കേരളപിറവി ആഘോഷവും ക്രിക്കറ്റ് ടൂര്‍ണമെന്റ് സമ്മാനദാനവും നവംബര്‍ ഒന്നിന്
Published on 31 October, 2013
മെല്‍ബണ്‍: മലയാളി അസോസിയേഷന്‍ ഓഫ് വിക്‌ടോറിയയുടെ ആഭിമുഖ്യത്തില്‍ നടത്തപ്പെടുന്ന കേരളപിറവി ആഘോഷങ്ങളുടേയും ക്രിക്കറ്റ് ടൂര്‍ണമെന്റിന്റെ സമ്മാനദാനത്തിന്റെയും ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.
നവംബര്‍ ഒന്നിന് (വെളളി) വൈകുന്നേരം ഏഴിന് കാരമ്മസ് സൈഡിലുളള ശിവക്ഷേത്രത്തിന്റെ ഓഡിറ്റോറിയത്തില്‍ (52 സൗണ്ടറി റോഡ്, ക്യാരസ് ഡൗണ്‍) സൂപ്പര്‍ സ്റ്റാര്‍ സുരേഷ് ഗോപി, ഡയനാ സില്‍വസ്റ്റര്‍, വിക്‌ടോറിയ പാര്‍ലമെന്റ് അംഗം ജൂഡ് പെരെരാ എംപി എന്നിവരെ വാദ്യമേളങ്ങളുടെ അകമ്പടിയോടെ സ്‌റ്റേജിലേക്ക് ആനയിക്കും. മലയാളി അസോസിയേഷന്‍ ഓഫ് വിക്‌ടോറിയായുടെ ചാരിറ്റി ഫണ്ടിന്റെയും ആക്ടിവിറ്റി ഹബിന്റെയും ഉദ്ഘാനം ഭരത് സുരേഷ് ഗോപി നിര്‍വഹിക്കും. അസോസിയേഷന്‍ പുറത്തിറക്കുന്ന സുവനീയറിന്റെ പ്രകാശന കര്‍മം ഡയനാ സില്‍വസ്റ്റര്‍ നിര്‍വഹിക്കും. ജൂഡ് പെരെര എംപി ആശംസ അര്‍പ്പിക്കും.
തുടര്‍ന്ന് വിവിധ കലാപരിപാടികള്‍ സ്‌റ്റേജില്‍ അരങ്ങേറും. ക്രിക്കറ്റ് ടൂര്‍ണമെന്റിലെ വിജയികള്‍ക്കുളള സമ്മാനദാനം ഭരത് സുരേഷ് ഗോപി നിര്‍വഹിക്കുന്നതോടുകൂടി അസോസിയേഷന്റെ ചരിത്ര നിമിഷങ്ങള്‍ക്ക് തിരശീല വീഴും.
പരിപാടിയില്‍ പങ്കെടുക്കാനായി മെല്‍ബണില്‍ എത്തിച്ചേര്‍ന്ന ഭരത് സുരേഷ് ഗോപിയെ അസോസിയേഷന്റെ പ്രോഗ്രാം കമ്മിറ്റി അംഗങ്ങളായ ജി. ഗോപകുമാര്‍, മദനന്‍ ചെല്ലപ്പന്‍ എന്നിവര്‍ എയര്‍പോര്‍ട്ടില്‍ സ്വീകരിച്ചു.
31 ന് (വ്യാഴം) വൈകിട്ട് സാന്റിനോഗിലെ കാസില്‍ ഹാളില്‍ സുരേഷ് ഗോപിയുമൊത്തുള്ള ഡിന്നര്‍ നൈറ്റും സംഘടിപ്പിച്ചിട്ടുണെ്ടന്ന് സംഘാടകര്‍ അറിയിച്ചു.
റിപ്പോര്‍ട്ട്: റെജി പാറയ്ക്കന്‍
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala