-->

fomaa

ഫോമാ ഇലക്ഷന്‍ സെപ്റ്റംബര്‍ 6 -ന്; നോമിനേഷന്‍ അവസാന തീയതി ഓഗസ്റ്റ് 6

(രാജു ശങ്കരത്തില്‍, ഫോമാ ന്യൂസ് ടീം)

Published

on

ഫിലാഡല്‍ഫിയാ: സെപ്റ്റംബര്‍ 5 മുതല്‍ 7 വരെ ഫിലാഡല്‍ഫിയാ റാഡിസണ്‍ ട്രിവോസ് ഹോട്ടലില്‍ വച്ച്  (2400 Old Lincoln Hwy, Trevose, PA 19053) അരങ്ങേറുന്ന ഫോമാ കണ്‍വെന്‍ഷനോടനുബന്ധിച്ചു 2020 -2022 ലെ ഫോമാ ഭരണസമിതിയിലേക്കുള്ള തിരഞ്ഞെടുപ്പ് സെപ്റ്റംബര്‍ 6 - ഞായറാഴ്ച നടക്കുമെന്നും, നിര്‍ദ്ധിഷ്ട സ്ഥാനങ്ങളിലേക്കുള്ള സ്ഥാനാര്‍ത്ഥികളുടെ നോമിനേഷന്‍ പത്രിക സമര്‍പ്പിക്കേണ്ട അവസാന തീയതി 2020 ഓഗസ്റ്റ് ആറുവരെ മാത്രമായിരിക്കുമെന്നും ഫോമാ ഇലക്ഷന്‍ കമ്മീഷന്‍ ചെയര്‍മാന്‍ ജോര്‍ജ്ജ് മാത്യു, സിപിഎ, തിരഞ്ഞെടുപ്പ് കമ്മീഷണര്‍മാരായ സണ്ണി പൗലോസ്, സ്റ്റാന്‍ലി കളരിയ്ക്കാമുറിയില്‍ എന്നിവര്‍ സംയുകത പ്രസ്താവനയില്‍ അറിയിച്ചു.

ഫോമാ ജനറല്‍ ബോഡി മീറ്റിംഗ്, തിരഞ്ഞെടുപ്പ് എന്നിവയുമായി ബന്ധപ്പെട്ട നിര്‍ദേശങ്ങളും വിശദ വിവരങ്ങളും അടങ്ങിയ ഫോമാ ജനറല്‍ സെക്രട്ടറിയുടെ അറിയിപ്പ് ഇതിനോടകം ഫോമയുമായ് ബന്ധപ്പെട്ട എല്ലാ അംഗസംഘടനകള്‍ക്കും അയച്ചിട്ടുണ്ട്. ആ കത്തിലെ നിര്‍ദ്ദേശങ്ങളില്‍ കാണിച്ചിരിക്കുന്നതുപോലെ മത്സരാര്‍ത്ഥികള്‍കള്‍ ഫീസും പൂരിപ്പിച്ച നാമനിര്‍ദ്ദേശ പട്ടികയും 2020 ഓഗസ്റ്റ് 6 ന് മുന്‍പായി തിരഞ്ഞെടുപ്പ് കമ്മീഷന്‍ ചെയര്‍മാന്‍ ശ്രീ. ജോര്‍ജ്ജ് മാത്യു, കോട്ട്മാന്‍ അവന്യൂ, ഫിലഡെല്‍ഫിയ പി എ 19111George Mathew, 1922 Cottman Ave, Philadelphia, PA-19111) എന്ന വിലാസത്തില്‍ അയച്ചു കൊടുക്കേണ്ടതാണ്. നാമനിര്‍ദ്ദേശ പത്രികയുടെ കോപ്പി fomaaelection2020@gmail.com ലേക്ക് ഇമെയില്‍ ചെയ്യാവുന്നതാണ്.

