കൊല്ലം പ്രവാസി അസ്സോസിയേഷന്‍ വിവിധ പരിപാടികളിലൂടെ 78 മത് ഇന്ത്യന്‍ സ്വാതന്ത്ര്യ ദിനം ബഹ്റൈനില്‍ വിപുലമായി ആഘോഷിച്ചു. ആഗസ്റ്റ് 15 നു രാവിലെ കെ.പി.എ ആസ്ഥാനത്തു വൈസ് പ്രസിഡന്റ് കിഷോര്‍ കുമാര്‍ ദേശീയ പതാക ഉയര്‍ത്തി. സെക്രട്ടറി സന്തോഷ് കാവനാട്, നിയുക്ത സെക്രെട്ടറിയേറ്റ് കമ്മിറ്റി അംഗങ്ങളായ പ്രശാന്ത് പ്രബുദ്ധന്‍, മനോജ് ജമാല്‍, കോയിവിള മുഹമ്മദ്, അനില്‍ കുമാര്‍, ഡിസ്ട്രിക്ട് കമ്മിറ്റി അംഗങ്ങളായ ലിനീഷ്, ജിബി ജോണ്‍, അബ്ദുല്‍ സലിം എന്നിവര്‍ സന്നിഹിതരായിരുന്നു. വൈകുന്നേരം സിത്ര, ഹമദ് ടൌണ്‍ ഏരിയ ഏരിയ കമ്മിറ്റികളുടെ നേതൃത്വത്തില്‍  നടന്ന മധുരവിതരണത്തിന് സെന്‍ട്രല്‍ ഡിസ്ട്രിക്ട് കമ്മിറ്റി അംഗങ്ങള്‍ നേതൃത്വം നല്‍കി.