ലഖ്നൗ: ഉത്തര്പ്രദേശില് ക്രൂരപീഡനത്തിനിരയായി കൊല്ലപ്പെട്ട ദലിത് പെണ്കുട്ടിയുടെ കുടുംബവുമായി മുഖ്യമന്ത്രി യോഗി ആദിത്യനാഥ് സംസാരിച്ചു. വീഡിയോ കോണ്ഫറന്സിങ്ങിലൂടെയാണ് പെണ്കുട്ടിയുടെ പിതാവുമായും സഹാദരനുമായും ആദിത്യനാഥ് കൂടിക്കാഴ്ച നടത്തിയത്. മകളുടെ മരണത്തിന് കാരണക്കാരയവര്ക്ക് പരമാവധി ശിക്ഷ ഉറപ്പാക്കണമെന്ന് പെണ്കുട്ടിയുടെ പിതാവ് ആദിത്യനാഥിനോട് ആവശ്യപ്പെട്ടു. കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും പെണ്കുട്ടിയുടെ കുടുംബത്തിന് ആവശ്യമായ എല്ലാ സഹായങ്ങളും ഉറപ്പാക്കുമെന്നും മുഖ്യമന്ത്രി ഉറപ്പ് നല്കി.
പെണ്കുട്ടിയുടെ കുടുംബത്തിന് 25 ലക്ഷം രൂപ ധനസഹായവും കുടുംബത്തിലൊരാള്ക്ക് സര്ക്കാര് ജോലിയും സംസ്ഥാന പദ്ധതിയില് ഉള്പ്പെടുത്തി കുടുംബത്തിന് വീടും നിര്മിച്ചു നല്കുമെന്ന് ആദിത്യനാഥിന്റെ ഓഫീസ് അറിയിച്ചു. സെപ്തംബര് 14നാണ് ഹത്രാസില് നിന്നുള്ള ഇരുപതുവയസ്സുള്ള ദളിത് പെണ്കുട്ടി കൂട്ടബലാത്സംഗത്തിനിരയായത്.