-->

EMALAYALEE SPECIAL

വായനകൊണ്ട് പൂരിപ്പിക്കേണ്ട ഒരു ജിഗ്സോ പസിൽ (ഡോ. സ്വപ്ന സി. കോമ്പാത്ത്, ദിനസരി -32)

Published

on

ശ്രീലക്ഷ്മി ലോഡ്ജിലെ അഞ്ഞൂറ്റിയൊന്നാം നമ്പർ മുറിയിൽ താമസിച്ചിരുന്ന നാലഞ്ചു ചെറുപ്പക്കാരുടെ വലിയ ഓളങ്ങളൊന്നുമില്ലാതെ, ഒതുക്കത്തിലങ്ങ് ഒഴുകിപ്പോയിരുന്ന ജീവിതത്തിലേക്ക് കടന്നുവന്ന  ചെറിയൊരു ചുഴലിക്കാറ്റാണ് ജി .ആർ ഇന്ദുഗോപന്റെ നാലഞ്ചു ചെറുപ്പക്കാർ എന്ന നോവലിന്റെ പ്രമേയം. മുഖ്യധാരാ മലയാളി ജീവിതത്തിലേക്ക് എത്തി നോക്കത്തക്ക പ്രാധാന്യമൊന്നുമില്ലാത്ത നാലഞ്ച് ചെറുപ്പക്കാരും, അതിനേക്കാൾ പ്രാധാന്യം കുറഞ്ഞ അവരുടെ ജീവിതങ്ങളും , അതോടൊപ്പം കൃത്യമായി വിനിമയം ചെയ്തു പോകുന്ന രാഷ്ട്രീയബോധവും ചേർന്ന   ലഘു സൂത്രവാക്യമാണ് "നാലഞ്ചു ചെറുപ്പക്കാർ " .

നാലഞ്ചു ചെറുപ്പക്കാരുടെ അസ്തിത്വദു:ഖത്തിന്റെ പഴക്കത്തിലേക്കല്ല, സ്വർണം എന്ന മഞ്ഞ ലോഹം വിലപറയുന്ന സ്ത്രീ ജീവിതങ്ങളുടെ ഒട്ടും  തിളക്കമില്ലാത്ത പുതുക്കത്തിലേക്കാണ് നോവൽ വഴികാട്ടുന്നത്. അപരിചിതമായ ഒരു തൊഴിൽ മേഖലയുടെ റിസ്കും മറുവശങ്ങളും അനുഭവിച്ചറിയാനുള്ള അവസരം.

വി.എസിനെ അനുകൂലിച്ച് തെരുവു നാടകം നടത്തിയ ആ ചെറുപ്പക്കാരെ  ഒതുക്കിക്കൊണ്ടാണ് പാർട്ടി ഗുണ്ട ടെറർ ബ്രൂണോ അവർക്കിടയിലേക്ക് ഇടിച്ചു കയറി വരുന്നത്. ടെറർ ബ്രൂണോ വെറും ബ്രൂണോ മാത്രമായി അവരിലൊരാളാവുന്നത് പാർട്ടിയിൽ നിന്ന് പുറത്തായതിനു ശേഷവും . സ്വന്തം വീട്ടിൽ നിന്നും  പുറത്താകേണ്ടി വരുന്ന ഒരവസ്ഥയിൽ നാലഞ്ചു ചെറുപ്പക്കാർ ബ്രൂണോയെ ഏറ്റെടുക്കുന്നു. അവരവനെ അജേഷിന് പരിചയപ്പെടുത്തുന്നു. പിന്നെ കളം നിറഞ്ഞാടുന്നത് അജേഷാണ്.

പത്തുമുപ്പതു വയസ്സിനടത്തു പ്രായം വരുന്ന, തോളിൽ കുറുകെയൊരു ബാഗിട്ട ,സുന്ദരനാണ് പി.പി. അജേഷ് . മദ്യം  തന്നെ തിരികെ കുടിക്കാനനുവദിക്കാത്ത അസാമാന്യ മദ്യപാനി ,അങ്കത്തട്ടിൽ നേരിട്ടിറങ്ങി കളിക്കാൻ മാത്രം പ്രാപ്തിയുള്ള ആത്മവിശ്വാസം, ചങ്കുറപ്പള്ളവനാണെന്ന വെല്ലുവിളി, സത്യത്തിനും ജീവിതത്തിനും മാത്രം വില നൽകുന്നവൻ.. പി.പി.അജേഷിനെക്കുറിച്ച് പറയാൻ  ധാരാളമുണ്ട്. 

ഫോർവേഡുകളെ സൈഡിലിരുത്തി ഗോളി തന്നെ കളത്തിലിറങ്ങുന്ന സ്പിരിറ്റാണ് മുന്നോട്ടുള്ള ഓരോ ചുവടിലും അജേഷ് ഒളിപ്പിച്ചിട്ടുള്ളത്. 

സ്വർണവ്യാപാരത്തിൽ ഇങ്ങനെയും ഒരു ഇടപാടുണ്ടെന്ന് തിരിച്ചറിഞ്ഞ്, നാലഞ്ചു ചെറുപ്പക്കാരുടെ ആത്മാർത്ഥതയും, അണുവിനോളം ചെറുതായിപ്പോയ ബ്രൂണോയുടെ പെങ്ങൾ സ്നേഹവും, "പെണ്ണിനെ ഇഷ്ടം പോലെ കിട്ടും. പൊന്നതു പോലെ കിട്ടത്തില്ല " എന്ന മാരിയാനോ പ്രമാണവും, "വ്യവസ്ഥയൊക്കെ ഒരവസ്ഥ വരെയേയുള്ളൂ അച്ചോ" എന്ന ആഗ്നസിന്റെ സ്ഥൈര്യവും, നിന്റെ ഈ സ്വർണം കിടക്കുന്ന "ദേഹവും അതിലെ ഉയിരും ഞാൻ പൊന്നുപോലെ നോക്കിക്കോളാം " എന്ന അജേഷിന്റെ വാക്കിലുള്ള സ്റ്റെഫിയുടെ വിശ്വാസവും, "വിശ്വാസം നഷ്ടപ്പെട്ടാൽ പിന്നെ ഞാനീ തൊഴിലിലില്ല'' എന്ന അജേഷിന്റെ ആവർത്തിച്ചുള്ള ആത്മഗതവുമൊക്കെ ചേർന്നു സൃഷ്ടിക്കുന്ന ഒരു തരം റിയലിസ്റ്റിക് ഫിക്ഷനാണ് "നാലഞ്ചു ചെറുപ്പക്കാർ "

 അടുത്ത നിമിഷം എന്തും സംഭവിക്കാം എന്ന വായനക്കാരന്റെ ആകാംക്ഷയെ യഥാർത്ഥ ജീവിതത്തിലേതു പോലെ  നമ്മുടെ പ്രതീക്ഷകൾക്കപ്പുറത്താണ് കാര്യങ്ങൾ എന്ന തിരിച്ചറിവിലേക്കെത്തിക്കുന്ന രചനാ തന്ത്രമാണ് ജി.ആർ ഇന്ദുഗോപന്റേത്.  നോവലിലെ കഥാപാത്രങ്ങളെ അവരോടുന്ന അതേ വേഗതയിൽ നമ്മളും പിന്തുടരും. അവരിടറുമ്പോൾ നമ്മുടെ മനസ്സിടറും. അവർ പരാജയപ്പെടുമ്പോൾ നമ്മളാ കയ്പറിയും .അവർ വിജയിക്കുമ്പോൾ ആവേശത്തിന്റെ ലഹരി നമുക്ക് കൂടിയാണ്.

 കടപ്പാക്കടയിൽ നിന്ന് ആശുപത്രിമുക്ക് വരെയുള്ള ആ കൂട്ടയോട്ടത്തിൽ ചുണ്ടിനും കപ്പിനുമിടയിലെ ആവേശം അനുഭവിക്കുന്നത് വായനക്കാരാണ്.   തങ്ങൾ വായന കൊണ്ട്  ശ്രദ്ധയോടെ  ചേർത്തുവെക്കേണ്ട ഒരു ജിഗ്സോ പസിലിന്റെ ആകാംക്ഷയും ആനന്ദവുമാണ്  പതിവുപോലെ    ഇന്ദുഗോപൻ  ഈ നോവലിലും കരുതിവെച്ചിട്ടുള്ളത്.

https://emalayalee.com/writer/195

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ആ വിരൽത്തുമ്പൊന്നു നീട്ടുമോ..? : രാരിമ ശങ്കരൻകുട്ടി

പി.ടി. തോമസ്സ് ലോട്ടറിയെടുത്തു; ഫലപ്രഖ്യാപനം ഉടനെ (സാം നിലമ്പള്ളി)

കന്നഡ ഭാഷയും ഒരു ഇഞ്ചിക്കഥയും (രമ്യ മനോജ് ,അറ്റ്ലാന്റാ)

നിങ്ങളുടെ കുട്ടികള്‍ ആരാവണമെങ്കില്‍? (ഭാഗം :1)- പ്രൊഫ (കേണല്‍) ഡോ. കാവുമ്പായി ജനാര്‍ദ്ദനന്‍

എന്റെ മണ്ണും നാടും (ജെയിംസ് കുരീക്കാട്ടിൽ)

സോണിയയുടെ കോണ്‍ഗ്രസ് അതിജീവിക്കുമോ? (ദല്‍ഹികത്ത് : പി.വി.തോമസ്)

ഓൺലൈൻ ക്ലാസ്സ്  (ഇന്ദുഭായ്.ബി)

കോശി തോമസ് വാതിൽക്കലുണ്ട്; നമ്മുടെ ആളുകൾ എവിടെ? (ജോർജ്ജ് എബ്രഹാം)

ശബരി എയര്‍പോര്‍ട്ട്; എരുമേലിയില്‍ വികസനത്തിന്റെ ചിറകടി (ഡോണല്‍ ജോസഫ്)

വികസനമല്ല ലക്ഷ്യം അവിടുത്തെ മനുഷ്യരാണ് (ലക്ഷദ്വീപിന് രക്ഷ വേണം) - ജോബി ബേബി ,നഴ്‌സ്‌, കുവൈറ്റ്

കരുണ അര്‍ഹിക്കാത്ത ഒരമ്മ (സാം നിലമ്പള്ളില്‍)

ജോയിച്ചന്‍ പുതുക്കുളം - ഒരു തിരിഞ്ഞുനോട്ടം (തോമസ് കൂവള്ളൂര്‍)

ഓൺലൈൻ പഠനത്തിന് പുതിയ ചുവടുവയ്പുമായി ഡോ. റോസമ്മ ഫിലിപ്പ് : സിൽജി.ജെ. ടോം

വെൺമേഘക്കീറുകൾ വകഞ്ഞു മാറ്റി അവൾ വരുന്നു (ഏഷ്യയിൽ നിന്ന് ആഫ്രിക്കയിലേക്ക് - 12: ജിഷ.യു.സി)

'പുണ്യാളച്ചാ, കോഴിപറന്നുപോയി... എന്നോടു പെണങ്ങല്ലേ. പാമ്പിനെ വിട്ടു ഞങ്ങളെ പേടിപ്പിക്കല്ലേ...'

മഹാനടൻ സത്യൻ ഓർമ്മയായിട്ട് അര  നൂറ്റാണ്ട് (റജി നന്തികാട്ട്)

പല്ലു० കീരിയു० (ബാല്യകാല സ്മരണകൾ 4: ഗിരിജ ഉദയൻ മുന്നൂർക്കോട്)

കാലത്തിന്റെ വേഷപ്പകര്‍ച്ച (മേരി എം. കല്ലുകളം)

സെമി ബുള്ളറ്റ് ട്രെയിന്‍ 25ല്‍ ഓടുമെന്ന് അജിത്, മലബാര്‍-തിരു നാലു മണിക്കൂര്‍ (കുര്യന്‍ പാമ്പാടി)

ഔപചാരികതകളില്ലാത്ത സനൃാസം (ഗീത രാജീവ്)

വിനാശകരമായ ഏഴ് പാപങ്ങള്‍ (Seven Deadly Sins): സാം നിലമ്പള്ളില്‍

ആരാണ്‌ ലക്ഷദ്വീപിനെ രക്ഷിക്കേണ്ടത്? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ 83)

പ്രകൃതി എത്ര സുന്ദരം! (ഫ്‌ളോറിഡാക്കുറിപ്പുകള്‍-2: സരോജ വര്‍ഗ്ഗീസ്, ഫ്‌ളോറിഡ)

സ്റ്റേ അറ്റ് ഹോം ലംഘിച്ചതാര് ? (ജോര്‍ജ് തുമ്പയില്‍)

സ്റ്റീവൻ ഓലിക്കര വിസ്കോൺസിനിൽ നിന്ന് യു.എസ. സെനറ്റിലേക്ക് മത്സരിക്കാൻ സാധ്യത തേടുന്നു

വെളിച്ചമില്ലാതെ ഉയിർക്കുന്ന നിഴലുകൾ! (മൃദുമൊഴി-12: മൃദുല രാമചന്ദ്രൻ)

വാക്‌സീന്‍ നയത്തില്‍ മോദിയുടെ മലക്കം മറിച്ചിലും കോടതി ഇടപെടലും പതിനായിരങ്ങളുടെ മരണവും (ദല്‍ഹികത്ത്: പി.വി. തോമസ്)

ന്യു യോർക്ക് പോലീസിൽ ആദ്യ ഇന്ത്യൻ ഡെപ്യുട്ടി ഇൻസ്പെക്ടറായി ക്യാപ്റ്റൻ ലിജു തോട്ടം നിയമിതനായി 

നേഹ ചെമ്മണ്ണൂർ: കാനഡയിൽ നിന്നൊരു നക്ഷത്രം  (അനിൽ പെണ്ണുക്കര)

സിൻഡ്രല്ല (അംബിക മേനോൻ, മിന്നാമിന്നികൾ - 4)

View More