സംസ്ഥാനത്ത് ഇന്ന് 193 പേര്ക്ക് കോവിഡ് സ്ഥിരീകരിച്ചു. തിരുവനന്തപുരത്ത് ട്രിപ്പിള് ലോക്ക് ഡൗണ് നിലനില്ക്കുന്ന സാഹചര്യത്തില് ഓണ്ലൈന് വഴിയുള്ള വാര്ത്താ സമ്മേളനത്തിലാണ് മുഖ്യമന്ത്രി പിണറായി വിജയന് ഇക്കാര്യം അറിയിച്ചത്. 167 പേരാണ് ഇന്ന് രോഗമുക്തി നേടിയത്. 35 പേര്ക്ക് സമ്ബര്ക്കം വഴി രോഗം ബാധിച്ചു.
രോഗം ബാധിച്ചവരില് 92 പേര് വിദേശത്ത് നിന്നും എത്തിയവരാണ് 65 പേര് മറ്റ് സംസ്ഥാനങ്ങളില് നിന്നും എത്തിയരാണ്. 35 പേര്ക്കാണ് സമ്ബര്ക്കം വഴി രോഗം ബാധിച്ചത്. രണ്ടു പേര് മരിച്ചു. മഞ്ചേരി മെഡിക്കല് കോളേജില് മുഹമ്മദ് (82), എറണാകുളം മെഡിക്കല് കോളേജില് യൂസഫ് സെയ്ഫുദ്ദീന് (66) എന്നിവരാണ് മരിച്ചത്.
മലപ്പുറം 35, കൊല്ലം 11, ആലപ്പുഴ 15, തൃശൂര് 14, കണ്ണൂര് 11, എറണാകുളം 25, തിരുവനന്തപുരം 7, പാലക്കാട് 8, കോട്ടയം 6, കോഴിക്കോട് 15, കാസര്കോട് 6, പത്തനംതിട്ട 36, ഇടുക്കി 6, വയനാട് 8 എന്നിങ്ങനെയാണ് രോഗം സ്ഥിരീകരിച്ചവരുടെ കണക്കുകള്
കഴിഞ്ഞ 24 മണിക്കൂറിനിടെ 9927 സാംപിളുകളാണ് പരിശോധിച്ചത്. ഇതുവരെ 5622 പേര്ക്ക് രോഗം സ്ഥിരീകരിച്ചു.
ചികിത്സയില് കഴിയുന്നത് 2252 പേരാണ്. വിവിധ ജില്ലകളിലായി 1,83,291 പേരാണ് ഇപ്പോള് നിരീക്ഷണത്തിലുള്ളത്.