ കുറിച്ചറിയാനാണ് ഡാനിഷ് ഈ
വിദ്യാലയത്തില് എത്തിയതെന്നാണ് സൂചന.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല