ഗാന്ധിജി കുഷ്ഠരോഗികളുടെ ക്ഷേമത്തിനായി നടത്തിയ സേവനങ്ങള്‍ ലോകത്തിന് മാതൃക: മന്ത്രി വി.എസ്. ശിവകുമാര്‍
അനില്‍ പെണ്ണുക്കര Published on 31 January, 2016
പാര്‍ശ്വവല്‍ക്കരിക്കപ്പെട്ട ജനസമൂഹങ്ങളുടെ ഉന്നമനത്തിനായി അക്ഷീണം
പ്രയത്‌നിച്ച മഹാത്മാഗാന്ധി, കുഷ്ഠരോഗികളുടെ ക്ഷേമത്തിനായി നടത്തിയ
സേവനങ്ങള്‍ ലോകത്തിനുതന്നെ മാതൃകയാണെന്ന് ആരോഗ്യമന്ത്രി വി.എസ്.
ശിവകുമാര്‍ അനുസ്മരിച്ചു. ഗാന്ധിജിയുടെ
രക്തസാക്ഷിദിനത്തോടനുബന്ധിച്ച് നടത്തിവരുന്ന, ദേശീയ കുഷ്ഠരോഗ
നിര്‍മ്മാര്‍ജ്ജന ദിനാചരണത്തിന്റെ സംസ്ഥാനതല ഉദ്ഘാടനം, വള്ളക്കടവ് ജമാ
അത്ത് സ്കൂളില്‍ നിര്‍വഹിച്ച് പ്രസംഗിക്കുകയായിരുന്നു
അദ്ദേഹം.
കുഷ്ഠരോഗം, കുറച്ചുകാലത്തെ ചികിത്സ കൊണ്ട് പൂര്‍ണ്ണമായും മാറ്റാനാകും. എല്ലാ സര്‍ക്കാര്‍ ആശുപത്രികളിലും ഇതിന് സൗജന്യ ചികിത്സ ലഭ്യമാണ്. എത്രയും നേരത്തേ രോഗനിര്‍ണ്ണയം നടത്തി ചികിത്സ നേടുകയാണ് വേണ്ടത്. അംഗവൈകല്യം പരിഹരിക്കുന്നതിനുള്ള ശസ്ത്രക്രിയയും സൗജന്യമാണ്. ഈ ശസ്ത്രക്രിയയ്ക്ക് വിധേയരാകുന്ന ഓരോ രോഗിക്കും 8000 രൂപവീതം സാമ്പത്തിക സഹായമായും നല്‍കുന്നുണ്ട്. സാമ്പത്തിക പിന്നാക്കാവസ്ഥയിലുള്ള കുഷ്ഠരോഗബാധിതര്‍ക്ക് സര്‍ക്കാര്‍ പ്രതിമാസം ആയിരം രൂപ വീതം സഹായം നല്‍കുന്നുമുണ്ട്. സംസ്ഥാനത്തെ വിവിധ ആശുപത്രികളില്‍ 788 കുഷ്ഠരോഗ ബാധിതരാണ് ഇപ്പോള്‍ ചികിത്സയിലുള്ളതെന്നും നടപ്പു സാമ്പത്തികവര്‍ഷം 444 പേരെ പുതുതായി രോഗനിര്‍ണ്ണയം നടത്തി ചികിത്സയ്ക്ക് വിധേയരാക്കാന്‍ സാധിച്ചിട്ടുണ്ടെന്നും മന്ത്രി പറഞ്ഞു.
കേരളത്തില്‍ ഇതര സംസ്ഥാന തൊഴിലാളികള്‍ വര്‍ധിക്കുന്ന സാഹചര്യം കണക്കിലെടുത്ത് കുഷ്ഠരോഗനിര്‍മ്മാര്‍ജ്ജനത്തിനായി വിപുലമായ പ്രവര്‍ത്തനങ്ങളാണ് നടപ്പിലാക്കിവരുന്നത്. കുഷ്ഠരോഗത്തെക്കുറിച്ചുള്ള മിഥ്യാധാരണകള്‍ മാറ്റാന്‍ ഇവ ഏറെ സഹായകമാണ്. തൊലിപ്പുറത്തുണ്ടാകുന്ന നിറംമങ്ങിയ, സ്പര്‍ശനശേഷി കുറഞ്ഞതോ ഇല്ലാത്തതോ ആയ പാടുകളും പേശികളുടെ ബലക്ഷയവും കുഷ്ഠരോഗ ലക്ഷണങ്ങളാകാമെന്ന വസ്തുതയ്ക്ക് വളരെയേറെ പ്രചാരം നല്‍കേണ്ടതുണ്ട്.
