ദുബായ്: കൊറോണ വൈറസ് വ്യാപനം തടയാനുള്ള പ്രവര്ത്തനങ്ങള്ക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ആര്പി ഗ്രൂപ്പ് ചെയര്മാന് രവി പിള്ള അഞ്ച് കോടി രൂപ നല്കും.
നേരത്തെ എംഎ യൂസഫലി പത്ത് കോടി സഹായം നല്കുമെന്ന് വ്യക്തമാക്കിയിരുന്നു. ഇതിന് പിന്നാലെയാണ് രവി പിള്ളയും സഹായവുമായി രംഗത്തെത്തിയത്.
ദുരിതാശ്വാസ നിധിയിലേക്ക് സംഭാവനചെയ്യുന്നതിനൊപ്പം ആര്പി ഗ്രൂപ്പില് ജോലി ചെയ്യുന്ന ഒരു ലക്ഷം ജീവനക്കാരുടെ കുടുംബങ്ങള്ക്കും സാമ്ബത്തിക സഹായം എത്തിക്കും. ഗ്രൂപ്പിന്റെ ഭാഗമായ ഇറ്റലിയിലും സ്പെയിനിലുമുള്ള സഹോദര സ്ഥാപനങ്ങളിലെ ജീവനക്കാര്ക്കും സഹായം നല്കുമെന്ന് രവി പിള്ള വ്യക്തമാക്കി.