ന്യൂയോര്ക്ക്: ഫോമാ 2020 കണ്വന്ഷന് ന്യൂയോര്ക്കില്
നടക്കുകയാണെങ്കില് അതൊരു മടക്കയാത്രയുടെ അനുഭവം പ്രദാനം ചെയ്യുമെന്ന് രണ്ടു തവണ
അവിഭക്ത ഫൊക്കാനയുടെ ജനറല് സെക്രട്ടറിയും, ഫോമായുടെ പ്രസിഡന്റുമായും സേവനം
അനുഷ്ഠിച്ച ജോര്ജ് മാത്യു അഭിപ്രായപ്പെട്ടു.
ഫോമയുടെ രൂപീകരണവേളയിലുള്ള
പ്രധാന ശില്പികളില് ഒരാളായിരുന്നു ജോര്ജ് മാത്യു. 1983ലാണ് ആദ്യമായി
മലയാളികളുടെ ഒരു വിശാലകൂട്ടായ്മ ന്യൂയോര്ക്ക് സിറ്റിയില് നടന്നത്. (ഫൊക്കാന).
2020 ആകുമ്പോഴേക്കും ഏതാണ്ട് 37 വര്ഷത്തോളമാകും അങ്ങനെയൊരു കൂട്ടായ്മ ഇവിടെ
നടന്നിട്ട്.
കേരളത്തില് നിന്നും വരുന്ന മിക്കവാറും ആളുകള് ആദ്യം
ന്യൂയോര്ക്കിലാണ് എത്തുക. അമേരിക്കയില് എല്ലാവരും തന്നെ തങ്ങളുടെ ആദ്യ ചുവട്
ഉറപ്പിക്കുന്ന സ്ഥലമാണ് ന്യൂയോര്ക്ക്. അവിടെ നിന്നുമാണ് മറ്റു സ്ഥലങ്ങളിലേക്ക്
ആളുകള് മാറിപ്പോകുന്നത്.
അതുകൊണ്ടുതന്നെ ന്യൂയോര്ക്കിനെ
അമേരിക്കയിലുള്ളവര്ക്ക് ഒരു രണ്ടാം അമ്മവീടായി അല്ലെങ്കില് തറവാട്ടിലേക്കുള്ള
മടക്കമായി കണക്കാക്കാം. 2020ല് കണ്വന്ഷന് ന്യൂയോര്ക്കില് നടന്നാല് അതൊരു
മടങ്ങിവരവിന്റെ സംതൃപ്തിയാകും എല്ലാവര്ക്കും പ്രദാനം ചെയ്യുക.
വിവിധ
സ്ഥലങ്ങളിലെ മലയാളികള്ക്ക് കുടുംബമായി ന്യൂയോര്ക്കിലെത്തി കുറച്ചു ദിവസങ്ങള്
ചെലവഴിക്കുവാന് ഈ കണ്വന്ഷന് ഉപകാരപ്പെടും.
അമേരിക്കയിലെ എല്ലാ
സംസ്ഥാനങ്ങളിലും താമസിക്കുന്ന മലയാളികള്ക്ക് ഏതെങ്കിലുമൊരു രീതിയില്
ന്യൂയോര്ക്കുമായി ബന്ധമുണ്ട്.
അതുകൊണ്ടുതന്നെ പൂര്വകാല സ്മരണകള്
അയവിറക്കുന്നതിനും ബന്ധങ്ങള് ഊട്ടിയുറപ്പിക്കുന്നതിനും ഈ മടങ്ങി വരവ്
സഹായകമാവുകതന്നെ ചെയ്യും.
2014ലെ ഫിലഡല്ഫിയ ഫോമാ കണ്വന്ഷന്റെ പ്രസിഡന്റു
കൂടിയായിരുന്ന ജോര്ജ് മാത്യു പ്രത്യാശ പ്രകടിപ്പിച്ചു.