കുട്ടികള്‍ക്കിടയിലെ കുഷ്ഠരോഗബാധ നിര്‍മ്മാര്‍ജ്ജനം ചെയ്യാന്‍, സര്‍ക്കാര്‍ നിയോഗിച്ച ആയിരത്തി അഞ്ഞൂറോളം സ്കൂള്‍ ഹെല്‍ത്ത് നേഴ്‌സുമാരുടെ സേവനം പ്രയോജനപ്പെടുത്തിവരികയാണ്. ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാര്‍, ജൂനിയര്‍ പബ്ലിക് ഹെല്‍ത്ത് നേഴ്‌സുമാര്‍, ആശാ-അംഗന്‍വാടി പ്രവര്‍ത്തകര്‍, ട്രൈബല്‍ പ്രമോട്ടര്‍മാര്‍ എന്നിവര്‍ക്കെല്ലാം കുഷ്ഠരോഗ നിര്‍മ്മാര്‍ജ്ജനത്തിനായി പ്രത്യേക പരിശീലനം നല്‍കിയിട്ടുണ്ട്. ആരോഗ്യവകുപ്പിന്റെയും സന്നദ്ധ സംഘടനകളുടെയും ഏകോപനത്തോടെയുള്ള പ്രവര്‍ത്തനത്തിലൂടെ സംസ്ഥാനത്തുനിന്ന് കുഷ്ഠരോഗത്തെ പൂര്‍ണ്ണമായും അകറ്റാന്‍ സാധിക്കുമെന്നും മന്ത്രി പറഞ്ഞു.
ചടങ്ങില്‍ കൗണ്‍സിലര്‍ ഷാജിദ നാസര്‍ അധ്യക്ഷത വഹിച്ചു. നഗരസഭാ ആരോഗ്യസ്റ്റാന്റിങ് കമ്മിറ്റി ചെയര്‍മാന്‍ കെ. ശ്രീകുമാര്‍, സ്റ്റേറ്റ് ലെപ്രസി ഓഫീസര്‍ ഡോ. ജെ. പത്മലത, ജില്ലാ മെഡിക്കല്‍ ഓഫീസര്‍ ഡോ. കെ. വേണുഗോപാല്‍, ആരോഗ്യകേരളം സ്റ്റേറ്റ് പ്രോഗ്രാം മാനേജര്‍ ഡോ. ജി. സുനില്‍കുമാര്‍, ജില്ലാ പ്രോഗ്രാം മാനേജര്‍ ഡോ. ബി. ഉണ്ണികൃഷ്ണന്‍, പ്രിന്‍സിപ്പാള്‍ സി.കെ. മിനികുമാരി, സ്കൂള്‍ മാനേജര്‍ എ. സൈഫുദീന്‍ ഹാജി,പിരപ്പന്‍കോട് സെന്റ് ജോണ്‍സ് ഹെല്‍ത്ത് സര്‍വീസസ് ഡയറക്ടര്‍ ഫാ. ജോര്‍ജ് കിഴക്കേടത്ത് തുടങ്ങിയവര്‍ പ്രസംഗിച്ചു. തുടര്‍ന്നുനടന്ന സെമിനാറില്‍ ത്വക്‌രോഗവിദഗ്ധ ഡോ. ജയശ്രീ, ജില്ലാ ലെപ്രസി ഓഫീസര്‍ ഡോ. സുകേഷ് രാജ് എന്നിവര്‍ പ്രസംഗിച്ചു. മെഡിക്കല്‍ ക്യാമ്പില്‍ 411 പേര്‍ പരിശോധനയ്ക്ക് വിധേയരായി. ഇവരിലെ ഒരു കുട്ടിക്ക് കുഷ്ഠരോഗം ബാധിച്ചതായി സ്ഥിരീകരിച്ചു.
കുഷ്ഠരോഗം, കുറച്ചുകാലത്തെ ചികിത്സ കൊണ്ട് പൂര്‍ണ്ണമായും മാറ്റാനാകും. എല്ലാ സര്‍ക്കാര്‍ ആശുപത്രികളിലും ഇതിന് സൗജന്യ ചികിത്സ ലഭ്യമാണ്. എത്രയും നേരത്തേ രോഗനിര്‍ണ്ണയം നടത്തി ചികിത്സ നേടുകയാണ് വേണ്ടത്. അംഗവൈകല്യം പരിഹരിക്കുന്നതിനുള്ള ശസ്ത്രക്രിയയും സൗജന്യമാണ്. ഈ ശസ്ത്രക്രിയയ്ക്ക് വിധേയരാകുന്ന ഓരോ രോഗിക്കും 8000 രൂപവീതം സാമ്പത്തിക സഹായമായും നല്‍കുന്നുണ്ട്. സാമ്പത്തിക പിന്നാക്കാവസ്ഥയിലുള്ള കുഷ്ഠരോഗബാധിതര്‍ക്ക് സര്‍ക്കാര്‍ പ്രതിമാസം ആയിരം രൂപ വീതം സഹായം നല്‍കുന്നുമുണ്ട്. സംസ്ഥാനത്തെ വിവിധ ആശുപത്രികളില്‍ 788 കുഷ്ഠരോഗ ബാധിതരാണ് ഇപ്പോള്‍ ചികിത്സയിലുള്ളതെന്നും നടപ്പു സാമ്പത്തികവര്‍ഷം 444 പേരെ പുതുതായി രോഗനിര്‍ണ്ണയം നടത്തി ചികിത്സയ്ക്ക് വിധേയരാക്കാന്‍ സാധിച്ചിട്ടുണ്ടെന്നും മന്ത്രി പറഞ്ഞു.
