-->

EMALAYALEE SPECIAL

ബിഗ് ബോസിൽ യു.എസ്. മലയാളി മിഷേലിന്റെ വൈല്‍ഡ് കാര്‍ഡ് എന്‍ട്രി

Published

on

ഒരു അഡാര്‍ ലവ് എന്ന ചിത്രം ആദ്യമായി ശ്രദ്ധിക്കപ്പെട്ടത് പ്രിയ വാര്യരുടെ തോക്ക് കൊണ്ട് ആക്ഷന്‍ കാണിക്കുന്ന റൊമാന്റിക് രംഗം ടീസറായി പുറത്തു വന്നതോടെയാണ്. സിനിമ ഇറങ്ങിയപ്പോഴാകട്ടെ നായികയായ നൂറിന്‍ ഷെരീഫിനും ഏറെ ഫാന്‍സ് ഉണ്ടായി. 

എന്നാല്‍ ഇവര്‍ക്കൊപ്പം തന്നെ ഒരു ഡയലോഗ് പോലുമില്ലാതെ ചിത്രത്തിലെ ഗാന രംഗത്തിലെ വെറും നോട്ടം കൊണ്ട് മാത്രം ആരാധകരെ സൃഷ്ടിച്ചെടുക്കാന്‍ സാധിച്ചയാളാണ് ന്യു യോർക്ക് മലയാളി മിഷേല്‍ ആന്‍ ഡാനിയല്‍. നേരത്തെ തന്നെ ടിക് ടോക് വീഡിയോകളിലൂടെ പേരെടുത്ത മിഷേലിന് ഗാനം ഇറങ്ങിയ ശേഷം മറ്റ് സോഷ്യല്‍ മീഡിയ പേജുകളിലും ഫോളോവേഴ്‌സ് വര്‍ദ്ധിച്ചു. നിലവില്‍ ഒന്നേകാല്‍ ലക്ഷം പേരാണ് മിഷേലിനെ ഇന്‍സ്റ്റഗ്രാമില്‍ മാത്രം ഫോളോ ചെയ്യുന്നത്. 

പിന്നീട് അഡാര്‍ ലവ് ടീമിന്റെ തന്നെ 'ധമാക്ക'യില്‍ ചെറിയ വേഷം ചെയ്ത മിഷേല്‍ ഇന്ന് ബിഗ് ബോസ് സീസണ്‍ 3-യില്‍ വൈല്‍ഡ് കാര്‍ഡ് എന്‍ട്രി നടത്തിയാണ് വാര്‍ത്തകളില്‍ ഇടം നേടിയിരിക്കുന്നത്. പ്രണവിന്റെ ആരാധികയാണെന്നും, ആശംസകളറിയിക്കണമെന്നും മോഹന്‍ലാലിനോട് പറഞ്ഞ മിഷേല്‍ തുടക്കത്തില്‍ തന്നെ ഷോയുടെ പ്രിയങ്കരിയായി മാറിക്കഴിഞ്ഞു. യുഎസ് മലയാളിയായിട്ട് പോലും നന്നായി മലയാളം പറയുന്നതിന്റെ പേരില്‍ മോഹന്‍ലാല്‍ മിഷേലിനെ നേരിട്ട് അഭിനന്ദനമറിയിക്കുകയും ചെയ്തു. 

ആറ് വര്‍ഷത്തിലേറെയായി ന്യു യോർക്കിൽ  അമ്മ  ആനി ലിബുവിനൊപ്പം താമസമാണ് മിഷേല്‍ ആന്‍ ഡാനിയല്‍. സോഷ്യല്‍ വര്‍ക്ക്, സിനിമ, ഇവന്റ് മാനേജ്‌മെന്റ് രംഗങ്ങളിലെ നിറസാന്നിദ്ധ്യമായ ആനി തന്നെയാണ് മകളുടെ സ്വപ്‌നങ്ങള്‍ക്ക് വര്‍ണ്ണം പകരാന്‍ കൂടെയുള്ളത്. ഊട്ടിയിലെ സ്‌കൂള്‍ പഠനത്തിന് ശേഷമാണ് മിഷേല്‍ അമ്മയ്‌ക്കൊപ്പം യുഎസിലേയ്ക്ക് ചേക്കേറുന്നത്. ഇവിടെ ഹൈസ്‌കൂള്‍ വിദ്യാഭ്യാസത്തിനു ശേഷം എയര്‍ലൈന്‍ മാനേജ്‌മെന്റില്‍ ബിരുദം കരസ്ഥമാക്കി. 

