ന്യു യോര്ക്ക്: ഇന്ത്യയുടെയും ഇന്ത്യന് അമേരിക്കക്കാരുടെയും യഥാര്ത്ഥ സുഹൃത്താണ് കോണ്ഗ്രസ്മാന് ടോം സുവോസി (ഡെമോക്രാറ്റ്, ലോംഗ് ഐലന്ഡ്, ന്യൂയോര്ക്ക്), എന്നും അദ്ധേഹത്തിനു പിന്നില് ഇന്ത്യന് സമൂഹം ശക്തമായി നിലകൊള്ളുന്നുവെന്നും നോര്ത്ത് ഹെമ്പ് സ്റ്റെഡ് ഡെമോക്രാറ്റിക് പാര്ട്ടി വൈസ് ചെയര്മാനും നോര്ത്ത് ഹെമ്പ് സ്റ്റെഡ് ഇന്ത്യന് അസോസിയേഷന് ചെയര്മാനുമായ കളത്തില് വര്ഗ്ഗീസ് പ്രസ്താവനയില് പറഞ്ഞു.
നിരവധി വര്ഷങ്ങളായി സുവോസി എന്ന സുഹ്രുത്തിനെ ജനത്തിനു അറിയാം. ആവശ്യ ഘട്ടങ്ങളില് ഇന്ത്യക്കാരെ സഹായിക്കാന് അദ്ധേഹം എന്നും മുന്നിലുണ്ടായിരുന്നു. എല്ലായ്പ്പോഴും ഇന്ത്യയെ പിന്തുണയ്ക്കുകയും ഇന്ത്യന് സമൂഹവുമായി നല്ലബന്ധം പുലര്ത്തുകയും ചെയ്തു.
നിര്ഭാഗ്യവശാല്, ആര്ട്ടിക്കിള് 370 റദ്ദാക്കിയതിനു ശേഷം കശ്മീരിനെക്കുറിച്ചുള്ള ആശങ്കകള് ഉന്നയിച്ചു കൊണ്ട് അദ്ധേഹം സ്റ്റേറ്റ് സെക്രട്ടറി പോംപിയോയ്ക്ക് എഴുതിയ കത്ത് നിക്ഷിപ്ത താല്പ്പര്യമുള്ള ഒരു കൂട്ടം ആളുകള്ക്ക് പിടിച്ചില്ല. അദ്ദേഹത്തിനെതിരെ ശക്തമായ ആക്രമണവുമായി അവര് രംഗത്തു വന്നു. യുഎസ് കോണ്ഗ്രസ്മാനെന്ന നിലയില്, ലോകത്തിന്റെ ഏത് ഭാഗത്തെ സാഹചര്യങ്ങളെക്കുറിച്ചും പ്രതികരിക്കാന് അദ്ദേഹത്തിന് എല്ലാ അവകാശവുമുണ്ടെന്ന കാര്യം അവര് മറന്നു.
അദ്ദേഹത്തിന്റെ ട്രാക്ക് റെക്കോര്ഡ് അവഗണിച്ച ഇവര് കത്തിനെ വിമര്ശിക്കുകയും അദ്ധേഹം മാപ്പ് പറയണമെന്ന് ആവശ്യപ്പെടുകയും ചെയ്തു. ഇന്ത്യയിലെ തങ്ങളുടെ രാഷ്ട്രീയ യജമാനന്മാരെ പ്രീതിപ്പെടുത്തുന്നതിനായി ഇവിടത്തെ സമൂഹത്തെ ഭിന്നിപ്പിക്കാന് ഇവര് ആഗ്രഹിക്കുന്നു. അവരില് പലരും യുഎസ് പൗരന്മാരാണ്. ഈ രാജ്യത്ത് അവരുടെ സ്വാതന്ത്ര്യത്തെക്കുറിച്ച് വളരെയധികം അഭിമാനിക്കുന്നവര്; പക്ഷെ ഒരു കോണ്ഗ്രസ്മാനു സ്വതന്ത്രമായി അഭിപ്രായം പറയാന് പറ്റില്ലത്രെ. ആ നിലപാട് അംഗീകരിക്കാനാവില്ല.
