തിരുവനന്തപുരം: ഇന്ന് സംസ്ഥാനത്ത് 1417 പേര്ക്ക് കോവിഡ് 19 സ്ഥിരീകരിച്ചു. മുഖ്യമന്ത്രി പിണറായി വിജയനാണ് തിരുവനന്തപുരത്ത് പത്രസമ്മേളനത്തില് ഇക്കാര്യം വ്യക്തമാക്കിയത്.
1426 പേര് രോഗമുക്തി നേടി. ഇന്ന് അഞ്ച് മരണമാണ് സ്ഥിരീകരിച്ചത്. സമ്പര്ക്കത്തിലൂടെ 1242 പേര്ക്കാണ് രോഗബാധയുണ്ടായത്. 105 പേരുടെ രോഗബാധയുടെ ഉറവിടം വ്യക്തമല്ല. വിദേശത്തുനിന്നെത്തിയ 62 പേര്ക്കും മറ്റു സംസ്ഥാനങ്ങളില്നിന്നെത്തിയ 72 പേര്ക്കും രോഗബാധ സ്ഥിരീകരിച്ചു. 36 ആരോഗ്യപ്രവര്ത്തകര്ക്കും രോഗം ബാധിച്ചു.
രോഗം സ്ഥിരീകരിക്കപ്പെട്ടവരുടെ ജില്ലതിരിച്ചുള്ള കണക്ക്
തിരുവനന്തപുരം 297, കൊല്ലം 25, കോട്ടയം 24, പത്തനംതിട്ട 20, വയനാട് 18, ഇടുക്കി 4. മലപ്പുറം 242, കോഴിക്കോട് 158, കാസര്കോട് 147, ആലപ്പുഴ 146, പാലക്കാട് 141, എറണാകുളം 133, തൃശ്ശൂര് 32, കണ്ണൂര് 30,
വര്ക്കല സ്വദേശി ചെല്ലയ്യ (68), കണ്ണൂര് കോളയാട് കുമ്പ മാറാടി (75) വലിയതുറ മണിയന് (80), ചെല്ലാനം സ്വദേശി റീത്ത ചാള്സ് (87), വെളളനാട് സ്വദേശി പ്രേമ (52) എന്നിവരുടെ മരണമാണ് ഇന്ന് സ്ഥിരീകരിച്ചത്. 24 മണിക്കൂറിനിടെ 21625 പരിശോധനകള് നടത്തിയതായും മുഖ്യമന്ത്രി വ്യക്തമാക്കി.