ചെറുപ്പത്തില്‍ തന്നെ സ്‌കൂള്‍ നാടകങ്ങളിലഭിനയിച്ച് പരിചയമുണ്ടെങ്കിലും, പൂര്‍ണ്ണമായും യുഎസില്‍ ചിത്രീകരിച്ച് 2015-ല്‍ പുറത്തിറങ്ങിയ 'I Love You' എന്ന ടെലിഫിലിമാണ് അഭിനയം പാഷനായി തെരഞ്ഞെടുക്കാന്‍ മിഷേലിനെ പ്രേരിപ്പിച്ചത്. ഇക്കാര്യം അറിയച്ചപ്പോള്‍ അമ്മയും മകളുടെ ഇഷ്ടത്തിന് എതിര് നിന്നില്ല. തുടര്‍ന്ന് 2017-ലാണ് ഒമര്‍ ലുലു സംവിധാനം ചെയ്യുന്ന 'ഒരു അഡാര്‍ ലവ്' എന്ന ക്യാംപസ് സിനിമയുടെ ഓഡിഷന്‍ നടക്കുന്ന വിവരമറിഞ്ഞ് അമ്മയ്‌ക്കൊപ്പം മിഷേല്‍ കേരളത്തിലെത്തുന്നത്. ഓഡിഷനില്‍ സെലക്ട് ആയി 2018 ജനുവരിയോടെ ചിത്രം ആരംഭിച്ചു. താരതമ്യേന ചെറിയ റോള്‍ ആയിരുന്നെങ്കിലും അഭിനയം എന്ന മോഹം നടന്നതിന്റെ സന്തോഷത്തിലായിരുന്നു മിഷേല്‍. ചിത്രത്തിലെ മിഷേലിന്റെ ഗാനരംഗം ഹിറ്റാകുകയും ഏറെ ആരാധകരെ സമ്പാദിക്കുകയും ചെയ്തു. 

പിന്നീട് ഒമറിന്റെ തന്നെ 'ധമാക്ക'യില്‍ അഭിനയിച്ച മിഷേലിന് പക്ഷേ ബിഗ് ബോസ് ഷോയില്‍ പങ്കെടുക്കണം എന്നുള്ളതായിരുന്നു എപ്പോഴത്തെയും ആഗ്രഹം. ഇതിനായി നാട്ടില്‍ വരുമ്പോഴെല്ലാം ബിഗ് ബോസിന്റെ 1, 2 സീസണുകള്‍ കുത്തിയിരുന്ന് കണ്ട് ഷോയെപ്പറ്റി എല്ലാം മനസിലാക്കി വച്ചിരുന്നു മിഷേല്‍. ഒപ്പം തമിഴ് ബിഗ് ബോസും കണ്ടു. ഒടുവില്‍ സീസണ്‍ 3 ഓഡിഷനില്‍ പങ്കെടുക്കാന്‍ അവസരം ലഭിച്ച മിഷേലിന്റെ ആ സ്വപ്‌നവും കഠിനാധ്വാനത്തിന്റെ ഫലമായി യാഥാര്‍ത്ഥ്യമായി. 

കോവിഡ് കാരണം വിര്‍ച്വലായി നടന്ന ഓഡിഷനില്‍ പങ്കെടുത്ത് നോക്കൗട്ട് റൗണ്ടിലെ 200 മത്സരാര്‍ത്ഥികളില്‍ നിന്നും ലിസ്റ്റ് 16 പേരിലേയ്ക്ക് ചുരുങ്ങിയപ്പോള്‍ അതിലൊരു പേര് മിഷേലിന്റേതായിരുന്നു. തുടര്‍ന്ന് വൈല്‍ഡ് കാര്‍ഡ് എന്‍ട്രി വഴി ബിഗ് ബോസിന്റെ മത്സരച്ചൂടിലേക്കിറങ്ങിയ മിഷേല്‍ നിലവില്‍ ഷോയുടെ ഭാഗമായി ചെന്നൈയിലാണ്. 

കേരളത്തില്‍ മാവേലിക്കര മുളമൂട്ടില്‍ കുടുംബാംഗമായ മിഷേല്‍, മുളമൂട്ടില്‍ റോണി ടി ഡാനിയേലിന്റെ കൊച്ചുമകളാണ്. മിഷേലിന്റെ എല്ലാ ഇഷ്ടങ്ങള്‍ക്കും ഹൃദയം നിറഞ്ഞ പിന്തുണയുമായി അപ്പാപ്പന്‍ കൂടെയുണ്ട്. മകള്‍ക്ക് അമേരിക്കയെക്കാളും പ്രിയം കേരളമാണെന്ന് പറയുകയാണ് അമ്മ ആനി ലിബു. 

എറണാകുളത്തെത്തിയാല്‍ മെട്രോ പിടിച്ച് ലുലു മാളില്‍ കറങ്ങുന്നതാണ് മിഷേലിന്റെ പ്രധാന ഹോബി. 'Lulu Mall is like a second home for Michelle...' ആനി പറയുന്നു. മാളില്‍ ഗെയിം കളിക്കുക, കൂട്ടുകാരോടൊപ്പം ചുറ്റിയടിക്കുക, ഇഷ്ടപ്പെട്ട ഭക്ഷണം കഴിക്കുക എന്നിവയൊന്നും യുഎസില്‍ ലഭിക്കാത്ത ജീവിതത്തിന്റെ രസങ്ങളാണ്. യുഎസിലാണ് താമസമെങ്കിലും കേരളത്തെ അത്രമേല്‍ ഹൃദയത്തോട് ചേര്‍ക്കുന്ന മിഷേലിന് സ്വന്തം നാടിനോടും മലയാളിത്തനിമയോടും അടങ്ങാത്ത ഇഷ്ടം. 

അഭിനയത്തിന് പുറമെ നിരവധി ഫാഷന്‍ ഷോകളിലും മോഡലിങ് രംഗത്തും സാന്നിദ്ധ്യമറിയിച്ച മിഷേല്‍ ബിഗ് ബോസിന് ശേഷം സിനിമാ രംഗത്ത് നല്ല അവസരങ്ങള്‍ ലഭിച്ചാല്‍ അഭിനയം തുടരാനാണ് തീരുമാനിച്ചിരിക്കുന്നത്. ഒപ്പം ടിവി ഷോകളുടെ ആരാധികയായതിനാല്‍ ഇന്ത്യയിലെ പോപ്പുലര്‍ ഷോകളുടെ ഭാഗമാകാനുള്ള ആഗ്രഹവും പങ്കുവയ്ക്കുന്നു. എന്തായാലും ബിഗ് ബോസിലെത്തി തുടക്കം തന്നെ ഗംഭീരമാക്കിയ പ്രകടനം മിഷേലിനെ ഷോ വിന്നറാക്കുമോ എന്ന് കാത്തിരിക്കുകയാണ് പ്രേക്ഷകർ.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഒരു പേരിലെന്തൊക്കെയോ ഉണ്ടെന്റെ ഷേക്സ്പിയറെ... (മൃദുല രാമചന്ദ്രൻ, മൃദുമൊഴി 4)

ആ അഗ്നിച്ചിറകുകൾ അരിഞ്ഞതാരാണ്..? (ഉയരുന്ന ശബ്ദം - 34: ജോളി അടിമത്ര)

ബ്രിട്ടാസിനെ രാജ്യസഭാംഗമാക്കാനുള്ള തീരുമാനത്തിന് പരക്കെ സ്വാഗതം

വിധിയെഴുതിയ തെക്കന്‍ സംസ്ഥാനങ്ങള്‍ ആര്‍ക്കൊപ്പം? ( ദല്‍ഹി കത്ത് : പി.വി.തോമസ്)

പെൺകിളികൾ ചില്ലറക്കാരികളല്ല (ഏഷ്യയിൽ നിന്ന് ആഫ്രിക്കയിലേക്ക്- 4- ജിഷ.യു.സി

ജോജിയും പ്രീസ്റ്റും (പി. ടി. പൗലോസ്)

Living a Meaningful Life (Mathew Idikkula)

ഇങ്ങനെ മരിക്കാനാണെങ്കിൽ ചാവാനേ നേരംകാണൂ (ധർമ്മരാജ്  മടപ്പള്ളി)

കെ. ജയകുമാറിന്റെ കയ്യിൽ അവശേഷിക്കുന്ന വിസിറ്റിംഗ് കാർഡുകൾ

ഫഹദ്+ദിലീഷ്+ശ്യാം = ജോജി ബ്യുട്ടിഫുൾ ; മലയാള സിനിമയുടെ കുതിപ്പും കിതപ്പും (കുര്യൻ പാമ്പാടി)

ഇന്നലെ ഞാനാഘോഷിച്ച മുംബൈ വിഷു (ഗിരിജ ഉദയൻ മുന്നൂർക്കോട്)

ലോകായുക്തയും അമിക്കസ് ക്യൂറിയും രാജിതീരുമാനങ്ങളും : ആൻസി സാജൻ

ഇന്ദ്രവല്ലരിയിൽ വിരിഞ്ഞ സുന്ദരപുഷ്പം (മായ കൃഷ്ണൻ)

വിഷുക്കണി (മിനി ഗോപിനാഥ്)

ജയ് വിളിക്കാം, ഗ്രീന്‍ കാര്‍ഡിന്! (ജോര്‍ജ് തുമ്പയില്‍)

മഹാമാരിയിലും കൊന്ന പൂക്കുന്നു; വിഷു എത്തി ഐശ്വര്യവും സമ്പത്തും സന്തോഷവും പങ്കുവെയ്കുവാന്‍ (ശ്രീകുമാര്‍ ഉണ്ണിത്താന്‍)

ആത്മഹത്യ: നഷ്ടങ്ങൾ വിളക്കിച്ചേർത്തവർ (മീട്ടു റഹ്മത്ത് കലാം)

ചക്കരമാവിൽ വിഷുപ്പക്ഷി ചിലച്ചു (ശങ്കരനാരായണൻ ശംഭു)

ബഹിരാകാശ പദ്ധതിക്ക് സ്വകാര്യ പങ്കാളിത്തവും വരും: ഡോ.എസ്.സോമനാഥ് ഫോമ മുഖാമുഖത്തിൽ

ഉയിരു പറിച്ചെറിഞ്ഞ ആ ഷാള്‍ വെറുമൊരു പ്രതീകം മാത്രമല്ല... ബാങ്ക് മാനേജരായ യുവതിയുടെ ആത്മഹത്യയില്‍ പാര്‍വതി സി.എന്‍ എഴുതുന്നു

ഒരു ഡാൻസ് ഉണ്ടാക്കിയ വർഗീയ കോലാഹലം

രാഷ്ട്രീയ സാക്ഷരത കുറയുന്നോ? മധുര മനോഹര മനോജ്ഞ കേരളം വീണ്ടും ഇടത്തോട്ട്(കുര്യന്‍ പാമ്പാടി)

അമ്പും, വില്ലും, മലപ്പുറം കത്തി, എന്തൊക്കെ ആയിരുന്നു! (മൃദുല രാമചന്ദ്രൻ - മൃദുമൊഴി-3)

സ്ത്രീ സ്വകാര്യ സ്വത്ത് ആണോ? ഈ മൂല്യബോധത്തിനെതിരെ സ്ത്രീകൾ തന്നെ രംഗത്തു വരണം (വെള്ളാശേരി ജോസഫ് )

ദല്‍ഹിയില്‍ ജനാധിപത്യം അട്ടിമറിക്കപ്പെടുന്നു (ഡല്‍ഹികത്ത് : പി.വി.തോമസ്)

നൃത്തമാടുക നിങ്ങൾ : ആൻസി സാജൻ

എഴുത്തിന്റെ വഴിയിലൂടെ രാജു മൈലപ്ര എഴുപതിലേക്ക് (സി വി വളഞ്ഞവട്ടം)

ശ്രീ ജോസഫ് പടന്നമാക്കലിന്റെ ചരമ വാർഷികത്തിൽ ഇ- മലയാളിയുടെ പ്രണാമം

ജോസഫ് മാത്യൂ പടന്നമാക്കല്‍ ഇല്ലാത്ത ഒരു വര്‍ഷം: ആ വിടവ് ഇനിയും നികന്നില്ല (തോമസ് കൂവള്ളൂര്‍)

ജോസഫ് പടന്നമാക്കലിന്റെ വേര്‍പാടിന്റെ ദുഃഖസ്മരണയില്‍! (ജോര്‍ജ് നെടുവേലില്‍)

View More