തിരുവനന്തപുരം: തിരുവനന്തപുരം സ്വര്ണ കള്ളക്കടത്ത് കേസില് വി.മുരളീധരന് സംശയത്തിന്റെ നിഴലിലെന്ന് സി.പി.ഐ.എം ജനറല് സെക്രട്ടറി കോടിയേരി ബാലകൃഷ്ണന്.
സ്വര്ണ്ണം കൊണ്ടുവന്ന നയതന്ത്ര ബാഗ് വിട്ടുകൊടുക്കാന് ഇടപെട്ടത് സംഘപരിവാര് പ്രവര്ത്തകനായ ഒരു ക്ലിയറിംഗ് ഏജന്റാണ് എന്നത് നിസ്സാരമല്ലെന്ന് കോടിയേരി ഫേസ്ബുക്കില് കുറിച്ചു. ബാഗ് തടഞ്ഞുവച്ചാല് പണിപോകും എന്ന് ഇയാള് കസ്റ്റംസ് ഉദ്യോഗസ്ഥരെ ഭീക്ഷണിപ്പെടുത്തി. വിട്ടുകൊടുക്കില്ല എന്ന് കണ്ടപ്പോള് ബാഗ് തിരിച്ചയക്കാനും സമ്മര്ദ്ദം ചെലുത്തിയെന്നും കോടിയേരി പറഞ്ഞു.
ഇതിനുപിന്നാലെയാണ് സ്വര്ണ്ണം കൊണ്ടുവന്നത് നയതന്ത്രബാഗിലല്ല എന്ന വിദേശകാര്യ സഹമന്ത്രി വി. മുരളീധരന്റെ പ്രസ്താവന വന്നത്. നയതന്ത്രബാഗ് ക്ലിയര് ചെയ്യാന് ഏജന്റിന്റെ ആവശ്യമില്ല എന്നിട്ടും ബി.എം.എസ് നേതാവായ ക്ലിയറിംഗ് ഏജന്റ് അതില് ഇടപെട്ടു.
സ്വര്ണ്ണക്കടത്ത് കേസിലെ ആസൂത്രകരിലേക്കും ഗൂഢാലോചനക്കാരിലേക്കും വിരല് ചൂണ്ടുന്ന ഈ ഇടപെടലിനെ വെള്ളപൂകാനാണോ മുരളീധരന്റെ പ്രസ്താവന എന്ന സംശയം അസ്ഥാനത്തല്ല.
ഇതിനുപിന്നാലെയാണ് സ്വര്ണ്ണം കടത്തിയത് നയതന്ത്ര ബാഗിലാണ് എന്ന എന്.ഐ.എയുടെ പ്രസ്താവന പുറത്തുവരുന്നത്. അതോടെ മുരളീധരന് സംശയത്തിന്റെ നിഴലിലാണ്