സാന്‍റിയാഗോ: ചിലിയില്‍ റിക്ടര്‍ സ്കെയില്‍ 8.3 തീവ്രത രേഖപ്പെടുത്തിയ ഭൂചലനത്തില്‍ രണ്ട് സ്ത്രീകളടക്കം അഞ്ച് മരണം. 10 പേര്‍ക്ക് പരിക്കേറ്റു. മരണസംഖ്യ ഉയരാന്‍ സാധ്യത. ശക്തയേറിയ ആദ്യ ഭൂചലനത്തിന് ശേഷം 11 ചെറു പ്രകമ്പനങ്ങളും അനുഭവപ്പെട്ടു. ഭൂചലനത്തെ തുടര്‍ന്ന് ചിലി, ന്യൂസിലന്‍ഡ്, ഹവായ്, പെറുവിലെ പസഫിക് തീരദേശങ്ങളിലും സുനാമി മുന്നറിയിപ്പ് പുറപ്പെടുവിച്ചു. കൂടാതെ തീരദേശ മേഖലയില്‍ നിന്ന് 10 ലക്ഷം പേരെ ഒഴിപ്പിച്ചു.