ന്യു യോര്ക്ക്: അമേരിക്കയിലെ കോവിഡ് തലസ്ഥാനമായി മാറിയ ന്യു യോര്ക്ക് സ്റ്റേറ്റില് രോഗബാധിതരുടേ എണ്ണം ഒരു ലക്ഷം കടന്നു- ക്രുത്യമായി 102, 863 പേര്, ഗവര്ണര് ആന്ഡ്രു ക്വോമൊ പതിവ് പത്ര സമ്മേളനത്തില് അറിയിച്ചു
10,482 പേരാണു ഒറ്റ് ദിവസം കൊണ്ട് സ്റ്റേറ്റില് രോഗബാധിതരായി കണ്ടെത്തിയത്. മരണം 2,935. ഒറ്റ് ദിവസം 600-ല് പരം പേര് മരിച്ചു റെക്കോര്ഡിട്ടു.
ന്യു യോര്ക്ക് സിറ്റിയില് രോഗബാധിതര് 57,159. പുതുതായി 5000-ല് പരം പേര്ക്ക് രോഗബാധ കണ്ടു. 1500-ല് പരം പേര് മരിച്ചു. അടുത്തയാഴ്ച ആശുപത്രിയിലേക്ക് വലിയ പ്രവാഹമായിരിക്കുമെന്നും ഇത് നേരിടാന് യുദ്ധരംഗത്തെന്ന പോലെ പോരാടേണ്ടതുണ്ടെന്നും ഡി ബ്ലാസിയോ പറഞ്ഞു.
സ്റ്റേറ്റില് 14,000-ല് പരം പേര് ആശുപത്രിയില്,3731 പേര് ഐ.സി.യു.വില്. ഹോസ്പിറ്റലിലേക്കു രോഗികളുടെ പ്രവാഹമാണെന്നു ഗവര്ണര് പറഞ്ഞു.
ഇതേ സമയം ന്യു യോര്ക്ക് ആര്ച്ച് ഡയോസിസിലെ മൂന്നു വൈദികര് കോവിഡ് ബാധിച്ചു മരിച്ചതായി ആര്ച്ച് ബിഷപ്പ് കര്ദ്ദിനാള് ഡോളന്റെ സന്ദേശത്തില് പറഞ്ഞു