കുവൈറ്റ് സിറ്റി : കോവിഡ് അനുബന്ധമായി പ്രവാസി റിസാല ഗള്ഫിലെ 6 രാജ്യങ്ങളില് നടത്തിയ സര്വേ റിപ്പോര്ട്ട് അടിസ്ഥാനമാക്കി കുവൈറ്റ് തല ചര്ച്ചാ സംഗമം സംഘടിപ്പിച്ചു.
ജിസിസിയിലെ പ്രവാസി മലയാളികള്ക്കിടയില് നടത്തിയ റിയലിസ്റ്റിക്കല് സര്വേ അടിസ്ഥാനമാക്കിയുള്ള ചര്ച്ച ആരോഗ്യ, സാമ്പത്തിക, മാനസിക, സാങ്കേതിക, തൊഴില് മേഖലകളില് ഉണ്ടായ ആഘാതത്തെയും ജീവിത ശൈലികളെയും വിശകലനം ചെയ്തു. ഇത്തരം പ്രതിസന്ധികളെ തരണം ചെയ്യുന്നതിന് പ്രവാസികള് എടുക്കേണ്ട മുന്കരുതലുകളെയും പുതിയ സാധ്യതകളെയും പഠനവിധേയമാക്കി. ലുഖ്മാന് വിളത്തൂര്, സജീവ് പീറ്റര്, ഫാറൂഖ് ഹമദാനി, സാം പൈനുംമൂട്, അബ്ദുള്ള വടകര, സത്താര് കുന്നില്, ജസാം കുണ്ടുങ്ങല്, ഹാരിസ് പുറത്തീല് എന്നിവര് സംബന്ധിച്ചു.
റിപ്പോര്ട്ട്: സലിം കോട്ടയില്