സാന്റിയാഗോ: ചിലിയില് റിക്ടര് സ്കെയില് 8.3 തീവ്രത രേഖപ്പെടുത്തിയ ഭൂചലനത്തില് രണ്ട് സ്ത്രീകളടക്കം അഞ്ച് മരണം. 10 പേര്ക്ക് പരിക്കേറ്റു. മരണസംഖ്യ ഉയരാന് സാധ്യത. ശക്തയേറിയ ആദ്യ ഭൂചലനത്തിന് ശേഷം 11 ചെറു പ്രകമ്പനങ്ങളും അനുഭവപ്പെട്ടു. ഭൂചലനത്തെ തുടര്ന്ന് ചിലി, ന്യൂസിലന്ഡ്, ഹവായ്, പെറുവിലെ പസഫിക് തീരദേശങ്ങളിലും സുനാമി മുന്നറിയിപ്പ് പുറപ്പെടുവിച്ചു. കൂടാതെ തീരദേശ മേഖലയില് നിന്ന് 10 ലക്ഷം പേരെ ഒഴിപ്പിച്ചു.
പ്രാദേശിക സമയം വൈകിട്ട് 6.54ന് അനുഭവപ്പെട്ട ഭൂചലനത്തിന്െറ പ്രഭവ കേന്ദ്രം വടക്ക്^വടക്ക്പടിഞ്ഞാറ് സാന്റിയാഗോക്ക് 228 കിലോമീറ്റര് അകലെ 12 കിലോമീറ്റര് ആഴത്തിലാണ്. ഭൂചലനത്തെ തുടര്ന്ന് സാന്റിയാഗോ, അര്ജന്റീനയിലെ ബ്യുനസ് ഐറസ് എന്നിവിടങ്ങളിലെ ജനങ്ങള് നിരത്തുകളിലിറങ്ങി. മുന്കരുതല് നടപടിയുടെ ഭാഗമായാണ് തീരദേശ പട്ടണങ്ങളിലെ ജനങ്ങളെ ഒഴിപ്പിക്കുന്നതെന്ന് ചിലി ആഭ്യന്തര മന്ത്രി ജോര്ഗ് ബര്ഗോസ് അറിയിച്ചു.
http://www.madhyamam.com/news/371503/150917