ന്യു യോർക്ക്: ഫൊക്കാന നാഷണൽ കമ്മിറ്റിയിലേക്ക് കല ഷഹിയുടെ ടീമിൽ ഷൈമി ജേക്കബ് മത്സരിക്കുന്നു.  ഹഡ്സൺ  മലയാളീ അസോസിയേഷൻ (HUDMA) സെക്രട്ടറിയാണ് യുവ നേതാവായ ഷൈമി  ജേക്കബ്   (എഫ് ബി - ID: Jacob Adaraka)

സർട്ടിഫൈഡ് ഇൻഫർമേഷൻ സിസ്റ്റംസ് ആൻഡ് കൺട്രോൾ ഓഡിറ്റർ,  സിനിമാ നിർമ്മാതാവ് ,   റെസ്റ്റോറന്റ്   ഉടമ , സംരംഭകൻ, അഡ് ജംക്ട് പ്രൊഫസർ എന്നീ  നിലകളിൽ  പ്രവർത്തിക്കുന്ന ഷൈമി    സന്നദ്ധസേവനത്തിനും  സമയം കണ്ടെത്തുന്നു.

ഐടി, ഓഡിറ്റിംഗ് രംഗത്ത് ബാങ്കിംഗ്, ഫിനാൻസ്, യൂട്ടിലിറ്റി മേഖലകളിൽ  20 വർഷത്തിലേറെയായി   പ്രവർത്തിക്കുന്നു.  

കമ്മ്യൂണിറ്റി സേവന പ്രവർത്തനങ്ങൾക്കും സന്നദ്ധപ്രവർത്തനത്തിനുമുള്ള   പ്രസിഡന്റ് ബറാക്ക് ഒബാമയുടെ 2014-ലെ യുഎസ് പ്രസിഡൻഷ്യൽ സിൽവർ അവാർഡ് ജേതാവാണ്. ഇന്ത്യൻ ഓവർസീസ് കോൺഗ്രസ് (IOC) റോക്ക്‌ലൻഡ് പ്രസിഡൻ്റ്, ഇന്ത്യൻ കൾച്ചറൽ ഹെറിറ്റേജ് ആർട്‌സ് അവയർനസ് ക്ലബ് (ICHAA) ട്രഷറർ, ISACA അംഗം, AICPA അംഗം, ഗ്ലോബൽ ഇന്ത്യൻ കൗൺസിൽ (GIC) അംഗം, എന്നീ നിലകളിലും  പ്രവർത്തിക്കുന്നു.

റോക്ക്‌ലൻഡ് കൗണ്ടിയിൽ രണ്ട് ഇന്ത്യൻ റെസ്റ്റോറൻ്റുകളുടെ   ഉടമയായിരുന്ന ഷൈമിക്ക് നിലവിൽ സഫേണിൽ  ഒരു ഡൈനർ   ഉണ്ട്.

ന്യൂയോർക്ക്  സ്റ്റേറ്റിലെ ഏഷ്യൻ അമേരിക്കൻ കമ്മ്യൂണിറ്റിയിൽ രാഷ്ട്രീയ, സാംസ്കാരിക അവബോധം, കമ്മ്യൂണിറ്റി ഇടപെടൽ എന്നിവ  പ്രോത്സാഹിപ്പിക്കുന്നതിൽ മുന്നിൽ നിന്നു പ്രവർത്തിച്ചു  . റോക്ക്‌ലൻഡ് കൗണ്ടിയിൽ റോഡ് ക്ളീനിങ് പ്രവർത്തനങ്ങളിൽ  പങ്കെടുക്കുന്നത് കൂടാതെ ഫുഡ് ബാങ്ക് , ഭക്ഷണ വിതരണം എന്നിവയിൽ സഹായിക്കാറുണ്ട് . AED/CPR-ൽ പരിശീലനം  നേടിയ റോക്ക്‌ലൻഡ് കൗണ്ടി-സർട്ടിഫൈഡ് എമർജൻസി റെസ്‌പോൺസ് ടീം അംഗമാണ്.

ഫൊക്കാന നാഷണൽ കമ്മിറ്റിയിലേക്കുള്ള   മത്സരത്തിൽ എല്ലാവരുടെയും  പിന്തുണ  ഷൈമി  അഭ്യർത്ഥിച്ചു .