ഈവര്ഷത്തെ കൊളംബസ് നസ്രാണി കപ്പ് ക്രിക്കറ്റ് ടൂര്ണമെന്റ് റദ്ദാക്കി
ജോയിച്ചന് പുതുക്കുളംPublished on 08 September, 2020
കൊളംബസ്, ഒഹായോ: സെന്റ് മേരീസ് സിറോ മലബാര് മിഷന്ന്റെ നേതൃത്വത്തില് കഴിഞ്ഞ ആറ് വര്ഷങ്ങളായി നടത്തിവരുന്ന കൊളംബസ് നസ്രാണി കപ്പ് ക്രിക്കറ്റ് ടൂര്ണമെന്റ് ഈ വര്ഷത്തെ കോവിഡ് 19 പ്രത്യേക സാഹചര്യം കണക്കിലെടുത്തു റദ്ദാക്കിയതായി അറിയിക്കുന്നു.
കോവിഡ് 19 സാഹചര്യത്തില് എടുക്കേണ്ട മുന്കരുതലുകള് എല്ലാം പാലിച്ചുകൊണ്ട് ഈ ടൂര്ണമെന്റ് നടത്തുവാന് സാധിക്കില്ല എന്നതുകൊണ്ടാണ് ഈ ഒരു തീരുമാനം എടുത്തതെന്ന് സി എന് സി സംഘാടക സമിതി അറിയിച്ചു.
കഴിഞ്ഞ വര്ഷങ്ങളില് നല്കിയ പിന്തുണയെ ആത്മാര്ത്ഥമായി അഭിനന്ദിക്കുന്നു. 2021 മുതല് കൊളംബസ് നസ്രാണി കപ്പ് ടൂര്ണമെന്റ് വിജയകരമായി പുനരാരംഭിക്കാന് സാധിക്കുമെന്ന് പ്രതീക്ഷിക്കുന്നതായും ഈ പകര്ച്ചവ്യാധി ബാധിച്ച എല്ലാവര്ക്കും ഞങ്ങളുടെ പ്രാര്ത്ഥനകളും ആശംസകളും നേരുന്നു. എല്ലാം സാധാരണ നിലയിലേക്ക് വേഗത്തില് മടങ്ങിവരുമെന്ന് പ്രതീക്ഷിക്കുന്നതായും ഭാരവാഹികള് അറിയിച്ചു.
കൊളംബസില് നിന്ന് പി.ആര്.ഒ ദിവ്യ റോസ് ഫ്രാന്സീസ് അറിയിച്ചതാണിത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല