തലശേരിയിലാകട്ടെ സഹകരണ മേഖലയില്‍ ഉയര്‍ന്നതു ഷോപ്പിങ് മാളാണ്. പറശിനിക്കടവില്‍ വന്നു കോടികള്‍ മുതല്‍ മുടക്കി അത്യാഢംബര വാട്ടര്‍ തീം പാര്‍ക്ക്. എല്ലാം സി.പി.എം നിയന്ത്രണത്തില്‍. എം.വി രാഘവന്‍ സഹകരണമന്ത്രിയായിരിക്കെ പരിയാരം മെഡിക്കല്‍ കോളജ് സ്ഥാപിച്ചു, ഇതൊക്കെ സഹകരണമേഖലയുടെ വലിയ വളര്‍ച്ചയുടെ ഉദാഹരണങ്ങളാണ്.

എന്നാല്‍, ഈ വളര്‍ച്ച സഹകരണമേഖലയെയും സാധാരണക്കാരില്‍നിന്ന് അകറ്റി വന്‍കിടക്കാര്‍ക്കു മുതല്‍ മുടക്കാനുള്ള മറ്റൊരു മേഖലയായി മാറ്റി. ലാഭക്കണക്കുകള്‍ മാത്രം മുഖ്യപരിഗണനയില്‍ വന്നപ്പോള്‍ സ്വകാര്യ മേഖലയിലെ മുതല്‍മുടക്കുപോലെയായി പല സഹകരണ സ്ഥാപനങ്ങളിലേതും.

രാജ്യത്തെ സഹകരണമേഖല വന്‍സാമ്പത്തിക ഇടപാടുകള്‍ ത്തിത്തുടങ്ങിയതോടെ ആദായനികുതി വകുപ്പിന്റെയും റിസര്‍വ് ബാങ്കിന്റെയും കണ്ണുകള്‍ ഈ സ്ഥാപനങ്ങളുടെ േേമലയ്ക്കും പതുക്കെ പതിയാന്‍ തുടങ്ങി. സംസ്ഥാനത്തെ സഹകരണബാങ്കുകളില്‍ 30,000 കോടി രൂപ കള്ളപ്പണമുണ്ടെന്നാണ് ആദായനികുതി അധികൃതരുടെ കണ്ടെത്തല്‍. ഈ പണത്തില്‍ ഭൂരിഭാഗവും കെട്ടിട നിര്‍മാണങ്ങള്‍ക്കാണു ചെലവഴിക്കുന്നതെന്നും വകുപ്പു കണ്ടെത്തിയിട്ടുണ്ട്.

ആദായനികുതിവിഭാഗത്തിന്റെ കോഴിക്കോട് റീജിയനില്‍നിന്ന് ആദായനികുതി അടയ്ക്കാത്ത 10,243 പേര്‍ക്കു നോട്ടിസ് അയച്ചിരുന്നു. ഇവരില്‍ ഏറെപേരും സഹകരണ ബാങ്കുകളില്‍ നിക്ഷേപമുള്ളവരാണെന്നു കണ്ടെത്തിയതിനെ തുടര്‍ന്നായിരുന്നു നടപടി.

മറ്റു ബാങ്കുകളെ അപേക്ഷിച്ചു നിക്ഷേപങ്ങള്‍ക്ക് ഒരു ശതമാനം അധികം പലിശ സഹകരണ ബാങ്കുകള്‍ നല്‍കുന്നുണ്ട്. ദേശസാല്‍കൃത ന്യൂജനറേഷന്‍ ബാങ്കുകളെ അപേക്ഷിച്ച് എളുപ്പം അക്കൗണ്ട് തുടങ്ങാന്‍ കഴിയുമെന്നതിനാല്‍ വ്യവസായികളുടേതടക്കം വന്‍തോതില്‍ വിദേശപ്പണം കേരളത്തിലെ സഹകരണബാങ്കുകളില്‍ നിക്ഷേപമായുണ്ട്. സഹകരണബാങ്കുകളുടെ നിലനില്‍പ്പുതന്നെ ഈ പണത്തെ ആശ്രയിച്ചാണ്.

പ്രാഥമിക വായ്പാ സഹകരണ സംഘങ്ങള്‍, പ്രാഥമിക സഹകരണ കാര്‍ഷിക ഗ്രാമവികസന ബാങ്കുകള്‍, പ്രാഥമിക കാര്‍ഷിക സഹകരണ ബാങ്കുകള്‍ എന്നിവിടങ്ങളിലടക്കം മുന്‍പ് സംസ്ഥാനത്തെ 2664 ബാങ്കുകള്‍ക്കാണ് ആദായനികുതി വകുപ്പ് പരിശോധനാ നോട്ടിസ് നല്‍കിയിരുന്നത്.

നികുതിവകുപ്പ് ഉദ്യോഗസ്ഥര്‍ക്ക് പരിശോധനയ്ക്ക് അവസരം നല്‍കുക മാത്രമല്ല അവര്‍ ആവശ്യപ്പെടുന്ന രേഖകളും ബാങ്കുകള്‍ നല്‍കണമെന്നാണ് ആദായനികുതി വകുപ്പു നിര്‍ദേശം. ഇതൊക്കെയാണെങ്കിലും യഥാര്‍ത്ഥ അവസ്ഥ എന്താണ് ?

ദൈവത്തെ ഓര്‍ത്ത് ഇനിയെങ്കിലും സഹകരണ ബാങ്കുകള്‍ , സാധാരനക്കാരുടെത് ആണെന്ന് നേതാക്കള്‍ പറയരുത് , കണക്കനുസരിച്ച് കേരള കര്‍ഷകന്‍ ആറു ലക്ഷത്തിനും ചെറുകിട കച്ചവടക്കാരന്‍ എട്ടു ലക്ഷത്തിന്റെയും കടക്കാരന്‍ ആണ് ഇപ്പോള്‍ . അവനെങ്ങിനെയാണ് നിക്ഷേപിക്കുവാന്‍ കഴിയുക ?ആരുടെ പണം ആണെന്നത് തികച്ചും മറ്റൊരു പ്രശനം ആണ് .