എങ്കിലും ത്മിഴ് സിനിമയെ സംബന്ധിച്ചും അനിലിന്റെ വേര്പാട് ഒന്നുമല്ല. നഷ്ടം ഞങ്ങള്ക്ക്. അനിലിന്റെ സ്നേഹവും സൗഹൃദവും പിണക്കും വഴക്കും എല്ലാം ആഴത്തില് അനുഭവിച്ച, അതിനു പകരം വയ്ക്കാന് മറ്റൊന്നും ഇല്ല എന്നു വ്യക്തമായി അറിയാവുന്ന ഞങ്ങള് സുഹൃത്തുക്കള്ക്ക് മാത്രം.
സൗഹൃദം-എന്നു മാത്രം പറയാവുന്ന ഒന്നായിരുന്നില്ല അതെന്ന് എനിക്കു തോന്നുന്നു. ഈ പറഞ്ഞ എല്ലാം കൂടിച്ചേര്ന്ന അതിലും വലിയ എന്തോ ഒന്ന്. സിന്ധുരാജിനും രാഗേഷിനും പ്രവീണിനും നലുവിനും സാലുവിനും സുധീഷിനും മെല്വിനും മനോജിനും ഗണേഷിനും ഇടപ്പള്ളിയിലെ ട്രിനിറ്റി 11സി അപ്പാര്ട്ട്മെന്രിലെ അനിലിന്റെ ഊഷ്മളമായ സ്നേഹം അനുഭവിച്ച മറ്റൊരാള്ക്കും മറക്കാന് കഴിയില്ല.
പ്രതിഫലേച്ഛ ഒട്ടുമില്ലാതെ അവസാന നിമിഷം വരെ കൂടെ നിന്ന കണ്ണപ്പനും പ്രസാദിനും ഇതല്ലാതെ മറ്റൊന്നുമാവില്ല പറയാനുണ്ടാവുകയെന്നും എനിക്കരിയാം. പ്രിയപ്പെട്ട സുഹൃത്തിന്റെ ഭൗതിക ശരീരം വീട്ടുകാരെ ഏല്പ്പിച്ച് കൊച്ചിയിലേക്ക് മടങ്ങുമ്പോള് രാഗേഷ് പറഞ്ഞു, 11സിയില് നമ്മള് വീണ്ടും ഒത്തു കൂടും.
അനില് ഇല്ലാത്ത അനിലിന്റെ സൗഹൃദ വിരുന്ന് ഒരിക്കല് കൂടി ആസ്വദിക്കാന്. ഹൃദയം നിറഞ്ഞു തുളുമ്പുന്ന അത്രയും ഓര്മ്മകള് ഏറ്റു വാങ്ങി അവസാനമായി 11സിയോട് ഒരു യാത്ര പറച്ചില്.