പെൻസിൽവാനിയ ഗവർണർ ജോഷ് ഷാപിറോയുടെ ഔദ്യോഗിക വസതിയിൽ അജ്ഞാതൻ തീയിട്ട സംഭവത്തിൽ കൂടുതൽ വിവരങ്ങൾ പുറത്തുവന്നിട്ടുണ്ട്. ഞായറാഴ്ച പുലർച്ചെ 2 മണിയോടെയാണ് സംഭവം നടന്നത്. ഈ സമയം ഗവർണറും കുടുംബവും വസതിയിൽ ഉറങ്ങുകയായിരുന്നു. . PASSOVER ആദ്യ രാത്രി ആഘോഷിച്ച് മണിക്കൂറുകൾക്ക് ശേഷമാണ് ഈ സംഭവം.

അധികൃതർ ഈ തീവയ്പ്പ് മനഃപൂർവമാണെന്ന് കണ്ടെത്തി. വീടിൻ്റെ തെക്കുഭാഗത്തെ വലിയ മുറിക്ക് നാശനഷ്ടമുണ്ടായി. ഭാഗ്യത്തിന്, കുടുംബം വേറെ മുറിയിലായിരുന്നതിനാൽ ആർക്കും പരിക്കില്ല. ഗവർണറും കുടുംബവും സുരക്ഷിതമായി രക്ഷപ്പെട്ടു. ഈ കൃത്യത്തിൻ്റെ കാരണം ഇപ്പോഴും അജ്ഞാതമാണ്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. പ്രതിയെക്കുറിച്ചോ തീയിടാനുള്ള കാരണത്തെക്കുറിച്ചോ ഇതുവരെ വിവരങ്ങൾ ലഭ്യമല്ല. അറസ്റ്റിലേക്കും ശിക്ഷയിലേക്കും നയിക്കുന്ന വിവരങ്ങൾ നൽകുന്നവർക്ക് 10,000 ഡോളർ പാരിതോഷികം പ്രഖ്യാപിച്ചിട്ടുണ്ട്.

ഗവർണറുടെ വസതിയുടെ തെക്കുഭാഗത്താണ് പ്രധാനമായും നാശനഷ്ടം സംഭവിച്ചത്. സംഭവം രാഷ്ട്രീയ പ്രേരിതമാണോ എന്നും പോലീസ് അന്വേഷിക്കുന്നുണ്ട്. അതേസമയം  സംഭവം നടന്ന സമയം ഒരുപക്ഷേ യഹൂദവിരുദ്ധമായ ലക്ഷ്യത്തോടെയുള്ള ആക്രമണമാണെന്ന ഊഹാപോഹങ്ങൾക്ക് വഴി തെളിയിച്ചിട്ടുണ്ട്. 1968 മുതൽ പെൻസിൽവാനിയ ഗവർണർമാർ താമസിക്കുന്നത് ഹാരിസ്ബർഗിലെ 2035 നോർത്ത് ഫ്രണ്ട് സ്ട്രീറ്റിലുള്ള ഈ വസതിയിലാണ് .

 ഗവർണർ ജോഷ് ഷാപിറോ  അദ്ദേഹവും കുടുംബവും സുരക്ഷിതരാണെന്നും, നിയമപാലകരുടെയും രക്ഷാപ്രവർത്തകരുടെയും സമയോചിതമായ ഇടപെടലിന് നന്ദിയുണ്ടെന്നും അദ്ദേഹം അറിയിച്ചു.   അദ്ദേഹം  തൻ്റെ ട്വിറ്റർ അക്കൗണ്ടിലൂടെയാണ് ഇക്കാര്യം അറിയിച്ചത്. 
ഈ സംഭവം പെൻസിൽവാനിയയിൽ വലിയ ആശങ്കയ്ക്കും ചർച്ചയ്ക്കും വഴിവെച്ചിട്ടുണ്ട്. പോലീസ് അന്വേഷണം പുരോഗമിക്കുകയാണ്.

English summery:

Fire set to Pennsylvania Governor Shapiro's residence; attack by an unknown person while the family was asleep.