-->

EMALAYALEE SPECIAL

ഇരുണ്ട ഭൂഖണ്ഡത്തിലേക്കൊരു യാത്ര -1 (ബോട്സ്വാനയിലെ ദിവസങ്ങൾ-ജിഷ.യു.സി)

Published

on

വർഷങ്ങളായി കാത്തിരുന്ന ആ യാത്രയുടെ തലേന്നാൾ ഉറക്കമേ വന്നില്ല .ഇരുണ്ട ഭൂഖണ്ഡമെന്ന ആഫ്രിക്ക ആദ്യം സാമൂഹ്യപാഠപുസ്തകത്തിലൂടെയും പിന്നീട് അനിയത്തിയുടേയും കുടുംബത്തിൻ്റെയും  വിവരണങ്ങളിലൂടെയും   മോഹിപ്പിച്ചു കൊണ്ടിരുന്നതായിരുന്നു

"എല്ലാത്തിനും അതിൻ്റേതായ സമയമുണ്ട് ദാസാ"
സിനിമയിലെ ഡയലോഗ് കടമെടുത്ത് മനസ്സിൽ പറഞ്ഞു

 ബോട്സ്വാന എന്ന കൊച്ചു രാജ്യത്തിലെ ഗാബറോൺ എന്ന സ്ഥലത്തേക്കാണ് ഞങ്ങൾക്കു പോകേണ്ടത് .അനിയത്തിദിവ്യയും കുടുംബവും  വർഷങ്ങളായി അവിടെയാണു താമസം .

എല്ലാ വർഷവും വന്നു മടങ്ങുമ്പോൾ ഞങ്ങൾ അടുത്ത വർഷം വരാം എന്നു പറഞ്ഞിരുന്ന  ആ യാത്ര അങ്ങനെ ആരംഭിച്ചു.

നെടുമ്പാശ്ശേരിയിൽനിന്ന്മുംബൈ , മുംബൈയിൽനിന്ന് അഡിസബാബ,  അഡിസബാബയിൽനിന്ന്  ഗാബറോൺ.

പഞ്ഞിക്കെട്ടുപോലുള്ള മേഘപാളികൾക്കിടയിലൂടെയുള്ള യാത്ര ഒന്നു രണ്ടു മണിക്കൂറിൽ കൂടുതൽ ആസ്വദിക്കാൻ വലിയ സുഖംതോന്നിയില്ല .കൊച്ചിയിൽനിന്ന് മുംബൈ.  മുംബൈയിൽനിന്ന് ഏതാണ്ട്ആറ്മണിക്കൂര്‍ വേണം അഡിസബാബയിലേക്ക് .അഡിസബാബയിൽനിന്ന് നാലു മണിക്കൂർ യാത്ര . ചുരുക്കിപ്പറഞ്ഞാൽ ഒരു രാത്രിയും ഒരു പകലും ഞങ്ങൾ ഭൂമിക്കു മുകളിലായിരുന്നു .

കടലിനു മുകളിലൂടെ ഭൂഖണ്ഡങ്ങൾ പിന്നിട്ട് ആഫ്രിക്കൻഭൂഖണ്ഡത്തിൽ...

വിശ്വാസം വരാൻ നുള്ളി നോക്കി. യാത്രക്കാരും ഭാഷയും വേഷവും മാറിമാറി വന്നു.
അവസാനം അഡിസ ബാബയിൽനിന്ന് ഗാബറോൺ  (അവർ ഹബറോണി എന്നാണ് ഉച്ചരിക്കുന്നത് .) എത്താറായി . അപ്പോഴാണ് വിമാനത്തിൽ ഒരു അറിയിപ്പ് . അടുത്ത എയർപോർട്ട് വിക്ടോറിയ ഫാൾസ് .
ലോകാത്ഭുതങ്ങളിലൊന്നായ  വിക്ടോറിയ വെള്ളച്ചാട്ടം . ലോകത്തിലെ ഏറ്റവും വലിയ വെള്ളച്ചാട്ടം!
സിംബാബ്‌വെയുടെ  മണ്ണിൽ ഊന്നിയ വിമാനത്തിലിരുന്ന് ഞങ്ങൾ ആ കാഴ്ച കണ്ടു.

സാംബസി നദിയുടെ മടിത്തട്ടിലെ സുന്ദരി . വിക്ടോറിയ .
ദൂരക്കാഴ്ച ഇത്ര മോഹിപ്പിക്കുന്നെങ്കിൽ അടുത്തു കണ്ടാലോ ?
അതാ ദൂരെ ആകാശത്തെ ചുംബിച്ചുകൊണ്ട് ഒഴുകിയിറങ്ങുന്നു .