നിലവിലുള്ള ഫോമാ ഭരണഘടനയുടെയും ബൈലോകളുടെയും ആര്‍ട്ടിക്കിള്‍ സെക്ഷന്‍ 2 അനുസരിച്ച് പ്രതിനിധികളായി ഫോമാ ദേശീയ സമിതിയിലെ എല്ലാ അംഗങ്ങളും അംഗ സംഘടനകളുടെ ഏഴ് (7) പ്രതിനിധികളും ജനറല്‍ ബോഡിയില്‍ ഉള്‍പ്പെടുന്നു. അവര്‍ക്കു മാത്രമേ ജനറല്‍ ബോഡി മീറ്റിംഗില്‍ വോട്ടുചെയ്യാനും തിരഞ്ഞെടുക്കപ്പെട്ട സ്ഥാനങ്ങളിലേക്ക് സ്ഥാനാര്‍ത്ഥികളായി മത്സരിക്കുവാനും അവകാശമുള്ളൂ.
ദേശീയ ഉപദേശക സമിതിയില്‍ നിലവിലുള്ള എല്ലാ പ്രസിഡന്റുമാരോ മുന്‍ പ്രസിഡന്റ്(എക്‌സ് ഒഫിഷ്യല്‍) മാരോ അവരുടെ പ്രതിനിധികളോ അംഗ സംഘടനകളുടെ പ്രതിനിധികളായും, എക്‌സിക്യൂട്ടീവ്, നാഷണല്‍ കമ്മിറ്റി അംഗങ്ങളും ഉള്‍പ്പെടുന്നു. ഈ ദേശീയ ഉപദേശക സമിതിയിലെ അംഗങ്ങളെ മാത്രമേ കൗണ്‍സിലിലെ സ്ഥാനങ്ങളിലേക്ക് തിരഞ്ഞെടുക്കാനാകൂ.

2015ലും 2017 ലും നടന്ന ജനറല്‍ ബോഡി മീറ്റിംഗില്‍ അംഗീകരിച്ച എഛങഅഅ യുടെ ഭരണഘടനയും ബൈലോകളും  Fomaa വെബ്‌സൈറ്റില്‍   അവലോകനം ചെയ്യാവുന്നതാണ്. www.fomaa.com/Constitution

ചോദ്യങ്ങളോ ആശങ്കകളോ ഉണ്ടെങ്കില്‍,  മുഖ്യ തെരഞ്ഞെടുപ്പ് കമ്മീഷണറയോ അല്ലെങ്കില്‍ മറ്റ് കമ്മീഷന്‍ അംഗങ്ങളുമായോ  ബന്ധപ്പെടാവുന്നതാണ് .

കോവിഡ് - 19 എന്ന മഹാ മാരിയുടെ പച്ഛാത്തലത്തില്‍ അഗാധമായ വെല്ലുവിളികളിലൂടെയാണ് നാം ഓരോരുത്തരും ജീവിക്കുന്നത്. ഈ  പാന്‍ഡെമിക് സമയത്ത് സാഹചര്യം അനുവദിച്ചാല്‍ മാത്രമേ തിരഞ്ഞെടുപ്പ് നടക്കൂ. എന്തെങ്കിലും റദ്ദാക്കലോ മാറ്റിവയ്ക്കലോ ഉണ്ടെങ്കില്‍, ആ വിവരങ്ങള്‍  ഉടന്‍ അറിയിക്കും. വെല്ലുവിളി നിറഞ്ഞ ഈ സമയങ്ങളില്‍, നമ്മുടെ മഹത്തായ ഓര്‍ഗനൈസേഷനായ ഫോമയുടെ അടിസ്ഥാന മൂല്യങ്ങളെ മുറുകെപ്പിടിച്ചു പ്രതിരോധിക്കാന്‍ നാം ഓരോരുത്തരും അശ്രാന്തമായി പ്രവര്‍ത്തിക്കണം. ഏതെങ്കിലും കാരണവശാല്‍ പ്രഖ്യാപിത ദിവസം തിരഞ്ഞെടുപ്പ് നടത്താന്‍ കഴിയില്ലെങ്കില്‍, നിങ്ങളുടെ പിന്തുണയോടും അനുമതിയോടും കൂടി മറ്റ് മാര്‍ഗങ്ങളിലൂടെ അത് നടത്താന്‍ ഫോമാ തയ്യാറാവും.
ഈ തിരഞ്ഞെടുപ്പ് പ്രക്രിയയിലെ ഒരു പങ്കാളിയെന്ന നിലയില്‍, ഫോമയുടെ ബൈലോകളില്‍ പറഞ്ഞിരിക്കുന്ന നിയമങ്ങളും ചട്ടങ്ങളും അനുസരിക്കാന്‍ നിങ്ങള്‍ ബാധ്യസ്ഥരാണ്.

ആസൂത്രണം ചെയ്ത രീതിയില്‍ അന്ന് കണ്‍വന്‍ഷന്‍ നടക്കുകയാണെങ്കില്‍ നിങ്ങളുടെ സഹകരണത്തോടെ നൂറു ശതമാനവും ന്യായവും നീതിയുക്തവുമായ ഒരു തിരഞ്ഞെടുപ്പ് നടത്തുമെന്ന് ഞങ്ങള്‍ നിങ്ങള്‍ക്ക് ഉറപ്പ് നല്‍കുന്നതായി തിരഞ്ഞെടുപ്പ് കമ്മീഷന്‍ -2020 ചെയര്‍മാന്‍ ജോര്‍ജ്ജ് മാത്യു, സിപിഎ, തിരഞ്ഞെടുപ്പ് കമ്മീഷണര്‍മാരായ സണ്ണി പൗലോസ്, സ്റ്റാന്‍ലി കളരിയ്ക്കാമുറിയില്‍ എന്നിവര്‍ വ്യക്തമാക്കി.

ഫോമ 2018 തിരഞ്ഞെടുപ്പുകള്‍ക്കുള്ള നിയമങ്ങള്‍ 

എക്‌സിക്യൂട്ടീവ് കമ്മിറ്റി, ദേശീയ കമ്മിറ്റി, ദേശീയ ഉപദേശക സമിതി എന്നിവയിലേക്ക് സ്ഥാനാര്‍ത്ഥികളെ നാമനിര്‍ദ്ദേശം ചെയ്യുന്നതിനുള്ള നാമനിര്‍ദ്ദേശ പത്രിക ജനറല്‍സെക്രട്ടറി എല്ലാ അംഗ സംഘടനകള്‍ക്കും ഇതോടകം അയച്ചുകൊടുത്തിട്ടുണ്ട്.

ജനറല്‍ ബോഡി മീറ്റിംഗിന്റെയും ദേശീയ ഉപദേശക സമിതി യോഗങ്ങളുടെയും വേദി, സമയം എന്നിവയുടെ എല്ലാ വിശദാംശങ്ങളും സെക്രട്ടറിയുടെ കത്തില്‍ ഉണ്ട്.

സംഘടനയുടെ പ്രസിഡന്റും സെക്രട്ടറിയും നാമനിര്‍ദ്ദേശം അംഗീകരിച്ചാല്‍ സ്വയം നാമനിര്‍ദ്ദേശങ്ങള്‍ അനുവദനീയമാണ്.

താഴെ പറയുന്ന തസ്തികകളിലേക്കാണ് തിരഞ്ഞെടുപ്പ് നടക്കുന്നത്:

പ്രസിഡന്റ്, വൈസ് പ്രസിഡന്റ്, ജനറല്‍ സെക്രട്ടറി, ജോയിന്റ് സെക്രട്ടറി, ട്രഷറര്‍, ജോയിന്റ് ട്രഷറര്‍.

റീജിയന്‍ വൈസ് പ്രസിഡന്റുമാര്‍ (12) (ഒരു റീജിയന് ഒരാള്‍ വീതം

ഓരോ റീജിയനില്‍ നിന്നും 2 കമ്മറ്റി മെമ്പേഴ്സിനെ ഉള്‍പ്പെടുത്തിക്കൊണ്ട് 24 കമ്മിറ്റി അംഗങ്ങള്‍ .

18 നും 30 നും ഇടയില്‍ പ്രായമുള്ള യുവജന പ്രതിനിധികള്‍ (3)

വനിതാ പ്രതിനിധികള്‍ (3)

ദേശീയ ഉപദേശക സമിതി അംഗങ്ങള്‍:

ചെയര്‍മാന്‍, വൈസ് ചെയര്‍മാന്‍, സെക്രട്ടറി, ജോയിന്റ് സെക്രട്ടറി.

പ്രസിഡന്റ് സ്ഥാനത്തിന് 500 ഡോളര്‍, വൈസ് പ്രസിഡന്റ്, സെക്രട്ടറി, ജോയിന്റ് സെക്രട്ടറി, ട്രഷറര്‍, ജോയിന്റ് ട്രഷറര്‍ എന്നിവര്‍ക്ക് 250 ഡോളര്‍, മറ്റ് എല്ലാ കമ്മിറ്റി അംഗങ്ങള്‍ക്കും ദേശീയ ഉപദേശക സമിതി ഓഫീസര്‍മാര്‍ക്കും 150 ഡോളര്‍ വീതവും ആയിരിക്കും നാമനിര്‍ദ്ദേശ ഫീസ്. യുവജന പ്രതിനിധികള്‍ക്ക് ഫീസില്ല,

ആവശ്യമായ എല്ലാ രേഖകളോടും ഒപ്പുകളോടെയും പൂരിപ്പിച്ച നാമനിര്‍ദ്ദേശ ഫോം ഓഗസ്റ്റ് 6-നോ അതിനുമുമ്പോ തിരഞ്ഞെടുപ്പ് കമ്മീഷന്‍ ചെയര്‍മാന്‍ ശ്രീ. ജോര്‍ജ്ജ് മാത്യു, Mr. George Mathew, 1922 Cottman Ave Philadelphia, PA-19111 എന്ന വിലാസത്തിലേക്ക് മെയില്‍ ചെയ്യണം. നാമനിര്‍ദ്ദേശ ഫോമുകളുടെ പകര്‍പ്പ് fomaaelection2020@gmail.com   എന്ന അഡ്രസ്സില്‍ ഇമെയില്‍ ചെയ്യാവുന്നതുമാണ്:

ഒരു വ്യക്തിയെ ഒരു സ്ഥാനത്തേക്ക് മാത്രമേ നാമനിര്‍ദ്ദേശം ചെയ്യാന്‍ കഴിയൂ, കൂടാതെ മീറ്റിംഗുകളില്‍ പങ്കെടുക്കാന്‍ അംഗീകൃതവും രജിസ്റ്റര്‍ ചെയ്തതുമായ പ്രതിനിധിയായിരിക്കണം.

ജനറല്‍ ബോഡി മീറ്റിംഗിലേക്കും ദേശീയ ഉപദേശക സമിതി യോഗത്തിലേക്കും ഉള്ള എല്ലാ പ്രതിനിധികളും കണ്‍വെന്‍ഷനായി രജിസ്റ്റര്‍ ചെയ്യണം, കൂടാതെ തിരിച്ചറിയലിനായി സാധുവായ ഒരു ഫോട്ടോ ഐഡി ഉണ്ടായിരിക്കണം. (ഡ്രൈവര്‍ ലൈസന്‍സ്, പാസ്പോര്‍ട്ട് അല്ലെങ്കില്‍ സ്റ്റേറ്റ് നല്‍കിയ ഐഡി പോലുള്ളവ)

ഓരോ അംഗസംഘടനയുടെയും പ്രസിഡന്റും സെക്രട്ടറിയും ഉചിതമായ ഫോമുകളില്‍ ഒപ്പിട്ട് തിരഞ്ഞെടുപ്പിനുള്ള സ്ഥാനാര്‍ത്ഥികളുടെയും പ്രതിനിധികളുടെ പട്ടികയുടെയും അംഗീകാരം നല്‍കണം.

എല്ലാ തിരഞ്ഞെടുപ്പുകളും രഹസ്യ ബാലറ്റിലൂടെ നടത്തും.

തിരഞ്ഞെടുപ്പ് കമ്മീഷന്‍ ചെയര്‍മാന് രേഖാമൂലമുള്ള അറിയിപ്പ് നല്‍കി 2020 ഓഗസ്റ്റ് 11-നോ അതിനു മുമ്പോ നാമനിര്‍ദ്ദേശങ്ങള്‍  പിന്‍വലിക്കാവുന്നതാണ്.  ഓഗസ്റ്റ് 11 അവസാന തീയതിയിലോ അതിന് മുമ്പോ ഏതെങ്കിലും സ്ഥാനാര്‍ത്ഥി നാമനിര്‍ദ്ദേശം പിന്‍വലിക്കുകയോ അല്ലെങ്കില്‍ തിരഞ്ഞെടുപ്പ് കമ്മീഷന്‍ സ്ഥാനാര്‍ത്ഥിയെ അയോഗ്യനാക്കുകയോ ചെയ്താല്‍ അവരുടെ നാമനിര്‍ദ്ദേശ ഫീസ് തിരികെ നല്‍കുന്നതാണ്.  ഓഗസ്റ്റ് 6 ന് നിശ്ചിത തീയതിക്ക് ശേഷം ലഭിക്കുന്ന എല്ലാ നാമനിര്‍ദ്ദേശ പത്രികകളും  അയോഗ്യരാക്കപ്പെടും.

ഓരോ അംഗ സംഘടനകള്‍ അവരവരുടെ നിലവിലുള്ള അംഗത്വ കുടിശ്ശികയായ $100.00 (നൂറു ഡോളര്‍) ഫോമാ ട്രഷററുമായി പരിശോധിക്കേണ്ടതും, അവരുടെ ഓര്‍ഗനൈസേഷന്റെ അംഗത്വം കുടിശ്ശികയില്ലാതെ പുതുക്കിയതാണെന്ന് ഉറപ്പാക്കേണ്ടതുമാണ്. 

