ന്യൂഡല്ഹി: കേന്ദ്രസര്ക്കാറിന്റെ കാര്ഷിക നിയമങ്ങള്ക്കെതിരായ കര്ഷക പ്രക്ഷോഭം അവസാനിപ്പിച്ച് ഗാസിപുര് റോഡുകള് ഒഴിയണമെന്ന് ജില്ല ഭരണകൂടം.
ഡല്ഹി -ഉത്തര്പ്രദേശ് അതിര്ത്തിയായ ഗാസിപുരില് പ്രതിഷേധിക്കുന്ന കര്ഷകര്ക്കാണ് ഗാസിയബാദ് ഭരണകൂടത്തിന്റെ നിര്ദേശം. വ്യാഴാഴ്ച രാത്രി തന്നെ ദേശീയ പാതകള് ഒഴിയണമെന്ന് ഭരണകൂടം അറിയിച്ചു. പൊലീസ് സമരവേദിയിെലത്തിയതോടെ സംഘര്ഷാവസ്ഥ നിലനില്ക്കുന്നതായാണ് വിവരം.
നവംബര് 26ന് കര്ഷകര് പ്രതിഷേധം ആരംഭിച്ചതുമുതല് ഗാസിപൂര് അതിര്ത്തി അടച്ചിട്ടിരിക്കുകയാണ്. ഗാസിപൂര് അതിര്ത്തിയില് വൈദ്യുത ബന്ധവും ജല വിതരണവും ഭരണകൂടം നിര്ത്തിവെച്ചിരുന്നു.
ചൊവ്വാഴ്ച കര്ഷകര് ബാരിക്കേഡുകള് തകര്ത്ത് ട്രാക്ടര് റാലി നടത്തിയിരുന്നു. റിപബ്ലിക് ദിനത്തില് കര്ഷകര് നടത്തിയ ട്രാക്ടര് റാലിക്കിടെ പലയിടത്തും സംഘര്ഷവുമുണ്ടായി. പൊലീസ് കര്ഷകരെ തടഞ്ഞതായിരുന്നു സംഘര്ഷത്തിന്റെ തുടക്കം. കര്ഷകരില് ഒരു സംഘം ചെങ്കോട്ടയിലെത്തുകയും കൊടി ഉയര്ത്തുകയും ചെയ്തിരുന്നു.