തിരഞ്ഞെടുക്കപ്പെട്ട വ്യക്തികളോട് തങ്ങളുടെ ആശങ്കകള് അറിയിക്കാന് ജനങ്ങള്ക്ക് അവകാശമുണ്ടെങ്കിലും, ഒരു കോണ്ഗ്രസ്മാനെ ഭീഷണിപ്പെടുത്താനോ നേരിടാനോ തന്റെ ജോലി ചെയ്തതതിനു മാപ്പ് ആവശ്യപ്പെടാനോ ആര്ക്കും ഒരവകാശവുമില്ല.
രാഷ്ട്രീയ പ്രക്രിയയുടെ ഭാഗമായി സ്ഥാനാര്ത്ഥികള് സംഭാവനകള് സ്വീകരിക്കുമെന്നു കരുതി അതിന്റെ പേരില് അവരെ തങ്ങളുടെ താല്പ്പര്യങ്ങള്ക്കും വരുതിക്കും നിര്ത്താമെന്ന ചിന്താഗതി ശരിയല്ല. ഇന്ത്യന് സമൂഹത്തിലെ പലരും നാട്ടില് നിന്നുള്ള വര്ഗീയതയുടെയും മുന്വിധികളുടെയും ഭാണ്ഡക്കെട്ടുമായിട്ടാണ് അമേരിക്കയില് എത്തിയത്. അതുപയോഗിച്ച് സമൂഹത്തെ കൂടുതല് ധ്രുവീകരിക്കാന് ശ്രമിക്കരുത്
അതു പോലെ ഓഗസ്റ്റ് 11 ന് ക്വീന്സില് ഇന്ത്യാ ഡേ പ രേഡില് നടന്ന ഒ രു സംഭവത്തില് ഞങ്ങള് ഖേദിക്കുന്നു. പരേഡിന്റെ സംഘാടക സമിതിയുമായി ഒരു ബന്ധവുമില്ലാത്ത, ന്യു യോര്ക്ക്കാരന് പോലും അല്ലാത്ത ഒരു വ്യക്തി, വേദി വിട്ടു പോകുമ്പോള് കോണ്ഗ്രസ്മാനെ ചോദ്യം ചെയ്തു. ഇന്ത്യന് സമൂഹവുമായി നേരത്തെ നടത്തിയ കൂടിക്കാഴ്ചയില് തന്റെ നിലപാട് കോണ്ഗ്രസ്മാന് വ്യക്തമാക്കിയതാണ്. സ്വകാര്യമായി സംസാരിക്കാമെന്നു പറഞ്ഞു കോണ്ഗ്രസ്മാന് മാന്യമായി മടങ്ങുകയാന് ചെയ്തത്.
എന്നിട്ടും കോണ്ഗ്രസ്മാന് പരേഡ് ബഹിഷ്കരിച്ചു എന്ന രീതിയില് ചില മധ്യമങ്ങളെ തെറ്റിദ്ധരിപ്പിച്ചു. പ്രസംഗം കഴിഞ്ഞാണ് അദ്ധേഹം വേദിയില് നിന്ന് പോയത്.
ഇന്ത്യന് അമേരിക്കക്കാര് എന്ന നിലയില്, കശ്മീര് ഉള്പ്പെടെ ഇന്ത്യയുടെ എല്ലാ ഭാഗങ്ങളിലും മനുഷ്യാവകാശവും ക്രമസമാധാനവും ഞങ്ങള് പിന്തുണയ്ക്കുന്നു. കഷ്മീരികള് ഇന്ത്യന് പൗരന്മാരാണ്. മറ്റാരെയും പോലെ സമാധാനത്തോടെ ജീവിക്കാന് അവര്ക്കും അര്ഹതയുണ്ടെന്നും പ്രസ്താവനയില് ചൂണ്ടിക്കാട്ടി.
Human rights in Kashmir, just refer to the Enforcement Acts passed by United States Congress in 1870 and 1871 to get an idea about why a federal government sends army to one of its states.
A United States Congressman should get facts, study about world affairs before publishing any comments about contemporary issues. His opinions should be just and should not be swayed by hearsay and false propaganda. In Tom Suozzi’s case, he jumped the gun. All I am saying is that he should have studied more about Article 370, before he wrote that letter to Secretary of State Mike Pompeo. By the by, does any sane person not love his country of birth? Being a U S citizen does not require you to not love your country of birth. Loving your country of birth does not mean that one is not loyal to his adopted country. The mere fact that you are reading Emalayalee, shows that you long to hear about your country of birth. Your statement asking others to go back to their country reflects your racist attitude reminiscent of KKK. Be human being first before being an Indian American.