ന്യൂജെഴ്സി: ഹൂസ്റ്റണില് വെച്ചു നടന്ന ഫൊക്കാനയുടെ പതിനഞ്ചാമത് ദേശീയ
കണ്വന്ഷനോടനുബന്ധിച്ചു നടത്തിയ 2012-14ലേക്കുള്ള ഭാരവാഹികളുടെ തെരഞ്ഞെടുപ്പില്
ന്യൂജെഴ്സിയില് നിന്നുള്ള സജി ടി. മാത്യുവിനെ റീജിയണല് വൈസ് പ്രസിഡന്റായി
തെരഞ്ഞെടുത്തു (റീജിയന് 3). ന്യൂജെഴ്സി, പെന്സില്വാനിയ, ഡെലാവേര് എന്നീ
സംസ്ഥാനങ്ങള് കൂടിയതാണ് റീജിയന് 3.
കേരള കള്ച്ചറല് ഫോറം ഓഫ്ന്യൂ ജെഴ്സിയുടെ സെക്രട്ടറിയായും എക്യൂമെനിക്കല് ക്രിസ്ത്യന് ഫെല്ലോഷിപ്പ് ഓഫ്
ന്യൂജെഴ്സിയുടെ ട്രഷററായും അദ്ദേഹം പ്രവര്ത്തിക്കുന്നു.
കേരള
സ്റ്റുഡന്റ്സ് യൂണിയനിലൂടെ രാഷ്ട്രീയ രംഗപ്രവേശം ചെയ്ത സജി മാത്യു, കെ.എസ്.യു.
മാവേലിക്കര ബിഷപ്പ് മൂര് കോളേജിലെ യൂണിറ്റ് വൈസ് പ്രസിഡന്റ്, ഇലക്ഷന്
കമ്മിറ്റി ചെയര്മാന്, മാവേലിക്കര താലൂക്ക് സെക്രട്ടറി, ആലപ്പുഴ ജില്ല
നിര്വ്വാഹക സമിതി അംഗം എന്നീ ചുമതലകള് വഹിച്ചിട്ടുണ്ട്. കൂടാതെ, സ്റ്റുഡന്റ്
ക്രിസ്ത്യന് മൂവ്മെന്റ് (SCM) വൈസ് ചെയര്മാന് പദവിയും
വഹിച്ചിട്ടുണ്ട്.
ബിഷപ്പ് മൂര് കോളേജ് ബാസ്ക്കറ്റ് ബോള് ടീം
ക്യാപ്റ്റന്, അത്ലറ്റിക് ടീം ക്യാപ്റ്റന് എന്നീ നിലകളിലും അദ്ദേഹം
പ്രവര്ത്തിച്ചിട്ടുണ്ട്.
ന്യൂജെഴ്സി ടീനെക്കിലുള്ള സെന്റ് പീറ്റേഴ്സ്
മാര്ത്തോമ്മാ ചര്ച്ച് സെക്രട്ടറി, ട്രഷറര്, അക്കൗണ്ടന്റ്, യുവജന സഖ്യം
സെക്രട്ടറി, മാര്ത്തോമ്മാ ഡയോസിഷന് അസംബ്ലി മെംബര് തുടങ്ങിയ ചുമതലകള്
നിര്വ്വഹിച്ചിട്ടുണ്ട്. സാമൂഹ്യസേവനത്തിലൂടെ പ്രവാസികളുടെ പ്രശ്നങ്ങള് നേരില്
കണ്ടു പഠിക്കുകയും ഉചിതമായ രീതിയില് അവ കൈകാര്യം ചെയ്ത് പ്രതിവിധികള് തേടുക
എന്ന ലക്ഷ്യത്തോടെയാണ് താന് ഫൊക്കാന എന്ന സംഘടനയ്ക്കുവേണ്ടി
പ്രവര്ത്തിക്കുന്നതും ഇപ്പോള് ഈ റീജിയണല് വൈസ് പ്രസിഡന്റ് പദവി
സ്വീകരിച്ചതെന്നും അദ്ദേഹം അഭിപ്രായപ്പെട്ടു.
ഏറ്റവും പ്രധാന വിഷയം
അമേരിക്കയില് വളര്ന്നുവരുന്ന നമ്മുടെ അടുത്ത തലമുറയെ ലക്ഷ്യബോധമുള്ളവരാക്കുകയും
അവരെ മുഖ്യധാരയില് കൊണ്ടുവരുവാനുള്ള പ്രയ്ത്നിക്കുക എന്നതാണ്. അതിന് തന്നാല്
കഴിയുന്ന എന്തു ത്യാഗവും സഹിക്കാന് തയ്യാറാണെന്ന് സജി ഒരു പത്രക്കുറിപ്പില്
അറിയിച്ചു. എല്ലാവരുടേയും സഹകരണം അദ്ദേഹം അഭ്യര്ത്ഥിക്കുകയും ചെയ്തു.
വില്യം പാറ്റേഴ്സണ് യൂണിവേഴ്സിറ്റി പ്രൊഫസര് ലിസി മാത്യുവാണ് ഭാര്യ.
ജീന, നീത, സെറിന് എന്നിവര് മക്കളാണ്.