ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ് (ഫോമാ) ക്യാപിറ്റൽ റീജിയൻ അംഗങ്ങൾക്കു വേണ്ടി ഓൺലൈൻ മലയാളം ക്ലാസുകൾ ആരംഭിക്കുന്നു.
യുവാക്കൾക്കായി ശനിയാഴ്ച ദിവസങ്ങളിലാണ് ക്ളാസുകൾ. ഒഴുക്കോടെ മലയാളം സംസാരിക്കാൻ പരിശീലിപ്പിക്കും. കുട്ടികൾക്കുള്ള ക്ളാസുകളിൽ വായിക്കാനും എഴുതാനും സംസാരിക്കാനും പഠിപ്പിക്കും. സമയം രാവിലെ 10 മുതൽ 11 വരെയും 11 മുതൽ 12 വരെയും (EST).
തുടക്കത്തിൽ ക്ലാസുകൾ സൗജന്യമാണ്. സംഘടനയുടെ സാമൂഹ്യ വികസന പ്രതിബദ്ധത കണക്കിലെടുത്താണിത്. ഭാവിയിൽ ചെറിയ തോതിൽ ഫീ ചുമത്തിയേക്കാം. എന്നാൽ സ്പോൺസർഷിപ് സാധ്യമാക്കി അത് ഒഴിവാക്കാനും ശ്രമിക്കും. ഈ സംരംഭത്തെ സഹായിക്കാൻ സ്പോൺസർഷിപ് ഏറ്റെടുക്കാൻ ബിസിനസ് സ്ഥാപനങ്ങളെയും വ്യക്തികളെയും ക്ഷണിക്കുന്നു.
തിരുവനന്തപുരം സ്വദേശി സജിത്ത് സുദ്ധീന്ദ്രൻ ആണ് അധ്യാപകൻ. ഇപ്പോൾ അദ്ദേഹം ഗുരുവായൂരിലാണ് താമസം. കേരള സർവകലാശാലയിൽ നിന്നു മലയാളത്തിൽ എം എ ബിരുദം നേടിയ അദ്ദേഹം വർക്കല എസ് എൻ കോളജിൽ നിന്ന് ബി എഡും എടുത്തിട്ടുണ്ട്. കേരളത്തിലും ഗൾഫിലും അധ്യാപകൻ ആയിരുന്നു.
ബന്ധപ്പെടുക: ഡോക്ടർ മധു നമ്പ്യാർ, madhunambiar1@gmial.com; 301-525-8522.