കേരളത്തില്‍ ഇതര സംസ്ഥാന തൊഴിലാളികള്‍ വര്‍ധിക്കുന്ന സാഹചര്യം കണക്കിലെടുത്ത് കുഷ്ഠരോഗനിര്‍മ്മാര്‍ജ്ജനത്തിനായി വിപുലമായ പ്രവര്‍ത്തനങ്ങളാണ് നടപ്പിലാക്കിവരുന്നത്. കുഷ്ഠരോഗത്തെക്കുറിച്ചുള്ള മിഥ്യാധാരണകള്‍ മാറ്റാന്‍ ഇവ ഏറെ സഹായകമാണ്. തൊലിപ്പുറത്തുണ്ടാകുന്ന നിറംമങ്ങിയ, സ്പര്‍ശനശേഷി കുറഞ്ഞതോ ഇല്ലാത്തതോ ആയ പാടുകളും പേശികളുടെ ബലക്ഷയവും കുഷ്ഠരോഗ ലക്ഷണങ്ങളാകാമെന്ന വസ്തുതയ്ക്ക് വളരെയേറെ പ്രചാരം നല്‍കേണ്ടതുണ്ട്.
കുട്ടികള്‍ക്കിടയിലെ കുഷ്ഠരോഗബാധ നിര്‍മ്മാര്‍ജ്ജനം ചെയ്യാന്‍, സര്‍ക്കാര്‍ നിയോഗിച്ച ആയിരത്തി അഞ്ഞൂറോളം സ്കൂള്‍ ഹെല്‍ത്ത് നേഴ്‌സുമാരുടെ സേവനം പ്രയോജനപ്പെടുത്തിവരികയാണ്. ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാര്‍, ജൂനിയര്‍ പബ്ലിക് ഹെല്‍ത്ത് നേഴ്‌സുമാര്‍, ആശാ-അംഗന്‍വാടി പ്രവര്‍ത്തകര്‍, ട്രൈബല്‍ പ്രമോട്ടര്‍മാര്‍ എന്നിവര്‍ക്കെല്ലാം കുഷ്ഠരോഗ നിര്‍മ്മാര്‍ജ്ജനത്തിനായി പ്രത്യേക പരിശീലനം നല്‍കിയിട്ടുണ്ട്. ആരോഗ്യവകുപ്പിന്റെയും സന്നദ്ധ സംഘടനകളുടെയും ഏകോപനത്തോടെയുള്ള പ്രവര്‍ത്തനത്തിലൂടെ സംസ്ഥാനത്തുനിന്ന് കുഷ്ഠരോഗത്തെ പൂര്‍ണ്ണമായും അകറ്റാന്‍ സാധിക്കുമെന്നും മന്ത്രി പറഞ്ഞു.
ചടങ്ങില്‍ കൗണ്‍സിലര്‍ ഷാജിദ നാസര്‍ അധ്യക്ഷത വഹിച്ചു. നഗരസഭാ ആരോഗ്യസ്റ്റാന്റിങ് കമ്മിറ്റി ചെയര്‍മാന്‍ കെ. ശ്രീകുമാര്‍, സ്റ്റേറ്റ് ലെപ്രസി ഓഫീസര്‍ ഡോ. ജെ. പത്മലത, ജില്ലാ മെഡിക്കല്‍ ഓഫീസര്‍ ഡോ. കെ. വേണുഗോപാല്‍, ആരോഗ്യകേരളം സ്റ്റേറ്റ് പ്രോഗ്രാം മാനേജര്‍ ഡോ. ജി. സുനില്‍കുമാര്‍, ജില്ലാ പ്രോഗ്രാം മാനേജര്‍ ഡോ. ബി. ഉണ്ണികൃഷ്ണന്‍, പ്രിന്‍സിപ്പാള്‍ സി.കെ. മിനികുമാരി, സ്കൂള്‍ മാനേജര്‍ എ. സൈഫുദീന്‍ ഹാജി,പിരപ്പന്‍കോട് സെന്റ് ജോണ്‍സ് ഹെല്‍ത്ത് സര്‍വീസസ് ഡയറക്ടര്‍ ഫാ. ജോര്‍ജ് കിഴക്കേടത്ത് തുടങ്ങിയവര്‍ പ്രസംഗിച്ചു. തുടര്‍ന്നുനടന്ന സെമിനാറില്‍ ത്വക്‌രോഗവിദഗ്ധ ഡോ. ജയശ്രീ, ജില്ലാ ലെപ്രസി ഓഫീസര്‍ ഡോ. സുകേഷ് രാജ് എന്നിവര്‍ പ്രസംഗിച്ചു. മെഡിക്കല്‍ ക്യാമ്പില്‍ 411 പേര്‍ പരിശോധനയ്ക്ക് വിധേയരായി. ഇവരിലെ ഒരു കുട്ടിക്ക് കുഷ്ഠരോഗം ബാധിച്ചതായി സ്ഥിരീകരിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala