ഹെലികോപ്റ്റര്‍ ദുരന്തം; മരിച്ച ഒമ്പത് പേരില്‍ മുന്‍ ഹൂസ്റ്റണ്‍ യൂണിവേഴ്‌സിറ്റി ബെയ്‌സ്‌ബോള്‍ കോച്ചും ഭാര്യയും മകളും
പി പി ചെറിയാന്‍ Published on 28 January, 2020
കലിഫോര്‍ണിയ: അമേരിക്കന്‍ ബാസ്‌കറ്റ്‌ബോള്‍ ഇതിഹാസം കോബി ബ്രയാന്റും മകളും ഉള്‍പ്പെടെ 9 പേര്‍ കൊല്ലപ്പെട്ട ഹെലികോപ്റ്റര്‍ ദുരന്തത്തില്‍ ഹൂസ്റ്റണ്‍ യൂണിവേഴ്‌സിറ്റിയിലെ ബേയ്‌സ്‌ബോള്‍ കോച്ചും മുന്‍ കളിക്കാരനുമായ ജോണ്‍ ആള്‍ട്ടാ ബെല്ലി, ഭാര്യ കേറി ആള്‍ട്ടാ ബെല്ലി, മകള്‍ അലിഷ ആള്‍ട്ടാ ബെല്ലി (13) എന്നിവരും ഉള്‍പ്പെടുന്നതായി ഔദ്യോഗികമായി സ്ഥിരീകരിച്ചു. ന്യുപോര്‍ട്ട് ബീച്ച് ഹാര്‍ബര്‍ ഡെ സ്‌കൂള്‍ ബാസ്‌കറ്റ് ബോള്‍ കോച്ച് ക്രിസ്റ്റീനാ മൗസര്‍, സാറാ ചെസ്റ്റര്‍, മകള്‍ പെയ്ടണ്‍ ഹെലികോപ്റ്റര്‍ പൈലറ്റ് ഏറ സോമ്പ്‌യാന്‍ എന്നിവരും ദുരന്തത്തില്‍ മരിച്ചു. കോബി ബ്രയാന്റിന്റെ മകള്‍ ജിയാനാ, അലിഷ, പെയ്ടണ്‍ എന്നിവര്‍ ബാസ്‌കറ്റ്‌ബോള്‍ താരങ്ങളാണ്. ജിയാനയും അലീഷയും ഒരേ ബാസ്‌കറ്റ്‌ബോള്‍ ടീമംഗങ്ങളുമാണ്.
തൗസന്റ്, ഓക്ക്‌സിലെ മാമ്പ സ്‌പോര്‍ട്‌സ് അക്കാദമി ട്രെയ്‌നിങ്ങ് ഫെസിലിറ്റിയില്‍ കുട്ടികള്‍ക്കു പരിശീലനം നല്‍കുന്നത് കോബി ബ്രയാന്റായിരുന്നു.
കായിക ലോകത്തിന് കനത്ത നഷ്ടമാണ് ഇവരുടെ മരണം. പ്രസിഡന്റ് ഡൊണാള്‍ഡ് ട്രംപ്, ബറാക്ക് ഒബാമ തുടങ്ങിയവര്‍ മരണത്തില്‍ അനുശോചനം അറിയിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala