കോൺഗ്രസ് പാർട്ടി അധികാരത്തിൽ തിരിച്ചെത്തിയാൽ പുതുതായി പാസാക്കിയ വഖഫ് നിയമം റദ്ദാക്കുമെന്ന് കോൺഗ്രസ് എംപി ഇമ്രാൻ മസൂദ് പ്രഖ്യാപിച്ചു. കഴിഞ്ഞയാഴ്ച വിജ്ഞാപനം ചെയ്ത ഈ നിയമത്തിനെതിരെ പ്രതിഷേധങ്ങൾ ശക്തമായി തുടരുന്നതിനിടയിലാണ് അദ്ദേഹത്തിൻ്റെ ഈ സുപ്രധാന പ്രസ്താവന. ദേശീയ മാധ്യമങ്ങൾ ഈ വാർത്തയ്ക്ക് വലിയ പ്രാധാന്യം നൽകിയിട്ടുണ്ട്.

“ഞങ്ങൾ അധികാരത്തിൽ വരുന്ന ദിവസം, വെറും ഒറ്റ മണിക്കൂറിനുള്ളിൽ ഈ ബിൽ പിഴുതെറിയും. ഇന്ന് അവർ മുസ്ലീങ്ങളെ ലക്ഷ്യമിടുന്നു, നാളെ അവർ മറ്റൊരാളെ ആക്രമിക്കും  . അതിനാൽ ഞങ്ങൾ വീണ്ടും അധികാരത്തിൽ വരണമെന്ന് നിങ്ങൾ ആഗ്രഹിക്കണം,” ജനങ്ങളോട് മസൂദ് ആവശ്യപ്പെട്ടു.

ഏപ്രിൽ 5ന് ഇരുസഭകളിലെയും കടുത്ത വാദപ്രതിവാദങ്ങൾക്ക് ശേഷം രാഷ്ട്രപതി ദ്രൗപദി മുർമു വഖഫ് ഭേദഗതി ബില്ലിൽ ഒപ്പുവച്ച് അംഗീകാരം നൽകിയിരുന്നു. ഇതിനെതിരെ സുപ്രീം കോടതിയെ സമീപിച്ച ആദ്യ ഹർജിക്കാരിൽ ഒരാളായിരുന്നു കോൺഗ്രസ് എംപി ഇമ്രാൻ മസൂദ് എന്നത് ശ്രദ്ധേയമാണ്.

English summery:

If we come to power, we will scrap the Waqf law within just one hour,” says Congress MP Imran Masood.