ഡമോക്രാറ്റിക്ക് പാര്ട്ടിക്ക് പുതിയ പ്രസിഡന്റ് സ്ഥാനാര്ഥി വരുമോ? പാര്ട്ടി നേത്രുത്വം ഇപ്പോള് ആ വഴിക്കാണു ചിന്തിക്കുന്നത്.
മുന്നില് നില്ക്കുന്ന മൂന്നു പേരും -മുന് വൈസ് പ്രസിഡന്റ് ജോ ബൈഡന്, സെനറ്റര് എലിസബത്ത് വാറന്, സെനറ്റര് ബെര്ണി സാന്ഡേഴ്സ് -എന്നിവര് പ്രസിഡന്റ് ട്രമ്പിനു മുന്നില് പാട്ടും പാടി തോക്കും എന്നാണു മിക്കവരും വിലയിരുത്തുന്നത്.
ബൈഡനും സാന്ഡേഴ്സും വയസര്. വാറനും സാന്ഡേഴ്സും തീവ്ര ഇടതുപക്ഷ നിലപാടുള്ളവര്. അവര്ക്ക് തല്ക്കാലം വിജയ സാധ്യത കുറവ്, കാറണം അത്ര ഇടത്തോട്ടു പോകാന് അമേരിക്കന് വോട്ടര്മാര് തയ്യാറാകുമെന്നു തോന്നുന്നില്ല. ബൈഡന് ആണെങ്കില് കാര്യമായി കാശൊന്നും പിരിക്കാന് കഴിയുന്നില്ല.
സെനറ്റര് ഷെറോഡ് ബ്രൗണോ, റിട്ടയര്ഡ് നേവി അഡ്മിറല് വില്യം എച്ച്. മക്രെവനോ രംഗത്തു വന്നാല് പിതുണക്കുമെന്നു ഡമോക്രാറ്റിക്ക് നാഷനല് കമ്മിറ്റി അംഗം എലയിന് കമാര്ക്ക് വാഷിംഗ്ടണ് പോസ്റ്റിനോടു പറഞ്ഞു.
ഹിലരി ക്ലിന്റന് ഒരു വട്ടം കൂടി മല്സരിക്കുന്നതിനുള്ള സധ്യതകളും തള്ളിക്കാളയാനാവില്ല. ഒരു തവണ ട്രമ്പിനെ നേരിട്ട ഹിലരിക്ക് ട്രമ്പിനെ വീണ്ടും നേരിടുക വിഷമകരമല്ലെന്നു പലരും കരുതുന്നു. പക്ഷെ ഹിലരിക്കും അത്ര നല്ല പ്രതിഛായ അല്ല ഉള്ളത്
മുന് ന്യൂയോര്ക് മേയര് മൈക്കല് ബ്ലൂംബെര്ഗ്, മിഷേല് ഒബാമ, ഓപ്ര വിന്ഫ്രി എന്നിവരുടെ പേരുകളും പൊന്തി വന്നിട്ടുണ്ട്
മത്സര രംഗത്തുള്ള തുളസി ഗബ്ബാര്ഡ് ഒരു റഷ്യന് അനുഭാവി എന്ന ആരോപണത്തിലൂടെ ഹിലരി തിരഞ്ഞെടുപ്പു വേദിയില് പ്രേവേശിക്കുന്നതിനുള്ള ശ്രമമോ എന്നും സംശയമുണ്ട്.
ഹിന്ദുമത വിശ്വാസിയായ ഗബ്ബാര്ഡിനെ അമേരിക്കയിലെ ആര്.എസ്.എസ്.-ബി.ജെ.പി അനുഭാവികളാണു തുണക്കുന്നതെന്ന ആരോപണവും നിലനില്ക്കുന്നു.
ഡെമോക്രാറ്റ് പാര്ട്ടി തിരഞ്ഞെടുപ്പു നിധിയിലേയ്ക്ക് പണം സംഭാവന നല്കുന്ന കോടീശ്വരുടെ ആവലാതികളാണ് പാര്ട്ടിയുടെ ഉദ്ക്കണ്ണ്ടക്ക് പ്രധാന കാരണം.
ബൈഡന് പൊതുവെ നിഷ്പക്ഷ ഡെമോക്രാറ്റ്സിന് തൃപ്തികരമായ സ്ഥാനാര്ത്ഥി ആയിരുന്നു. എന്നാല് ഇപ്പോള്സംജാതമായിരിക്കുന്ന യൂക്രെയിന് വിവാദവും അതില് ബൈഡനും മകനും നേരിടുന്ന ചോദ്യങ്ങളുംബൈഡനെ സംശയ നിഴലില്എത്തിച്ചിരിക്കുന്നു.ഇതില് നല്കുന്ന ഉത്തരങ്ങള് ആരും വിശ്വസിക്കുന്നില്ല എന്നതാണ് പൊതു ധാരണ.
