ഒരു സ്ത്രീ സമൂഹത്തിന്റെ മുഖ്യധാരയിലേക്ക് കടന്നുവരുമ്പോള് ധാരാളം മാറ്റങ്ങളാണ് പല മേഖലകളിലും പ്രകടമാകുന്നത്. ഇന്ദിരാ ഗാന്ധി ഇന്ത്യയുടെ പ്രധാനമന്ത്രിയായപ്പോഴാണ് ''ബേട്ടി പഠാവോ ബേട്ടി ബച്ചാവോ'' എന്ന പദ്ധതി നിലവില് വരുന്നത്, അതിനര്ത്ഥം സമൂഹത്തിന്റെ അടിത്തട്ടിലേക്ക് കൂടുതല് ഇറങ്ങിച്ചെന്ന് പ്രവര്ത്തിക്കുന്നവരാണ് സ്ത്രീകള് എന്നുള്ളതാണ്. അത്തരത്തില് അമേരിക്കന് മലയാളികള്ക്കിടയില് മാറ്റത്തിന്റെ അലയൊലികള് വലിയ തോതില് സൃഷ്ടിച്ച വ്യക്തിയാണ് ഡോ. കല ഷഹി.
കഴിഞ്ഞ രണ്ടു ടേമുകളിലായി ഫൊക്കാനയുടെ ഏറ്റവും പ്രധാനമായ പദവികളില് അവരുടെ പ്രവര്ത്തനങ്ങള്, ഫൊക്കാന വിമന്സ് ഫോറം ചെയര്പേഴ്സണായും ഇപ്പോള് ജനറല് സെക്രട്ടറിയായും സേവനമനുഷ്ഠിക്കുമ്പോള് ഫൊക്കാന എന്ന സംഘടനയുടെ ചരിത്രത്തിലെത്തന്നെ ഏറ്റവും മികച്ച മുഹൂര്ത്തമെന്നതില് സംശയമില്ല .അത് നിഷേധിക്കുവാന് അമേരിക്കന് മലയാളികള്ക്കും സാധിക്കുകയില്ല. ഫൊക്കാന ജനറല് സെക്രട്ടറിയും 2024 - 2026 കാലയളവില് ഫൊക്കാന പ്രസിഡന്റ് സ്ഥാനാര്ത്ഥിയുമായ ഡോ. കലാ ഷഹി ഫൊക്കാനയുടെ ജനപ്രിയ സെക്രട്ടറിയായി മാറിക്കഴിഞ്ഞിരിക്കുന്നു. ഏവര്ക്കും മാതൃകയായ സാമൂഹ്യ പ്രവര്ത്തക. ഫൊക്കാനയുടെ തുടക്കം മുതല് ഫൊക്കാനയ്ക്കൊപ്പം നിലകൊണ്ട വനിതാ നേതാവ്. മറിയാമ്മ പിള്ളയ്ക്ക് ശേഷം ഫൊക്കാനയ്ക്ക് ഒരു വനിതാ പ്രസിഡന്റ് ഉണ്ടാകേണ്ടതിന്റെ ആവശ്യകതയും ഇപ്പോള് പ്രസക്തം.
