മെല്ബണ്: ക്രിസ്മസ് ആഘോഷം ഗൃഹാതുര സ്മരണകള് ഉണര്ത്തി ഒത്തുചേരലിന്േറയും പരസ്പര സ്നേഹത്തിന്റേയും വേദിയായി മാറ്റിക്കൊണ്ട് മെല്ബണ് ഈസ്റ്റേണ് ബോയ്സ് ക്രിസ്മസ് ആഘോഷവും, കുടുംബസംഗമവും നടത്തി. മുതിര്ന്നവര് സ്നേഹത്തിന്റെയും സാഹോദര്യത്തിന്റെയും പങ്കുചേരലിന്റെയും ക്രിസ്മസ് സന്ദേശം വരും തലമുറയ്ക്ക് കൈമാറുന്നതിനോടൊപ്പം, തങ്ങളുടെ ചെറുപ്പകാല ക്രിസ്മസ് അനുഭവങ്ങള് പങ്കുവെച്ചത് പുതുതലമുറക്ക് ഒരുപുത്തന് അനുഭവമായിരുന്നു. ക്രിസ്മസ് ആഘോഷത്തിന്റെ ഭാഗമായി കുടുംബാംഗങ്ങള് ചേര്ന്നു ഒരുക്കിയ ക്രിസ്മസ് ലഞ്ചും ഉണ്ടായിരുന്നു. മലയാളികള്ക്ക് എല്ലാവര്ക്കും നല്ലൊരു പുതുവത്സരം ആശംസിച്ചുകൊണ്ട് ഒരുപിടി നല്ല കരോള് ഗാനങ്ങളുമായി ഈ വര്ഷത്തെ ക്രിസ്മസ് ആഘോഷങ്ങളോടു വിടപറഞ്ഞു.
റിപ്പോര്ട്ട്: എബി പൊയ്ക്കാട്ടില്