വിണ്ണിൽ ഒരു പൊൻതാരം (സരോജ വർഗ്ഗീസ്, ന്യുയോർക്ക്)

വിണ്ണിൽ പൊൻതാരം വിടരുന്നു
മണ്ണിൽ പൊൻപ്രഭ തെളിയുന്നു
ബേ ത് ലഹേം പുരിയിൽ ജാതനാം ഉണ്ണി
സ്നേഹത്തിൻപുത്രനാം ദേവേശനല്ലേ.

സ്നേഹത്തിൻ പാതകൾ കാട്ടിടുവാനായ്
സ്നേഹത്തിൻ സൂനവും ശാന്തിതൻ ദൂതുമായ്
ബേ ത് ലഹേം ഗോശാലത്തേടി വന്നെത്തി
ആരോമലുണ്ണിമണ്ണിൽ പിറന്നല്ലോ!

പാടിടാം ആമോദമായ് പാടിടാം
പിറവിതൻ ആമോദം പാടിടാം
മണ്ണിൽ സ്വർഗ്ഗം തീർത്തൊരു സംഗീതം
വിണ്ണിൽ നിന്നെത്തി യ അനുപമഗീതം

പൊന്നും മൂറും കുന്തിരിക്കവുമായ്
പൊന്നേശുവേ നോക്കിപോയീടാം
സ്നേഹത്തിൻ ഗായകൻ വല്ലഭനായകൻ
സ്നേഹമായ് വിളിക്കും സ്വരം കേട്ടീടാം.

Facebook Comments

Comments

Ponmelil Abraham 2024-12-19 19:54:51

Beautiful message.

Jayan varghese 2024-12-20 01:03:24

മധുരം വചനാമൃതം -. പ്രണയവും കണ്ണീരും തേൻ പുരട്ടിയ വാക്കുകളിൽ സരോജാ വർഗീസിന്റെ രചനകൾ തുടരുന്നു. തന്റെ സ്വകാര്യ വേദനകളെ ഹൃദയം പിളർന്ന് പങ്കു വയ്ക്കുന്ന അവരുടെ രചനാ രീതി അമേരിക്കൻ മലയാള സാഹിത്യത്തിൽ അപൂർവമായി അനുഭവപെടുന്ന അനില സൗഭാഗ്യമാണ്. അന്യദർശമായ ആ കുളിരിൽ അനുഭൂതികളുടേ അസുലഭ ചാരുത അനുഭവിക്കുന്ന ആസ്വാദകൻ എന്ന നിലയിൽ കാലം മായ്ക്കാത്ത കരുത്തോടെ മനസിന്റെ തുഞ്ചത്തു ചിലയ്ക്കുന്ന ഈ അരുമക്കിളിക്ക് അഭിവാദനങ്ങൾ അർപ്പിക്കുന്നു. ജയൻ വർഗീസ്.

Saroja’s Varghese 2024-12-20 01:46:17

Thank you Mr .JAYAN Varghese.Your kind words about my writing is a great reward .Merry Xmas

Leave A Reply

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

വിണ്ണിൽ ഒരു പൊൻതാരം (സരോജ വർഗ്ഗീസ്, ന്യുയോർക്ക്)

PATHRANGAL

US WEBSITES

EMalayalee Available in MediaAppUSA