രാഷ്ട്രീയ അധികാരം ദൈവത്തില് നിന്നും ലഭിച്ചു എന്ന പൊള്ള അവകാശവാദം ആണ് തിയോക്രസി. ഇവര്ക്ക് ജനങ്ങളോട് ഉത്തരവാദിത്തമോ വിധേയത്തമോ ഇല്ല. കാണുകയോ കേള്ക്കുകയോ ചെയ്യാത്ത ദൈവം; ഇവര്ക്ക് കൊടുത്ത നിയോഗം അനുസരിച്ചു ഇവര് പ്രവര്ത്തിക്കുന്നു എന്ന് കള്ളം പറഞ്ഞു, ഇവര് സ്വന്ത താല്പര്യ പ്രകാരം ഭരിക്കുന്നു. ദൈവം അവരോടു ചോദിക്കാന് വരില്ല എന്ന് അവര്ക്കു നല്ലവണ്ണം അറിയാം. പൊതുജനത്തിന് ഇവരെ ചോദ്യം ചെയ്യുവാന് അധികാരവും ഇല്ല. എന്ത് തോന്ന്യാസവും ഇവര്ക്ക് പ്രവര്ത്തിക്കാം എന്ന് വ്യക്ത്യം.
ഭരണാധികാരിക്ക് മത, ദൈവ വിശ്വസം ആകാം, അവരുടെ വിശ്വസം അനുസരിച്ചു പൊതുവായി ബാധിക്കുന്ന തീരുമാനങ്ങള് എടുക്കാം എന്നാല് അത് തിയോക്രസി അല്ല എന്ന് തിയോക്രസിക്കാര് വാദിക്കുന്നു. പക്ഷെ അ വാദത്തെ അംഗീകരിക്കാന് സാധിക്കില്ല. ഭരണാധികാരം ദൈവത്തില് നിന്ന് ലഭിച്ചു എന്ന അവകാശം പോലെ തന്നെ അപകടം ആണ് വിശ്വസം അനുസരിച്ചുള്ള തീരുമാനങ്ങളും.
'ഞാന് ദൈവത്തിന്റെ പ്രധിനിധി ആണ്, എന്റെ തീരുമാനങ്ങള് ദൈവത്തിന്റെ ആണ് എന്ന വിശ്വസം; ജനാധിപത്യത്തിന്റെ കശാപ്പ് തന്നെ. വത്തിക്കാന്, ഇറാന് -ഇവിടങ്ങളില് തിയോക്രസി ആണ് നിലവില്. തിയോക്രസിയുടെ നേതാവ്; വേണ്ടിവന്നാല് താന് ദൈവം ആണ് എന്നും പ്രഖ്യാപിക്കും.- റോമന് ചക്രവര്ത്തികള് ദൈവം ആണ് എന്ന് അവകാശപ്പെടുകയും അവരെ ആരാധിക്കുന്നത് നിയമം ആക്കുകയും ചെയ്തു. അവരുടെ തുടര്ച്ചയാണ് വത്തിക്കാന് പോപ്പ്.
ജനങ്ങളാല് തിരഞ്ഞെടുക്കപ്പെടുന്നവര്, ജനങ്ങള്ക്കുവേണ്ടി ഭരണം നടത്തുന്ന രാഷ്ട്രീയ അവസ്ഥയാണ് ജനാധിപത്യം എന്നൊക്കെയാണ് രാഷ്ട്ട്രീയ തത്വചിന്തയുടെ പുസ്തകങ്ങളില് കാണുന്നത്, എന്നാല് യാഥാര്ഥ്യം വേറെ എന്നത് സത്യം. പൗരന്റെ ഇഷ്ടപ്രകാരം തിരഞ്ഞെടുക്കപ്പെടുന്ന ഭരണാധികാരി അധികാരം കിട്ടിയാല് ഉടന് രാജ്യവും ശക്തിയും മഹത്വവും ഉള്ള തിയോക്രാറ്റ് ആയി മാറുന്നു എന്നത് ആണ് എവിടെയും കണ്ടുവരുന്ന സത്യം. ഡെമോക്രസിക്ക് അതിന്റെ നൂനതകള് ഉണ്ട് എങ്കിലും തിയോക്രസിയെക്കാള് വളരെ മെച്ചം തന്നെ.
ടെക്സസ് ലെഫ്നന്റ് ഗവര്ണര് ഡാന് പാട്രിക് റേസിസത്തെ പറ്റി ഇപ്രകാരം പറഞ്ഞു. 'അമേരിക്കന് ജനത യേശുവിനെ സ്വീകരിക്കു ംവരെ റേസിസം അവസാനിക്കില്ല. ഇടതുപക്ഷക്കാരുടെ വിശ്വസരാഹിത്യം ആണ് റേഷ്യല് പ്രശ്നങ്ങള്ക്കു കാരണം. ദൈവത്തെ സ്നേഹിക്കാത്തവര്ക്കു സഹമനുഷരെ സ്നേഹിക്കാന് സാധിക്കില്ല. ദൈവത്തെ തൊഴിച്ചു പുറത്താക്കാന് ഇടതുപക്ഷം തീവ്രശ്രമം നടത്തുന്നു. യേശുവിനും, ദൈവത്തിനും മാത്രമേ റേസിസ പ്രശ്നങ്ങളെ ഇല്ലാതാക്കാന് സാധിക്കു, നിയമങ്ങള് കൊണ്ട് റേഷ്യല് പ്രശ്നങ്ങള് പരിഹരിക്കാന് സാധിക്കില്ല.'
വസ്തുത നേരെ മറിച്ചാണ്. ഡാന് പാട്രിക്കിന്റെ ദൈവവും, യേശുവും, പാര്ട്ടിയും ആണ് അമേരിക്കയില് റേസിസം വിതക്കുകയും വളര്ത്തുകയും ചെയ്തത്. വളരെ ശക്തമായ സിവില്, ക്രിമിനല് നിയമങ്ങളില്കൂടി മാത്രമേ നീതി വളരുകയുള്ളു.
കെന്റ്റക്കിയിലെ റോവന് കൗണ്ടി ക്ലര്ക് കിം ഡേവിസിനെ ഓര്ക്കുന്നുവോ? സ്വവര്ഗ ദമ്പതികളുടെ വിവാഹ സെര്ട്ടിഫിക്കറ്റ് ഇവര് നിഷേധിച്ചു. ഇവര്ക്ക് ഇതിനുള്ള അധികാരം ഉണ്ടോ? ഇല്ല, അവരുടെ വിശ്വസത്തിനു എതിരായി ഉള്ള ജോലി അവര് ചെയ്യരുത്. കൗണ്ടി ക്ലര്ക്കിന്റെ ജോലി എന്ത് ആണ് എന്ന് ഇവര്ക്ക് അറിവില്ല എങ്കില് ആ ജോലിക്കുള്ള യോഗ്യത അവര്ക്കു ഇല്ല. ദൈവത്തെ കൂട്ടുപിടിച്ചു അവര് ദുശാഠ്യം കാട്ടി പൊരുതി എങ്കിലും വിജയിച്ചില്ല.
മുന് അറ്റോര്ണി ജനറല് ജെഫ് സെഷന്സ് വല്ലാത്ത വിഷമം അനുഭവിച്ച സംഭവം ആണ് കുടിയേറ്റക്കാരുടെ/ആശ്രയം തേടി എത്തിയവരുടെ കുഞ്ഞുങ്ങളെ ട്രമ്പ് ഭരണം മാതാ പിതാക്കളില് നിന്നും വേര്പെടുത്തിയതിനെ ന്യായികരിക്കാന്. റോമര് 13:1-2 ഉദ്ധരിച്ച് ചെയ്തത് നിമിത്തം. 13:1 ഏതു മനുഷ്യനും ശ്രേഷ്ഠാധികാരങ്ങള്ക്കു കീഴടങ്ങട്ടെ. ദൈവത്താലല്ലാതെ ഒരധികാരവുമില്ലല്ലോ; ഉള്ള അധികാരങ്ങളോ ദൈവത്താല് നിയമിക്കപ്പെട്ടിരിക്കുന്നു. 2 ആകയാല് അധികാരത്തോടു മറുക്കുന്നവന് ദൈവ വ്യവസ്ഥയോടു മറുക്കുന്നു. മറുക്കുന്നവരോ ശിക്ഷാവിധി പ്രാപിക്കും.
പ ബൈബിളിലെ ഇതേ വാക്യങ്ങള് തന്നെയാണ്, പതിമൂന്നാമതു ഭരണഘടന ഭേദഗതി നിയമത്തിലൂടെ നിയമ വിരുദ്ധം ആക്കിയ അടിമത്തത്തെ ന്യായികരിക്കാന് അടിമ മുതലാളിമാര് ഉപയോഗിച്ചത്. കൂടാതെ പൗലോസിന്റെ പേരില് കാണുന്ന 'ഫിലോമോന്ന് എഴുതിയ ലേഖനവും അവര് ഉപയോഗിച്ചു. 1865 ല് നിയമ പുസ്തകത്തില് അവസാനിച്ചു എങ്കിലും കറുത്ത വര്ഗക്കാര് ഇന്നും മോചിതര് അല്ല. കറുത്തവരോടുള്ള വെറുപ്പും കുറവില്ലാതെ തുടരുന്നു.
അമേരിക്കയുടെ ഭരണഘടന സംരക്ഷിക്കാന് പ്രതിജ്ഞ എടുത്ത അറ്റോണി ജനറല് ജെഫ് സെഷന്സ് ആണ്, ഭരണഘടന ലംഘിച്ചു ട്രംപിനെ ന്യായികരിച്ചതു. ജനാധിപത്യ ഭരണ വ്യവസ്ഥയുടെ ഭരണഘടനയെ അവഗണിച്ചു ബൈബിളിലൂടെ അനീതിയെ ന്യായികരിക്കുന്നതു ആണ് തിയോക്രസി. അതായത് ഞങ്ങള് എടുത്ത് തീരുമാനം ദൈവനിയോഗം ആണ് അതിനാല് നിങ്ങള്ക്ക് അതിനെ ചോദ്യം ചെയ്യാന് അവകാശ/അധികാരങ്ങള് ഇല്ല. എന്ന് പറഞ്ഞാല് ഞങ്ങള് എന്ത് തോന്ന്യവാസവും പ്രവര്ത്തിക്കും; നിങ്ങള് ആരാ ചോദിയ്ക്കാന്!
ലിബറലിസത്തിന്റെ തലതൊട്ടപ്പന്; ജോണ് ലോക്കിന്റെ രാഷ്ട്രീയ തത്വചിന്തയുടെ മൂലക്കല്ല് ആണ് പൗരസ്വാതന്ത്രം. ഭരണകര്ത്താക്കളെ ചോദ്യം ചെയ്യുവാനും, വേണ്ടിവന്നാല് വിപ്ലവത്തിലൂടെ അവരെ പുറത്താക്കുവാനുള്ള അവകാശം. പൗരന്റെ ഇ അവകാശം നിയമനിഷേധം അല്ല പ്രസ്തുത നിയമത്തെ ലംഘിക്കുന്ന ഭരണാധികാരികളെ പുറത്താക്കനുള്ള അവകാശം. അമേരിക്കയിലെ പൗര വിപ്ലവങ്ങളുടെ ചരിത്ര്യവും ഇത് തന്നെ വ്യക്തം ആക്കുന്നു.
കൂടുതല് വോട്ട് ചെയ്യപ്പെടുമ്പോള് വര്ണ്ണ വംശ വെറുപ്പുകാരുടെ കോട്ടകള് തകരും; അതുകൊണ്ടാണ് കഴിവതും പേരെ വോട്ട് ചെയ്യുന്നതില് നിന്നും തടയുവാന് ഇവര് ശ്രമിക്കുന്നത്.
യുഎസ് പരിസ്ഥിതി സംരക്ഷണ ഏജന്സിയുടെ പതിനാലാമത്തെ അഡ്മിനിസ്ട്രേറ്ററായും പ്രസിഡന്റ് ട്രംപിന്റെ കാബിനറ്റ് അംഗമായും സ്കോട്ട് പ്രൈറ്റ് സേവനമനുഷ്ഠിച്ചു. ഇയാളുടെ ഭരണകാലത്തു പ്രശ്നങ്ങള് മാത്രമേ ഉണ്ടായിരുന്നുള്ളു. നില്ക്കക്കള്ളി ഇല്ലാതെ ഇയാള് രാജിവെച്ചു. രാജിക്കത്തിലെ വാക്കുകള് വളരെ ശ്രദ്ദേയം ആണ്. ' ദൈവഹിതം നിമിത്തം നിങ്ങള് ഇന്ന് പ്രസിഡന്റായി സേവനം ചെയ്യുന്നുവെന്ന് ഞാന് വിശ്വസിക്കുന്നു. അതേ പ്രൊവിഡന്സ് എന്നെ നിങ്ങളുടെ സേവനത്തിലേക്ക് കൊണ്ടുവന്നുവെന്ന് ഞാന് വിശ്വസിക്കുന്നു'' .-- ഒരു സാദാരണ വിശ്വവാസിക്ക് ഇ വാക്കുകള് തേന് തുള്ളികള് എങ്കിലും സാദാരണ പൊതുജനത്തിന്റെ പൗരാവകാശത്തിന്റെ തൂക്കുകയര് ആണ് ഇ പ്രവണത. . ഇത് തിയോക്രസി തന്നെ. -
ഒരു ഭരണാധികാരിയുടെ ദൈവ/മത വിശ്വസം എന്തുമാകാം. അത് വെക്തി സ്വാതന്ത്രം. പക്ഷെ ദൈവ/മത വിശ്വസം അയാളുടെ രാഷ്ട്രീയ തീരുമാനങ്ങളെ സ്വാധീനം ചെയ്യുമ്പോള് അത് തിയോക്രസി ആണ്. കോടതി ജഡ്ജി അയാളുടെ വിശ്വാസം അനുസരിച്ചു അല്ല വിധിക്കേണ്ടത്, രാജ്യത്തിന്റെ ഭരണഘടന അനുസരിച്ചു ആയിരിക്കണം എന്ന് വ്യക്തം.
ജിമ്മി കാര്ട്ടറും, ജോര്ജ് ബുഷും വലിയ ദൈവ വിശ്വാസികള് ആയിട്ടാണ് പൊതുജനം കാണുന്നത്. അവരുടെ വിശ്വസം അവരുടെ വ്യക്തിപരമായ കാര്യങ്ങളില് ഒതുങ്ങി നില്ക്കാനേ ഭരണഘടന അനുവദിക്കുന്നുള്ളു. പക്ഷെ അവര് രണ്ടുപേരും ഭരണഘടനയുടെ ശുദ്ധസ്ഥലത്തു ഓടിക്കയറി അശുദ്ധം ആക്കി. അമേരിക്കയില് നല്ല ഭൂരിപക്ഷം വിശ്വാസികള് ഉണ്ടെങ്കിലും ഒരു ന്യൂന പക്ഷം മാത്രമേ ദൈവ വിശ്വസം അനുസരിച്ചു ഭരണം നടത്തണം എന്ന് മര്ക്കടമുഷ്ടി കാണിക്കുന്നുള്ളു. ഇത്തരക്കാര് 23 % ല് നിന്നും 15 % ആയി കുറഞ്ഞു എന്നാണ് അനുമാനം. അതായത്, അമേരിക്കയുടെ ജനാധിപത്യ വ്യവസ്ഥ നിലനിന്നു കാണണം എന്ന് 85% ആള്ക്കാര് ആഗ്രഹിക്കുന്നു. കിം ഡേവിസ്, ജെഫ് സെഷന്സ്, സ്കോട്ട് പ്രൈറ്റ് -ഒക്കെ തിയോക്രസിയുടെ മിന്നാമിനുങ്ങുകള് മാത്രം, അവര്ക്കു തീ കൊളുത്തുവാന് സാധിക്കില്ല.
ഒരു സമൂഹത്തിന്റെ ഭൂരിപക്ഷം; ഒന്നോ ഒന്നില് അധികം നേതാക്കള്ക്ക് യാതൊരു മാനദണ്ഡങ്ങളും ഇല്ലാതെ, നിങ്ങള് ഞങ്ങളെ ഭരിക്കുക എന്ന് ഏതെങ്കിലും ഇസത്തിന്റെ പേരില് കീഴടങ്ങിയാല് മാത്രമേ തിയോക്രസി ഉണ്ടാവുകയുള്ളു. എന്നാല് ഇന്നേവരെ അതല്ല യാഥാര്ഥ്യം. രാഷ്ട്രീയത്തിലൂടെയോ മിലിട്ടറി സഹായത്തോടെയോ ഭരണം കൈക്കല് ആക്കിയ ശേഷം; നേതാക്കള് സ്ഥിരം നിലനില്പിനുവേണ്ടി തന്ത്ര പൂര്വം ഭരണത്തെ തിയോക്രസി ആക്കി മറ്റും. അതാണ് ട്രമ്പന്മ്മാര് ശ്രമിക്കുന്നത്. ഞങ്ങള് സകല സ്വതന്ത്രവും നിങ്ങള്ക്ക് അടിയറ വെക്കുന്നു, നിങ്ങള് ഞങ്ങളെ അടക്കി ഭരിക്കുക എന്ന് എന്തെകിലും വിവരം ഉള്ളവര് സമ്മതിക്കുമോ; എന്നാല് അതുതന്നെയാണ് ട്രംപിസത്തെ സപ്പോര്ട്ട് ചെയ്യുന്ന ട്രമ്പന് മലയാളികള് ഇപ്പോള് കാട്ടുന്ന പമ്പര പാപ്പരത്തം.
അമേരിക്ക ഒരിക്കലും ഒരു പ്രതേക വിശ്വസത്തിന്റെ അടിമ ആയിരുന്നില്ല. ഓരോ മണിക്കൂര് തോറും ജനിക്കുന്ന പുതിയ വിശ്വസങ്ങളുടെ ശവപ്പറമ്പ് ആണ് അമേരിക്ക. കൂള്എയ്ഡ് തൊട്ടു കഞ്ചാവില് സ്വര്ഗം പണിയുന്ന ഒരു സ്പെഷ്യല് ജനം. ആയിരക്കണക്കിന് വിശ്വസങ്ങള് ജനിക്കുന്നു, മരിക്കുന്നു, ആരും തിരിഞ്ഞു നോക്കാത്ത ഗാര്ബേജ് കുപ്പയില് ചീഞ്ഞു നാറി കിടക്കുന്നു ഇ വിശ്വസ വിഷ ജീവികള്. അനേകായിര പ്രൊട്ടസ്റ്റന്റ് വിഭാഗങ്ങളുടെ കൂടെ, ക്രിസ്റ്റിയന്, ജ്യൂയിഷ്, എന്നിങ്ങനെ അനേകായിരം, 100,000 ല് കൂടുതല് ആണ് ഇ മത ദുര്ഭൂതങ്ങള്. ഇത്തരം വിശ്വസങ്ങളുടെ ദുര്ഭൂതങ്ങള് ആണ് ഗന്നസേരത്തില് മുങ്ങി മരിച്ചത്, പക്ഷെ അവ ഒക്കെ അനേകായിരങ്ങളുടെ ശക്തി ആര്ജ്ജിച്ചു ഡ്രാക്കുളയെ പോലെ ജീവിക്കുന്നു പാലും തേനും ഒഴുകുന്ന അമേരിക്കന് കനാനില്.
മത വിശ്വസങ്ങള് പലതവണ, നിരന്തരം അമേരിക്കന് ഭരണഘടന കന്യകയെ ബലാത്സംഗം ചെയിതു എങ്കിലും കന്യകത്യം ഇന്നും ഇന് ടാക്ട് എന്നാണ് രാഷ്ട്രീയ യാഥാസ്ഥികര് കരുതുന്നത്. അമേരിക്കന് കന്യക പല തവണ ചാപിള്ളകളെയും കൗടല്യരെയും പ്രസവിച്ചു. അവ ഒക്കെ പല രൂപത്തില് ഇന്നും അമേരിക്കന് രാഷ്ട്രീയത്തില് ഇഴഞ്ഞു നടക്കുന്നു. ടീ പാര്ട്ടി, മെഗാ ചര്ച്ചുകള്, ടെലി ഇവാന്ജെലിസം, ഇങ്ങനെ അനേകം ജാര സന്താനങ്ങള്ക്ക് മുലയൂട്ടി കുഴഞ്ഞു വീഴുന്നു അമേരിക്കന് കനാന് കന്യക. -
യൂറോപ്യന് രാജ്യങ്ങളില് നിന്ന് ആദ്യമായി കുടിയേറിയവര് സമാധാന പ്രിയര് ആയിരുന്നു എന്ന് കരുതരുത്. രാഷ്ട്രീയം, മതം, വിശ്വസം; എന്നീ മേഖലകളില്; അരാജകത്ത തിയോക്രസിയാല് അടിച്ചു അമര്ത്തപ്പെട്ട ജനം ആയിരുന്നു അവര്. അമേരിക്കയുടെ കിഴക്കന് തീരങ്ങളില് കുടിയേറിയ ഇ യൂറോപ്യന് ജനതക്ക് പരസ്പരം സമാധാനപരമായി സഹവസിക്കാനുള്ള ഒരു പൊതു വേദി ഉണ്ടായിരുന്നില്ല. പൂര്ണ്ണ സ്വാതന്ത്രം തേടി എത്തിയ ഇവരെ ആര് നിയന്ത്രിക്കാന്! മൂക്ക് കയര് പൊട്ടിയ മെരുക്കാത്ത പുതു കാളയെപ്പോലെ അവര് ഇ പുതുമണ്ണില് കുതിച്ചോടി. കുടിയേറിയ വിവിധ ക്രിസ്റ്റിയന് വിഭാഗങ്ങള് തമ്മി തല്ലി. ഒരു പ്രതേക മത വിഭാഗത്തിനും യാതൊരു സ്പെഷ്യല് പരിഗണനകളും ഇല്ലാതെയുള്ള ഒരു ഭരണഘടന ഉണ്ടാകുവാന് കാരണവും ഇ മത വിഭാഗങ്ങളുടെ ചേരിപ്പോര് തന്നെ. ഒരു വെക്തിക് അവനവനു ഇഷ്ടം ഉള്ള വിശ്വസങ്ങള് പുലര്ത്തുവാന് അവകാശം ഉണ്ടായിരിക്കണം എന്നും; മതവും രാഷ്ട്ട്രീയവും വേറിട്ട് നില്ക്കണം എന്നും അവര് വാദിച്ചു. തിയോക്രസിയില്നിന്നും മോചനം നേടി; സമാധാനമായി, മത സൗഹാര്ത്ഥത്തില് സഹവര്ത്തിക്കുന്ന ഒരു പുതിയ ആകാശവും ഭൂമിയും ആണ് അമേരിക്കയില് ഭരണഘടനയുടെ പിതാക്കള് ആഗ്രഹിച്ചത്.
1791, ഡിസംബര് 15 ന് അമേരിക്കന് ഭരണഘടനയില് ചേര്ത്ത ഒന്നാം ഭേദഗതി അമേരിക്കയിലെ മതസ്വാതന്ത്ര്യം, സംസാരിക്കാനുള്ള സ്വാതന്ത്ര്യം, മാധ്യമ സ്വാതന്ത്ര്യം, ഒത്തുചേരാനുള്ള അവകാശം, സര്ക്കാരിനോട് അപേക്ഷിക്കാനുള്ള അവകാശം എന്നിവയുള്പ്പെടെ നിരവധി അടിസ്ഥാന സ്വാതന്ത്ര്യങ്ങളെ സംരക്ഷിക്കുന്നു. എന്നാല് പല മത ഭ്രാന്തരും വര്ണ്ണ വിവേചകരും അരാജക വാദികളും അവകാശപ്പെടുന്നതുപോലെ എന്തും പ്രവര്ത്തിക്കാനുള്ള ഫ്രീ ലയിസെന്സ് അല്ല ഒന്നാം അമെന്ഡ്മെന്റ്. ഫ്രീഡം അണ്ടര് ലോ, നിയമത്തിനു കീഴില് ഉള്ള സ്വാതന്ത്രം എന്ന് സാരം. നങ്ങ്ള്ക്ക് ഏതുതരം മതത്തിന്റെ യും അനുയായിആകാം, നിങ്ങളുടെ മതം എത്ര ശ്രെഷ്ടം എന്ന് നിങ്ങള്ക്ക് തോന്നിയാലും, അത് രാഷ്ട്രീയത്തിലോ രാജ്യഭരണത്തിലോ ഇടപെടാന് പാടില്ല. എന്നാല് കുതന്ത്രങ്ങളിലൂടെ ഭരണം പിടിച്ചെടുത്ത ഇവാന്ജെലിക്കല് വിഭാഗക്കാര് ഇന്ന് അമേരിക്കയില് തോനന്യവാസ ഭരണം നടത്തുന്നു. ഇതിനെ തിയോക്രസി അല്ല എന്ന് പറയാന് പറ്റില്ല. മതവും രാഷ്ട്രീയവും; മനുഷ ജീവിതത്തിലെ അഭിഭാജ്യ ഘടകങ്ങള് ആയിരിക്കുന്ന ഒരു സമൂഹത്തില് , ഇവ രണ്ടും തമ്മില് ഇണചേരാതെ, മറ്റൊന്നിനെ ഭരിക്കാതെ മുന്നോട്ടു പോകണം. എന്നാല് മതം ഒരിക്കലും ഭരണഘടനക്കു ഉപരി അല്ല.