വിദ്യാധരൻ മാഷ് ഇടപെടേണ്ട വകുപ്പാണല്ലോ ?? ഭാഷ പ്രയോഗം. ഇവർ മാത്രമാണോ മികച്ച ദമ്പതികൾ ? സൗന്ദര്യം, പണം, പദവി, നേട്ടങ്ങൾ, വിദ്യാഭ്യാസം, പെരുമാറ്റം ഇങ്ങനെ ചില കാര്യങ്ങളിൽ കൂടുതൽ മാർക്ക് ലഭിച്ചവർ എന്ന മാനദണ്ഡമായിരിക്കും. അതുകൊണ്ട് മികച്ച എന്ന് പറയാമോ. മാതൃക ദമ്പതികൾ എന്നായിരിക്കുമോ ശരിയായ പ്രയോഗം.

ഇത്തരം ചെറിയ കാര്യങ്ങൾക്ക് വിദ്യാധരൻ മാഷിനെ എന്തിനാണ് ബുദ്ധിമുട്ടിക്കുന്നത് ? ഞാൻ മലയാളത്തിൽ പി എച്ച് ഡി എടുത്ത ഒരാളാണ് . പക്ഷെ എങ്ങും പ്രയോഗിക്കാൻ അവസരം കിട്ടിയിട്ടില്ല. ഇവിടെ ആർക്കാണ് മലയാളം വേണ്ടത് .എന്നാലും ഇതൊരു നല്ല വസരം ആയി കാണുന്നു . അപ്പോൾ മികച്ച എന്ന പ്രയോഗം ആദ്യം പരിശോധിക്കാം . ഉദാഹരണമായി അമേരിക്കയിലെ മികച്ച പത്തു ഹോട്ടൽ - ഹോട്ടൽ എന്ന് പറയുന്നത് സ്ഥാവരജംഗമ വസ്തുക്കളിൽ പെടും . അതായത് ഇതിനൊന്നും ജീവനില്ല . എടുത്തോണ്ടു നടക്കണം , അപ്പോൾ അത് നമ്മൾക്ക് ഇവിടെ ഒന്ന് പ്രയോഗിച്ചു നോക്കാം . കുറെ നാൾ വിവാഹം ഒക്കെ കഴിഞ്ഞു വികാരം എല്ലാം പോയി കഴിഞ്ഞാൽ കൂടെ താമസിക്കുന്നവർ ഏതാണ്ട് സ്ഥാവരജംഗമ വസ്തുവായി മാറും .(ഓരോന്നിന്റെ സൈസ് കണ്ടില്ലേ! H 5 W 10 ) അതുകൊണ്ടു അതിനെ മികച്ചത് എന്ന് വിളിക്കുന്നതിൽ തെറ്റില്ല . ഇങ്ങനെയുള്ളവരെ മാതൃക ആക്കാനും പറ്റില്ല . വീടിനകത്ത് മികച്ച സാധനങ്ങൾ ആയി കഴിയുന്നവർക്ക് പുറത്ത് എങ്ങനെ മാതൃക ആകാൻ കഴിയും ? അപ്പോൾ ഈ പ്രയോഗങ്ങൾ ശരിയാണോ എന്ന് ചോദിച്ചാൽ അത് ഓരോത്തർക്കും ഓരോന്നായി തോന്നും , അതായത്, അതു താനല്ലയോ ഇതെന്ന് വർണ്ണ്യത്തിൽ ആശങ്ക . അതായത് ചില ആണുങ്ങൾ പെണ്ണായി മാറും ചില പെണ്ണുങ്ങൾ ആണായി മാറും .