അവിടെ ഇറങ്ങി ആ സൗന്ദര്യംഅടുത്തു കാണാൻ കൊതി തോന്നി .
പക്ഷേ എങ്ങനെ ?

വീണ്ടും വിമാനം പറന്നു. താഴെ മൊട്ടത്തലകൾ പോലെ അവിടവിടെയായി കാടുകൾ  ഇരുണ്ട പച്ചനിറത്തിൽ കാണാൻ തുടങ്ങി . ഇവിടുത്തെ മനുഷ്യരുടെ തലമുടിയെ ഓർമ്മിപ്പിക്കുന്ന കുറിയ മരങ്ങൾ നിറഞ്ഞ കാടുകൾ. കുന്നും മലയും വിരളം .പരന്ന ഉപരിതലങ്ങൾ. പാറക്കെട്ടുകൾ. ഇടക്കിടെ കാണുന്ന ജല സ്രോതസ്സുകൾ. കാഴ്ചകൾ തെളിഞ്ഞുവന്നു.
അവസാനം ഞങ്ങൾ ആഫ്രിക്കൻ ഭൂഖണ്ഡത്തിൽ കാലുകുത്തി.

എയർപോർട്ടിലെ ആതിഥേയർ വിനയാന്വിതരായി.
Good  morning  madam
How are you ?
എന്ന് ഒറ്റ ശ്വാസത്തിൽ ഉരുവിട്ടുകൊണ്ട് ഞങ്ങളെ നിറഞ്ഞ ചിരിയോടെ  സ്വാഗതംചെയ്തു .

ആഫ്രിക്കയിൽ ഇത്ര സുന്ദരിമാരോ? കൊള്ളാമല്ലോ .
നീണ്ട വലിയ നീലക്കണ്ണുകൾ , വില്ലുപോലെ വളഞ്ഞ പുരികക്കൊടികൾ , ചായം തേച്ച ചുണ്ടുകൾ , തലയിൽ പ്രത്യേക രീതിയിൽ കെട്ടിയ തലമുടി, നിറഞ്ഞപുഞ്ചിരി ...
കറുത്ത വർഗ്ഗക്കാർ (കറുമ്പൻമാർ)എന്ന് ഇവരെ പറഞ്ഞാലും ഈ പെൺകിടാങ്ങൾ
 എണ്ണക്കറുപ്പിലെ
ഏഴഴകികൾ തന്നെ.
മനസ്സിൽ വിരിഞ്ഞ രണ്ടു വരി കവിതയിലൂടെ ഞാൻ അവരെ നോക്കി ചിരിച്ചുകൊണ്ട്  തിരിച്ച് അഭിവാദ്യം ചെയ്തു.
എയർപോർട്ടിൽ ഒരു വശത്ത് ബോട്സ്വാന ഫ്ലാഗ് കാറ്റിൽആടിയുലഞ്ഞു . ഉള്ളിൽ ആഫ്രിക്കൻ ആനക്കൊമ്പുകൾകൊണ്ട് തീർത്ത ഒരാന..
വിസ്മയങ്ങൾക്കായി കണ്ണും കാതും കൂര്‍പ്പിച്ചുകൊണ്ട്  ഞങ്ങള്‍  അങ്ങനെ ആഫ്രിക്കൻ മണ്ണിലെത്തി ...

Facebook Comments

Comments

  1. Savitha

    2021-03-24 14:05:30

    👏👏👏👏

  2. നന്ദിനി

    2021-03-22 03:39:20

    നമ്മുടെ മണ്ണിൽ നിന്നും പുറപ്പെട്ടു ആഫ്രിക്കൻ മണ്ണിലേക്കെത്തിയവരെ വായനയോടൊപ്പം ഞാനും സഞ്ചരിച്ചു ശേഷമുള്ള കഥ കേൾക്കാൻ തിരക്കായി പെട്ടെന്ന് എഴുതു.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സ്ത്രീ സ്വകാര്യ സ്വത്ത് ആണോ? ഈ മൂല്യബോധത്തിനെതിരെ സ്ത്രീകൾ തന്നെ രംഗത്തു വരണം (വെള്ളാശേരി ജോസഫ് )

ദല്‍ഹിയില്‍ ജനാധിപത്യം അട്ടിമറിക്കപ്പെടുന്നു (ഡല്‍ഹികത്ത് : പി.വി.തോമസ്)

നൃത്തമാടുക നിങ്ങൾ : ആൻസി സാജൻ

എഴുത്തിന്റെ വഴിയിലൂടെ രാജു മൈലപ്ര എഴുപതിലേക്ക് (സി വി വളഞ്ഞവട്ടം)

ശ്രീ ജോസഫ് പടന്നമാക്കലിന്റെ ചരമ വാർഷികത്തിൽ ഇ- മലയാളിയുടെ പ്രണാമം

ജോസഫ് മാത്യൂ പടന്നമാക്കല്‍ ഇല്ലാത്ത ഒരു വര്‍ഷം: ആ വിടവ് ഇനിയും നികന്നില്ല (തോമസ് കൂവള്ളൂര്‍)

ജോസഫ് പടന്നമാക്കലിന്റെ വേര്‍പാടിന്റെ ദുഃഖസ്മരണയില്‍! (ജോര്‍ജ് നെടുവേലില്‍)

Articles and stories from epics and mythologies (Thodupuzha K Shankar Mumbai)

പിണറായിയുടെ ഊഴം കഴിഞ്ഞു? ഇനി ചെന്നിത്തലയുടെ കാലം? (ജോർജ് എബ്രഹാം)

രാജ്യം നഷ്ടപ്പെടുന്ന റോഹിങ്കകൾ; വംശീയ ശുദ്ധീകരണമോ? വംശഹത്യയോ? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ - 80)

പുല (ജിഷ.യു.സി, ഏഷ്യയിൽ നിന്ന് ആഫ്രിക്കയിലേക്ക് 3)

ഒരു വീട് സ്വന്തമാക്കാന്‍ പെടുന്ന പെടാപ്പാട്! (ജോര്‍ജ് തുമ്പയില്‍)

ഹായ് എവരിബഡി, ഞാന്‍ സ്വയം കൊന്നു, കുടുംബത്തെയും കൊന്നു... മഹാപാപികളുടെ സന്ദേശം 

താക്കോൽ ജനങ്ങൾ ആരെ ഏൽപ്പിക്കും (മീട്ടു റഹ്മത്ത് കലാം)

കേരളം വിധിയെഴുതുന്നു; തുടർ ഭരണമോ, ഭരണ മാറ്റമോ (സിൽജി ജെ ടോം)

തമിഴ് നാട് രാഷ്ട്രീയം ; വഴിത്തിരിവിന്റെ പുതിയ സാദ്ധ്യതകൾ (എസ സുന്ദര്ദാസ്)

ബംഗാളില്‍ നിന്ന് ചില അശുഭ സൂചനകള്‍ ( പി എസ് ജോസഫ്)‌

ആദ്യവോട്ടറായി ജോർജ് എബ്രഹാം; അമേരിക്കയിൽ 53 വർഷം; പക്ഷെ ഇന്ത്യൻ പൗരൻ

അപ്പനും അമ്മയും ദുഖിക്കാതിരിക്കാൻ ആറംഗ കുടുംബത്തെ കൂട്ടക്കൊല ചെയ്തു

പ്രവാസികള്‍ക്കും വേണ്ടേ പോസ്റ്റല്‍ വോട്ടിങ് സംവിധാനം? (സൂരജ് കെ. ആർ)

പ്രസംഗകല - സുകുമാര്‍ അഴീക്കോട് സമാഹരണവും പഠനവും: ഭാഗം-13: ഡോ. പോള്‍ മണലില്‍

ഇലച്ചൻ ഡ്യൂട്ടിയിരുക്ക് : മീര കൃഷ്ണൻകുട്ടി, ചെന്നൈ

മുംബൈയെ മാറോട് ചേർത്ത് ഒരു മുന്നൂർകോട്ടുകാരി ( ഗിരിജ ഉദയൻ മുന്നൂർക്കോട്)

ഷോൺ എബ്രഹാം ചരമ വാർഷികം ഇന്ന് (ഏപ്രിൽ 5) കണ്ണീരുണങ്ങാത്ത ഒരു വർഷം

ആർക്ക് വോട്ട് ചെയ്യണം? (ബാബു പാറയ്ക്കൽ)

യേശുവിൻ്റെ ഉയിർപ്പ് (സൂസൻ പാലാത്ര)

ഭൂമി കാത്തു വയ്ക്കുന്ന കല്ലുകൾ കൊണ്ട് മെനയുന്ന ശിൽപ്പങ്ങൾ (മൃദുല രാമചന്ദ്രൻ)

സ്വര്‍ണ്ണവില വര്‍ദ്ധന ഇറക്കുമതിയേയും ആഭരണ വ്യാപാരത്തേയും ശക്തമായി ബാധിച്ചു (കോര ചെറിയാന്‍)

ട്വന്റി/ട്വന്റി പാർട്ടിയുടെ പ്രസക്തി കേരള രാഷ്രീയത്തിൽ (വാൽക്കണ്ണാടി - കോരസൺ)

എ. കെ. ആൻറ്റണിയുടെ ചാരായ നിരോധനം നല്ല നടപടി; കുറച്ചു പേരേ അതിന്റെ ഗുണഫലങ്ങൾ തിരിച്ചറിയുന്നുള്ളൂ (വെള്ളാശേരി ജോസഫ്)

View More