ചാര്ലിയ്ക്ക് ശേഷം പുതിയ ചിത്രവുമായി മാര്ട്ടിന് പ്രക്കാട്ട്. നായാട്ട് എന്ന് പേരിട്ടിരിക്കുന്ന സിനിമയില് കുഞ്ചാക്കോ ബോബനും ജോജു ജോര്ജുമാണ് പ്രധാന വേഷങ്ങളിലെത്തുന്നത്. നിമിഷ സജയനാണ് നായിക. ചാര്ലി സമ്മാനിച്ച വിജയം നായാട്ടിനായുള്ള ആരാധകരുടെ കാത്തിരിപ്പ് വര്ധിപ്പിക്കുന്നതാണ്.
ജോസഫിലൂടെ ശ്രദ്ധേയനായ ഷാഹി കബീറാണ് ചിത്രത്തിന് തിരക്കഥയൊരുക്കുന്നത്. അനില് നെടുമങ്ങാട്, യമ എന്നിവരും പ്രധാന വേഷങ്ങളിലെത്തുന്നുണ്ട്. ഓഡിഷനിലൂടെ കണ്ടെത്തിയ നിരവധി പുതുമുഖങ്ങളും പ്രധാന വേഷങ്ങള് അവതരിപ്പിക്കുന്നുണ്ട്. ഷൈജു ഖാലിദ് ആണ് ചിത്രത്തിന്റെ ഛായാഗ്രഹണം.
മഹേഷ് നാരായണനാണ് എഡിറ്റിങ്. സംഗീതം വിഷ്ണു വിജയിയും ഗാനരചന അന്വര് അലിയുടേതാണ്. സംവിധായകന് രഞ്ജിത്തിന്റേയും ശശികുമാറിന്റേയും ഉടമസ്ഥതയിലുള്ള ഗോള്ഡ് കോയിന് പിക്ച്ചേഴ്സും മാര്ട്ടിന് പ്രക്കാട്ട് ഫിലിംസും ചേര്ന്നാണ് സിനിമ നിര്മിക്കുന്നത്.
കൊടൈക്കനാല്, വട്ടവട, മൂന്നാര്, കൊട്ടക്കാംബൂര് എന്നിവിടങ്ങളിലായിരുന്നു സിനിമയുടെ ചിത്രീകരണം. ഈ മാസം അവസാനത്തോടെ ചിത്രീകരണം വീണ്ടും ആരംഭിക്കാനിരിക്കുകയാണ്.