റാഞ്ചി : ഝാര്ഖണ്ഡില് ഹിന്ദുത്വ തീവ്ര വാദികള് ക്രൂരമായി തല്ലിച്ചതച്ച് കൊലപ്പെടുത്തിയ തബ്രീസ് അന്സാരിക്ക് നീതി തേടി പൌരവകാശ കൂട്ടായ്മ രാജ്യവ്യാപക പ്രതിഷേധം നടത്തി.
രാജ്യത്തെ വിവിധ പ്രദേശങ്ങളില് നടന്ന പ്രതിഷേധത്തിന് പുറമെ അമേരിക്കയിലെ വാഷിങ്ടണിലും പ്രതിഷേധം നടന്നു. നൂറുകണക്കിന് ആളുകള് പങ്കെടുത്ത ജന്ദര് മന്ദറിലെ പ്രതിഷേധത്തില് എം.പിമാരായ ഇ.ടി മുഹമ്മദ് ബഷീര്, ഡാനിഷ് അലി എന്നിവര് പ്രസംഗിച്ചു .
ജാര്ഖണ്ഡില് ജയ് ശ്രീറാം വിളിക്കാന് ആവശ്യപ്പെട്ടാണ് മുസ്ലിം യുവാവ് തബ്രീസ് അന്സാരിയെ ഒരു കൂട്ടം തല്ലിക്കൊന്നത് . ഈ സംഭവത്തില് പ്രതിഷേധം ശക്തമാവുകയാണ്. തബ്രീസ് അന്സാരിക്ക് നീതി തേടി ആയിരങ്ങളാണ് രാജ്യത്തിനകത്തും പുറത്തും പ്രതിഷേധവുമായി എത്തിയത്. കഴിഞ്ഞ ദിവസം വൈകീട്ട് രാജ്യത്തെ 70 ജില്ലകളിലായി പ്രതിഷേധം അരങ്ങേറി. ഒപ്പം വാഷിങ്ടണിലും പ്രതിഷേധം ശക്തമായി .