67-മത് ഇന്ത്യന് റിപ്പബ്ലിക് ദിനാഘോഷം മലയാളി അസ്സോസിയേഷന് ഓഫ് റ്റാമ്പായും (MAT) ഫെഡറേഷന് ഓഫ് ഇന്ത്യന് അസ്സോസിയേഷന്സ്(FIA) സും സംയുക്തമായി റ്റാമ്പായിലുള്ള ഇന്ത്യന് കള്ച്ചറല് സെന്ററില് വെച്ച് പ്രൗഢഗംഭീരമായി ആഘോഷിച്ചു. ജനുവരി 31-ാം തീയ്യതി ഞായറാഴ്ച 1.30ന് ആരംഭിച്ച ഘോഷയാത്രയ്ക്ക് കേരളത്തെ പ്രതിനിധീകരിച്ച് മലയാളി അസ്സോസിയേഷന് ഓഫ് റ്റാമ്പ(MAT) താലപ്പൊലിയുടെയും, മുത്തുകുടയുടെയും, ചെണ്ടമേളത്തിന്റെയും അകമ്പടിയോടെ നേതൃത്വം നല്കി. ഇന്ത്യന്, അമേരിക്കന് ദേശീയഗാനങ്ങളുടെ അകമ്പടിയോടെ ദേശീയപതാക ഉയര്ത്തി. ഘോഷയാത്രവേദിയില് എത്തിയതിനെ തുടര്ന്ന് 30-ല് പരം കലാകാരന്മാര് അണിയിച്ച് ഒരുക്കിയ ചെണ്ടമേളം വേദിയില് അങ്ങേറി. തുടര്ന്ന് നിരവധി ഇന്ത്യന് അസ്സോസിയേഷന് അംഗങ്ങളുടെ കലാപരിപാടികള് അവതരിപ്പിക്കപ്പെട്ടു.
ആഘോഷങ്ങളുടെ ഭാഗമായി വിവിധ സംസ്ഥാനങ്ങളുടെ കലാസാംസ്കാരിക വൈവിധ്യം വിളിച്ചോതുന്നതില്, മലയാളി അസ്സോസിയേഷന്റെ(MAT) നേതൃത്വത്തില് നടത്തപ്പെട്ട കേരളാബൂത്ത് ശ്രദ്ധേയമായി.