സംഘടനയുടെ നിരവധി പദവികള് വഹിച്ച് 2020-2022 കാലയളവില് വിമന്സ് ഫോറം ചെയര്പേഴ്സണായി പ്രവര്ത്തിച്ച ഡോ. കല ഷാഹിയുടെ നേതൃത്വത്തില് പാര്ശ്വവല്ക്കരിക്കപ്പെട്ട കുഞ്ഞുങ്ങള്ക്കും, അവരുടെ അമ്മമാര്ക്കും കരുത്തായ കരിസ്മ എന്ന പദ്ധതിയുടെ കോഓര്ഡിനേറ്റര് എന്ന നിലയിലെ പ്രവര്ത്തനങ്ങള്, സംഘാടകത്വവും അടുത്ത ജനറല് സെക്രട്ടറി പദത്തിലേക്കെത്തിച്ചു. അന്ന് കോവിഡ് കാലമാണെങ്കിലും ഓണ്ലൈനില് നിരവധി പരിപാടികളിലൂടെ അമേരിക്കന് മലയാളി കുടുംബങ്ങളെ ലൈവാക്കി നിര്ത്തുകയും ഫൊക്കാനയുടെ പ്രവര്ത്തനങ്ങള് ജനകീയമാക്കുകയും ചെയ്തു. ഡോ. കലാ ഷഹിയുടെ നേതൃത്വ പാടവത്തിന്റെ ഏറ്റവും വലിയ ഉദാഹരണമായിരുന്നു അക്കാലത്ത് ഫൊക്കാന വിമന്സ് ഫോറം നടപ്പിലാക്കിയ പ്രവര്ത്തനങ്ങള്. കോവിഡ് മഹാമാരി കാലത്ത് ഡിജിറ്റല് സാധ്യതകളെ പരീക്ഷിക്കുകയും വലിയ മാറ്റങ്ങള്ക്ക് തുടക്കമിടുവാനും ഡോ. കലാ ഷഹിക്ക് കഴിഞ്ഞു. കോവിഡ് കാലമാണെങ്കിലും ഓണ്ലൈനില് നിരവധി പരിപാടികളിലൂടെ അമേരിക്കന് മലയാളി കുടുംബങ്ങളെ ഡിജിറ്റല് പ്ലാറ്റ് ഫോമില് അണിനിരത്തുവാനും മെഗാ വിമന്സ് ഫോറത്തിന് തുടക്കം കുറിയ്ക്കുവാനും സാധിച്ചു. നൂറ്റി അന്പതില് അധികം അംഗങ്ങളെ ഉള്പ്പെടുത്തി ഫൊക്കാന വിമന്സ് ഫോറം ഒരു മെഗാ കമ്മറ്റിയായി വിപുലീകരിച്ചു. ഫൊക്കാനയുടെ 2020 - 2022 ഫ്ലോറിഡ നാഷണല് കണ്വന്ഷന്റെ തുടക്കം മുതല് അവസാനം വരെ കലാപരിപാടികള് ഏകോപിപ്പിക്കുവാന് ഡോ. കല ഷഹിക്ക് കഴിഞ്ഞത് തന്റെ പ്രതിഭയുടെയും സംഘടനാ പ്രവീണ്യത്തിന്റെയും മേന്മകൊണ്ട് മാത്രമാണ്. അത് പതിന്മടങ്ങ് ശക്തിയോടെ ഇപ്പോഴും തുടരുന്നതാണ് ഒരു സംഘാടകയുടെ മികവ്.
2022 -2024 വര്ഷത്തില് ഡോ. ബാബു സ്റ്റീഫന്റെ നേതൃത്വത്തില് ഫൊക്കാനയ്ക്ക് പുതിയ നേതൃത്വം ഉണ്ടായപ്പോള് ജനറല് സെക്രട്ടറിയായി മാറിയ ഡോ. കലാ ഷഹി തന്റെ പ്രവര്ത്തനം കൊണ്ട് ഫൊക്കാനയ്ക്ക് ഒരു അടുക്കും ചിട്ടയും കൊണ്ടു വന്നു എന്ന് മാത്രമല്ല നിരവധി പരിപാടികള് സമര്ത്ഥമായി കോഓര്ഡിനേറ്റ് ചെയ്യുകയും ചെയ്തു. അതില് ഏറ്റവും പ്രധാനം ഫൊക്കാനയുടെ 2023 ലെ ഓണാഘോഷ പരിപാടികളുടെ സംഘാടനമാണ്. വാഷിംഗ്ടണില് സംഘടിപ്പിച്ച ഓണാഘോഷത്തിന്റെ മാസ്റ്റര് ബ്രെയിന് കലാ ഷഹി ആയിരുന്നു. ഫൊക്കാനയുടെ ചരിത്രത്തില് എഴുതപ്പെടേണ്ട ഓണാഘോഷ പരിപാടികളായിരുന്നു വാഷിംഗ്ടണ് ഡി സിയില് അരങ്ങേറിയത്.
അമേരിക്കന് മലയാളി യുവ സമൂഹത്തെ രാഷ്ട്രീയ രംഗത്തേക്ക് അവതരിപ്പിക്കുന്ന വൈറ്റ് ഹൗസ് സ്കോളര്ഷിപ്പ് പദ്ധതി, സ്കൂള് കുട്ടികള്ക്കായുള്ള സ്കോളര്ഷിപ്പ് പദ്ധതിയുടെ പിന്നിലെ പ്രവര്ത്തനങ്ങള് ക്രോഡീകരിക്കുന്നതും ഡോ. കല ഷഹി തന്നെ.
ഫൊക്കാന പ്രസിഡന്റ് ഡോ. ബാബു സ്റ്റീഫന്റെ പിന്തുണയും ഫൊക്കാനയുടെ തുടക്കം മുതലുള്ള മുതിര്ന്ന നേതാക്കളുടെ പിന്തുണ, ഫൊക്കാന യുവ സമൂഹത്തിന്റെ പിന്തുണയുമായി തന്റെ പ്രവര്ത്തനങ്ങള് മുന്നോട്ട് കൊണ്ടു പോകുമ്പോള് ഫൊക്കാന എന്ന അന്തര്ദ്ദേശീയ സംഘടന കൂടുതല് കരുത്താവുകയാണ്. ഈ മാസം വാഷിംഗ്ടണ് ഡി സിയില് നടക്കുന്ന ഫൊക്കാന അന്തര്ദ്ദേശീയ കണ്വെന്ഷന് വിജയിപ്പിക്കുവാനുള്ള ഒരുക്കങ്ങളുടെ തിരക്കിലാണ് ഡോ. കലാ ഷഹി. അതിനിടയിലും തെരഞ്ഞെടുപ്പ് പ്രവര്ത്തനങ്ങള് സജീവമാക്കുവാന് തന്റെ ടീമായ ടീം ലെഗസിക്കുവേണ്ടി എല്ലാ പ്രവര്ത്തനങ്ങളും കോഓര്ഡിനേറ്റ് ചെയ്യുന്നു.
1993 ല് അമേരിക്കയിലെത്തിയ ഡോ. കലാ ഷഹി ആരോഗ്യരംഗം ജീവിതോപാധിയായി തിരഞ്ഞെടുക്കുകയും അതോടൊപ്പം ജീവകാരുണ്യ പ്രവര്ത്തനരംഗത്തും മികച്ച സേവനം കാഴ്ച വെക്കുകയും ചെയ്യുന്നു. ഡോ. കലാ ഷഹി വാഷിംഗ്ടണ് ഡി.സി , മെരിലാന്ഡ് മേഖലകളില് ഫാമിലി പ്രാക്ടിസില് പ്രൈവറ്റ് പ്രാക്ടീസ് നടത്തുന്നുണ്ട്. വാഷിംഗ്ടണ് ഡി.സി.യിലെ ഫസ്റ്റ് ക്ലിനിക് അര്ജന്റ് കെയര് സിസ്റ്റം മെഡിക്കല് ഡയറക്ടര്, സെക്കന്ഡ് ചാന്സ് അഡിക്ഷന് സെന്ററിന്റെ (Second chance addiction center) മെഡിക്കല് ഡയറക്ടര്, മെരിലാന്ഡ്-വാഷിംഗ്ടണ് ഡി.സി മേഖലയിലുള്ള സെന്റര് ഫോര് ബിഹേവിയറല് ഹെല്ത്തിന്റെ (Center for Behavior Health) റിസര്ച്ച് കോഓര്ഡിനേറ്റര് തുടങ്ങിയ പദവികളും കല അലങ്കരിക്കുന്നു.
സംഘടനാ പ്രവര്ത്തനങ്ങള്ക്കൊപ്പം ജീവകാരുണ്യ പ്രവര്ത്തനങ്ങളിലും സജീവമായ ഡോ. കലാ ഷഹി 'താങ്ങും തണലും' പദ്ധതി, സൊലസ് (SOLACE) സംഘടനകള്ക്ക് വേണ്ടി നടത്തുന്ന നിരവധി ധനസമാഹാര പ്രവര്ത്തനങ്ങള് എന്നിവയെല്ലാം അതിന്റെ ഉദാഹരണമാണ്. അനാഥാലയങ്ങള്ക്ക് സഹായം, വീടില്ലാത്തവര്ക്ക് വീടുകള് നിര്മ്മിച്ച് നല്കുവാന് സഹായം തുടങ്ങി നിരവധി പ്രവര്ത്തങ്ങളില് സജീവമാണ്. സാമൂഹ്യ പ്രവര്ത്തനങ്ങള് കൊണ്ട് സമൂഹത്തിന്റെ അംഗീകാരവും ഡോ. കല ഷഹിക്ക് ലഭിച്ചിട്ടുണ്ട് . ഭാരത് യു.എസ്.എ ആഭിമുഖ്യത്തില് ഏര്പ്പെടുത്തിയ വുമണ് ഐക്കണ് പുരസ്ക്കാരം ഈയിടെ കലയെ തേടി എത്തിയിരുന്നു. കലാ-സാംസ്കാരിക-ആതുരസേവന രംഗങ്ങളില് നല്കിയ സമഗ്ര സംഭാവനകള് മാനിച്ചായിരുന്നു ഈ അവാര്ഡ്. കൂടാതെ, മറ്റു നിരവധി പുരസ്കാരങ്ങളും നേടിയിട്ടുള്ള കല നൃത്തത്തിനു പുറമെ സംഗീതം, നാടകം, പെന്സില് സ്കെച്ച് , പെയിന്റിംഗ്, ക്ലേ മോഡലിംഗ്, ആങ്കറിംഗ് ,വീഡിയോഗ്രാഫി, ഫോട്ടോഗ്രാഫി, കഥാരചന, കവിതാ രചന തുടങ്ങിയ വിവിധ മേഖലകളിലും മികവ് തെളിയിച്ചിട്ടുണ്ട്.
വളരെ ചെറുപ്പം മുതല്ക്കേ നൃത്തത്തില് താല്പ്പര്യം കാണിച്ച കലാ ഷഹി മൂന്നാം വയസ്സില് പ്രമുഖ കലാകാരനായ സ്വന്തം പിതാവ് കേരളാ സംഗീതനാടക അക്കാദമി പുരസ്കാര ജേതാവ് ഗുരു പരേതനായ ഇടപ്പള്ളി അശോക് രാജില് നിന്നും നൃത്തമഭ്യസിച്ചു. നര്ത്തകന്, എഴുത്തുകാരന്, കവി, സംവിധായകന് നാടക നടന് എന്നീ നിലകളിലെല്ലാം ശോഭിച്ചിരുന്ന പിതാവ് ഇടപ്പള്ളി അശോക് രാജ്, പ്രശസ്ത ഗുരുക്കന്മാരായ, പിതാവ് ഗുരു ശ്രി ഇടപ്പള്ളി അശോക്രാജ്, കലാമണ്ഡലം കല്യാണിക്കുട്ടിയമ്മ, സേലം രാജരത്നം പിള്ള എന്നിവരില് നിന്നും മോഹിനിയാട്ടം, കഥക്, ഭരതനാട്യം, കുച്ചുപ്പുടി, നാടോടി നൃത്തം എന്നിവ അഭ്യസിച്ചു. അഖിലേന്ത്യാ തലത്തില് നൃത്ത പര്യടനവും നടത്തി. അമേരിക്കയിലെത്തി ജീവിതം പിന്നീട് മെഡിക്കല് രംഗത്തേക്ക് മൊഴിമാറ്റിയെങ്കിലും കലയോടും കലാരംഗത്തോടും ഒപ്പം തന്നെ നില്ക്കുകയാണ് ഡോ. കലാ ഷഹി.
ഫൊക്കാന നാഷണല് കണ്വന്ഷന് 2024 ഈ മാസം വാഷിംഗ്ടണില് വെച്ച് നടക്കുമ്പോള് അതിന്റെ മുന്നൊരുക്കങ്ങളുമായി പ്രസിഡന്റ് ഡോ . ബാബു സ്റ്റീഫന്, കണ്വെന്ഷന് ചെയര്മാന് ജോണ്സണ് തങ്കച്ചന് എന്നിവര്ക്കൊപ്പം സജീവമാവുകയാണ് ഡോ കല ഷഹി. കഴിഞ്ഞ മാസം തിരുവനതപുരത്ത് നടന്ന നാലാം ലോക കേരളസഭയില് ഫൊക്കാനയെ പ്രതിനിധീകരിച്ച് സംസാരിക്കുകയും ചെയ്തിരുന്നു. തന്റെ പ്രവര്ത്തനങ്ങള്ക്കു അംഗീകാരമായി പ്രവാസി മലയാളി ഫോറം ഏര്പ്പെടുത്തിയ പ്രവാസി ശ്രേഷ്ഠ പുരസ്കാരം മന്ത്രി സജി ചെറിയാനില് നിന്നും സ്വീകരിക്കുകയും ചെയ്തു. പ്രസിഡന്റ് സ്ഥാനാര്ത്ഥിയായി മത്സര രംഗത്ത് ഉണ്ടെങ്കിലും ഫൊക്കാനയുടെ നിലവിലുള്ള പ്രവര്ത്തനങ്ങള് ശക്തമാക്കുകയാണ് ജനറല് സെക്രട്ടറി. ഏല്പ്പിച്ച ദൗത്യങ്ങള് ഏറ്റവും ഭംഗിയായി നിര്വ്വഹിക്കുമ്പോഴാണ് ഒരു സംഘടനാ നേതൃത്വം എന്ന നിലയില് അഭിമാനം ഉണ്ടാകുന്നതെന്ന് ഡോ. കല ഷഹി പറയുന്നു. തന്റെ പ്രവര്ത്തനമാണ് തന്റെ മുതല്കൂട്ട് എന്ന് വിശ്വസിക്കുന്ന അവര് കല, സംഘാടനം, ആരോഗ്യ രംഗം തുടങ്ങി താന് കൈവെയ്ക്കുന്ന മേഖലകളിലെല്ലാം നൂറുമേനി വിളവുമായി ഫൊക്കാനയുടെ ജനറല് സെക്രട്ടറിയായി തന്റെ പ്രവര്ത്തനങ്ങള് തുടരുമ്പോള് ഡോ. കല ഷഹി ഒരു പ്രതീക്ഷയാണ്. രണ്ട് കണ്ണുമടച്ച് ഡോക്റ്റര് കലാ ഷാഹിയെ ഫൊക്കാന പ്രസിഡന്റായി തെരഞ്ഞെടുക്കാം. കാരണം, ഒപ്പം നില്ക്കുവര്ക്ക് ഒരു തണലായി അവര്ക്കൊപ്പം ഈ വനിതാ നേതൃത്വം ഉണ്ടാകും, ഒരു നല്ല സഹോദരിയെപ്പോലെ. ഫൊക്കാനയ്ക്ക് ഒരു വനിതാ സാരഥി ഉണ്ടാകട്ടെ.... അത് ഡോ. കലാ ഷഹി ആവട്ടെ ....