പ്രോക്‌സി വോട്ട് അനുവദനീയമല്ല, വോട്ടുചെയ്യാനും തിരഞ്ഞെടുക്കാനും ജനറല്‍ ബോഡി മീറ്റിംഗിലും ദേശീയ ഉപദേശക സമിതി യോഗത്തിലും സ്ഥാനാര്‍ത്ഥികള്‍ ശാരീരികമായി ഹാജരാകണം.

നാമനിര്‍ദ്ദേശം ചെയ്യപ്പെട്ടവരുടെ പേര് വിവരങ്ങള്‍ തിരഞ്ഞെടുപ്പ് കമ്മീഷന്‍ ചെയര്‍മാന് ലഭിച്ചിട്ടുണ്ടോ എന്നത് ബോധ്യമാക്കേണ്ടത് നോമിനികളുടെ ഉത്തരവാദിത്തമായിരിക്കും. തിരഞ്ഞെടുപ്പ് കമ്മീഷന്‍ ചെയര്‍മാന്‍ രണ്ട് ദിവസത്തിനുള്ളില്‍ ഈമെയില്‍ വഴി സ്ഥിരീകരിക്കുന്നതായിരിക്കും.

വോട്ടിംഗ് പരിസരത്ത് വോട്ടര്‍മാര്‍ക്ക് മാത്രമേ അനുമതിയുള്ളൂ, വോട്ടിംഗ് പരിസരത്ത് ഒരു സ്ഥാനാര്‍ത്ഥിയുടെയും പ്രചരണം അനുവദിക്കില്ല.

ഇക്കാര്യത്തില്‍ കൂടുതല്‍ വ്യക്തത ആവശ്യമുണ്ടെങ്കില്‍ അല്ലെങ്കില്‍ മുകളിലുള്ള നിര്‍ദ്ദേശങ്ങളോ നിയമങ്ങളോ സംബന്ധിച്ച് എന്തെങ്കിലും ചോദ്യങ്ങളുണ്ടെങ്കില്‍, ദയവായി ഏതെങ്കിലും തിരഞ്ഞെടുപ്പ് കമ്മീഷന്‍ അംഗങ്ങളുമായി ബന്ധപ്പെടാവുന്നതാണ്.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഫോമാ കള്‍ച്ചറല്‍ കമ്മിറ്റിയ്ക്ക് നവ നേതൃത്വം : പൗലോസ് കുയിലാടന്‍ ചെയര്‍മാന്‍

ഫോമ നേഴ്‌സസ് ഫോറം ഉദ്ഘാടനം ചെയ്തു

പഴയ ഞാനല്ല, പുതിയ ഞാൻ: ബീന കണ്ണൻ; കരണത്ത്   അടിച്ച ഓർമ്മയുമായി വാസുകി ഐ.എ.എസ് 

മികവിന്റെ പാരമ്പര്യവുമായി ഫോമാ ജനറൽ സെക്രട്ടറി സ്ഥാനത്തേക്ക് വിനോദ് കൊണ്ടൂർ സ്ഥാനാർഥി

ഫോമാ വനിതാസമിതി സ്ത്രീ ശാക്തീകരണത്തെ കുറിച്ച് സെമിനാര്‍ ജൂണ്‍ 15 ചൊവ്വാഴ്ച സഃഘടിപ്പിക്കുന്നു

ഫോമാ നല്‍കിയ വെന്റിലേറ്റര്‍, കായംകുളം താലൂക്ക് ആശുപത്രിക്ക് കൈമാറി

ആർദ്ര ഗാനങ്ങളുമായി ദലീമ ജോജോ എം എൽ എ; ഫോമ നഴ്സസ് ഫോറം അരൂരിൽ പഠനോപകരണങ്ങൾ എത്തിക്കും

അരൂരിലെ വിദ്യാർത്ഥികൾക്ക് സഹായഹസ്തവുമായി ഫോമാ നഴ്‌സസ് ഫോറം. ദലീമ ജോജോ പങ്കെടുക്കുന്ന യോഗം നാളെ

ഫോമയോടൊപ്പം അരിസോണ മലയാളി അസോസിയേഷനും: 10,000 ഡോളര്‍ നല്‍കും

ഫോമാ നല്‍കിയ വെന്റിലേറ്റര്‍, ജില്ലാ കലക്ടര്‍ തൃശൂര്‍ മെഡിക്കല്‍ കോളേജിന് കൈമാറി.