ഇപ്പോള് ട്രംപിന് 42 % പൊതുജന സമ്മതിയുണ്ട്. ഇതു തന്നെയാണു ഒബാമ തന്റ്റെ രണ്ടാം തിരഞ്ഞെടുപ്പിന് ഒരുങ്ങുന്ന 2011-ലും ഉണ്ടായിരുന്നത്. എന്നാല് ഇതൊരു താരതമ്യമല്ല. കാരണം ഒബാമ ആ സമയം കാര്യമായ ഒരു അപവാദത്തേയോ ഇമ്പീച്ചു നാടകമോ നേരിട്ടിരുന്നില്ല.
മൂന്നു വര്ഷത്തെ സ്ഥിര ഇമ്പീച്ചു നാടകം കാണുന്ന ജനത ഇന്നും ട്രംപിന്റ്റെ കൂടെ. അതാണ് ഡെമോക്രാറ്റ്സിനെ കുഴക്കുന്നത്.
ഓരോ തിരഞ്ഞെടുപ്പു കാലത്തും മൂന്നു പേരെങ്കിലും മുന്നില് എത്തും. ഇവര് തമ്മിലായിരിക്കും പ്രധാന മത്സരം.
ഇപ്പോള് മുന്നിലുള്ളമൂന്നു പേരും വെള്ളക്കാര്.ഇതില് ഒരുവിധം നല്ല ആരോഗ്യമുള്ളത് എലിസബത്ത് വാറനു മാത്രം.
ബൈഡന് പ്രധാനമായി നേരിടുന്ന വിവാദവിഷയം മകന് ഹണ്ടര് ബൈഡന് യുക്രെയിനിലും ചൈനയിലും നടത്തിയ വ്യാപാര ഇടപാടുകളാണ്. അവയുടെ പൂര്ണ രൂപം ഇനിയും പുറത്തു വന്നിട്ടില്ല .
കഴിഞ്ഞ നാലു ഡിബേറ്റുകളില് പൊതുജനം കണ്ടത് എലിസബത്ത് വാരനും ബെര്ണിയും ആര് മുന്തിയ സോഷ്യലിസ്റ്റ് എന്ന് മത്സരിക്കുന്നതാണ്. ഇവര് രണ്ടുപേരും പൊതുജനതക്ക് നല്കുന്ന വാഗ്ദാനങ്ങള് നടപ്പില് വന്നാല് അമേരിക്ക ഏതാനും വര്ഷങ്ങള്ക്കകം കുത്തുപാള എടുത്ത് ബംഗ്ലാദേശിന്റ്റെ പിന്നിലെത്തും.
മെഡിക്കയെര് എല്ലാവര്ക്കും; നിലവിലുള്ള സ്വകാര്യ ആരോഗ്യ ഇന്ഷുറന്സ് നശിപ്പിക്കുക ഇതൊന്നും ഭൂരിഭാഗം ഡെമോക്രാറ്റ്സിനു പോലും ദഹിക്കില്ല. ഇവരെ ഇപ്പോള് പ്രധാനമായും തുണക്കുന്നത് കുറേ കോളേജ് കുട്ടികളും പാര്ട്ടിയിലെയും പുറത്തുമുള്ള തീവ്രവാദ ചിന്താഗതിക്കാരും. അവര് മാത്രം വിജാരിച്ചാല് ഒരാളുംജയിക്കില്ല.
ഒരുകാര്യം ഒട്ടുമുക്കാല് പാര്ട്ടി തലവന്മാരും പണം സംഭാവന ചെയ്യുന്നവരും സമ്മതിക്കുന്നു- ഇന്നത്തെ മുനോട്ടക്കാരെയും (ഫ്രണ്ട് റണ്ണേഴ്സ്) ഡൊണാള്ഡ് ട്രമ്പ് നിസ്സാരമായി തോല്പ്പിക്കുമെന്ന്. ഒന്നാമത് അമേരിക്കന് സമ്പദ്ഘടന ഓരോ ദിനവും നന്നായിക്കൊണ്ടിരിക്കുന്നു. തോഴിലില്ലായ്മ എന്നത്തേക്കാള് കുറവ്, അമേരിക്കയെ യുദ്ധങ്ങളില് നിന്നും അകറ്റി നിറുത്തുന്നു .
ട്രംപിനെ ഇമ്പീച്ചുചെയ്യണം എന്ന മോഹം മാത്രം തിരഞ്ഞെടുപ്പു തന്ത്രമായി പൊതുജനത്തെ സമീപിച്ചാല് പരാജയം പരിതാപകരമായിരിക്കും. ഈ ഇമ്പീച്ചുമെന്റ് നാടകമല്ലാതെ മറ്റൊന്നും വാഷിംഗ്ടണ് ഡിസിയില് ഡെമോക്രാറ്റ്സ് നയിക്കുന്ന കോണ്ഗ്രസ്സില് നടക്കുന്നില്ല എന്ന വാസ്തവവും അടുത്ത വര്ഷം ആരും മറക്കില്ല.
The opening statement of Bill Taylor, the top US diplomat in Ukraine, is "reverberating" on Capitol Hill among Republicans, according to GOP Hill sources, who told CNN that Taylor's testimony is a game changer in the impeachment inquiry into President Donald Trump.