ഫോമാ ജോയിന്റ് ട്രഷറർ സ്ഥാനത്തേയ്ക്ക് ജെയിംസ് ജോർജിനെ കാൻജ്  എൻഡോഴ്സ് ചെയ്തു 

ഫോമ പ്രസിഡന്റ് സ്ഥാനത്തേക്ക് മത്സരിക്കുന്ന ഡോ. ജേക്കബ് തോമസിന് മലയാളി സമാജം ഓഫ് ന്യൂയോര്‍ക്കിന്റെ പിന്തുണ

ഫോമാ കോവിഡ് സഹായ പദ്ധതി: സൈമൺ കോട്ടൂർ 8000  ഡോളർ സംഭാവന ചെയ്തു

ഫോമാ ഹെൽപ്പിങ് ഹാൻഡ്‌സിന്റെ  കാര്യണ്യ സ്പർശത്തിൽ നിറഞ്ഞ മനസ്സുമായി നിധിൻ

സഹായങ്ങൾക്ക് നന്ദി; ഒന്നും പാഴാക്കില്ലെന്ന് ഉറപ്പ്: ഫോമാ വേദിയിൽ മന്ത്രി വീണ ജോർജ്

ആരോഗ്യ വകുപ്പ് മന്ത്രി ശ്രീമതി വീണ ജോര്‍ജ്ജ് നാളെ ഫോമാ മീറ്റിങ്ങില്‍ പങ്കെടുക്കുന്നു

ഫോമാ നൽകിയ വെന്റിലേറ്റർ പത്തനംതിട്ട കളക്ടർ ഏറ്റുവാങ്ങി

കോവിഡ് സഹായ പദ്ധതി: കേരള സര്‍ക്കാര്‍ പ്രതിനിധികളും ഫോമ പ്രതിനിധികളും യോഗം ചേര്‍ന്നു.

ഫോമാ കേരളത്തിലേക്ക് അയച്ച വെന്റിലേറ്ററുകള്‍ കേരള സര്‍ക്കാര്‍ ഉദ്യോഗസ്ഥര്‍ ഏറ്റുവാങ്ങി

വെന്റിലേറ്ററുകള്‍ ഫോമാ കേരളത്തിലേക്ക് അയച്ചു

ഫോമയുടെ പി.ആർ.ഓ ആയി സലിം അയിഷയെ തെരെഞ്ഞെടുത്തു

ജോൺ ടൈറ്റസ്, ജോൺ സി.വർഗ്ഗീസ്, ദിലീപ് വർഗ്ഗീസ്: ഫോമായോടൊപ്പം കാരുണ്യത്തിന്റെ മൂന്ന്   മാതൃകകൾ

ഫോമാ കോവിഡ് സഹായ പദ്ധതി: ഡിട്രോയിറ്റ് മലയാളി അസോസിയേഷന്‍ 6000 ഡോളര്‍ നല്‍കും

ഫോമയുടെ സന്നദ്ധ പ്രവര്‍ത്തനങ്ങള്‍ക്കു അമേരിക്കയുടെ അംഗീകാരം

ഫോമാ കോവിഡ് സഹായ പദ്ധതി: ഫോമാ സെന്‍ട്രല്‍ റീജിയന്‍ എണ്ണായിരം ഡോളര്‍ നല്‍കും

ഫോമാ കോവിഡ് സഹായ പദ്ധതി: കേരള അസോസിയേഷന്‍ ഓഫ് വാഷിങ്ടണ്‍ രണ്ടു വെന്റിലേറ്ററുകള്‍ സംഭാവന ചെയ്യും.

കേരളത്തിലെ പിണറായി സര്‍ക്കാരിന് ഫോമയുടെ ആശംസകള്‍

ഫോമാ കോവിഡ് സഹായ പദ്ധതിക്ക് സംഭാവന ചെയ്യാന്‍ ഫോമാ ആര്‍.വി.പി.മാരുടെ സംയുക്ത അഭ്യര്‍ത്ഥന

ഫോമാ കോവിഡ് സഹായം ഈ ആഴ്ച അയക്കും; കൺവൻഷൻ വേദി പരിശോധിക്കുന്നു

ഫോമയുടെ കോവിഡ് സഹായ പദ്ധതിക്ക് പിന്തുണയുമായി ക്യാപ്റ്റൻ വിബിൻ വിൻസൻറ്

View More