-->

EMALAYALEE SPECIAL

കാമാഖ്യക്ഷേത്രത്തിലെ ആഘോഷവും പ്രത്യേകതകളും (പി. ടി. പൗലോസ്)

Published

on

ദക്ഷയാഗത്തിൽ അപമാനിതയായ സതിയുടെ മൃതശരീരം വിഷ്ണുവിന്റെ സുദർശനചക്രത്താൽ 52 ഖണ്ഡങ്ങളായി ചിതറി. അവ ചെന്നുവീണ 52 സ്ഥലങ്ങൾ ശക്തിപീഠങ്ങളായി അറിയപ്പെട്ടു. ഇതിൽ മൂന്നെണ്ണം പടിഞ്ഞാറൻ ബംഗാളിലാണ്. കാളിഘട്ടിൽ വലതുകാലിന്റെ പെരുവിരൽ, ബക്രേശ്വറിൽ നെറ്റിയും പുരികവും, താരാപീഠില്‍ കണ്ണ്.

യോനിഭാഗം ചെന്നുവീണത് ആസാമിലെ ഗൗഹട്ടിക്ക് അടുത്തുള്ള നീലാചൽ മലമുകളിലാണ്. അവിടെ സതിയുടെ യോനിഭാഗം പ്രതിഷ്ഠിച്ചു. പിന്നീടത് കാമാഖ്യക്ഷേത്രമായി പ്രസിദ്ധിയാർജ്ജിച്ചു .  കല്‍ഫലകത്തില്‍ കൊത്തിവച്ച ദേവിയുടെ യോനിയാണ് ഇവിടത്തെ പ്രതിഷ്ഠ. ഈ ഭഗവതിക്ഷേത്രം ആസാംജനതയുടെ രക്ഷാകേന്ദ്രമായും അതോടൊപ്പം തന്നെ താന്ത്രികവിദ്യയുടെയും ആഭിചാരക്രിയകളുടെയും കേന്ദ്രമായും അറിയപ്പെടുന്നു. പരാശക്തിയുടെ രൗദ്രമായ കാളീസങ്കല്പം ശ്രീചക്രപൂജയായി അഥവാ യോനീപൂജയായി ഇവിടെ രൂപാന്തരപ്പെടുന്നു. ശൈവ വിശ്വാസത്തിലെ യോനീതന്ത്രപ്രകാരം യോനിപീഠം മാത്യുത്വത്തിന്റെ ,  ശക്തിയുടെ പ്രതീകമാണ്. പരാശക്തിയുടെ ചൈതന്യം അതിന്റെ പൂർണ്ണതയിൽ എത്തുന്ന പവിത്രമായ പ്രക്രിയയായി ആർത്തവത്തെ താന്ത്രികർ കരുതുന്നു. ആഗ്രഹസാഫല്യത്തിനും രോഗശമനത്തിനും പ്രത്യേകിച്ചു സ്ത്രീകളിൽ ഉണ്ടാകുന്ന ആർത്തവസംബന്ധമായ രോഗങ്ങൾക്കും മഹാമാരിയിൽ നിന്നുള്ള രക്ഷക്കും ഭക്തർ കാമാഖ്യക്ഷേത്രത്തിൽ ദർശനം നടത്താറുണ്ട്. ഈ ക്ഷേത്രം എട്ടാം നൂറ്റാണ്ടിൽ പണിതു എന്ന് വിശ്വസിക്കപ്പെടുന്നു.

കാമാഖ്യക്ഷേത്രത്തിലെ പ്രധാന ഉത്സവം അബുബാച്ചി മേളയാണ്. മേളയുടെ മൂന്നു ദിനങ്ങളിൽ ദേവി രജസ്വലയാകുമെന്നാണ് വിശ്വാസം. അപ്പോൾ ക്ഷേത്രത്തിന്റെ വാതിലുകൾ അടക്കും. ആ സമയം ദേവി അത്യുഗ്രഭാവത്തിലേക്ക് മാറും. ഈ മൂന്നു ദിനങ്ങളിൽ ദേവി പൂർണ്ണനഗ്നയായി നൃത്തം ചെയ്യുമെന്നാണ് വിശ്വാസം. ഈ ദിനങ്ങളിൽ ആഭിചാരക്രിയകളും മൃഗബലിയും താന്ത്രികവിദ്യകളും ക്ഷേത്രപരിസരത്തെ രഹസ്യയിടങ്ങളിൽ ഉണ്ടാകും. ക്ഷേത്രസമീപത്തുകൂടി ഒഴുകുന്ന ബ്രഹ്മപുത്രനദിയിലെ ജലംപോലും  ഈ സമയം ദേവിയുടെ ആർത്തവരക്തംകൊണ്ട് ചുവപ്പുനിറമാകുമെന്നാണ് പഴമക്കാർ വിശ്വസിച്ചിരുന്നത്. ആഘോഷത്തിൽ പങ്കെടുക്കാൻ നാടിന്റെ നാനാഭാഗങ്ങളിൽനിന്നും വിശ്വാസികൾ നീലാചലിൽ എത്തിച്ചേരുന്നു. നാലാം ദിവസമാണ് ക്ഷേത്രത്തിന്റെ വാതിലുകൾ തുറക്കുന്നത്. അന്നേദിവസം വിശേഷാൽ പൂജകൾ ആരംഭിക്കുന്നു. കാർമ്മികൻ നൽകുന്ന ചുവന്ന തുണിയുടെ കഷണങ്ങളുമായാണ് ഭക്തർ മടങ്ങുന്നത്. കാമാഖ്യയുടെ ആർത്തവരക്തം പുരണ്ടതെന്നു കരുതുന്ന ആ തുണിക്കഷണങ്ങൾ അഭിവൃദ്ധിയുടെ പ്രതീകമായി തീർത്ഥാടകർ കരുതുന്നു.

സ്ത്രീശരീരത്തിലെ ആർത്തവപ്രക്രിയയെ അശുദ്ധമായി കരുതുന്ന ശബരിമലയും ആർത്തവം ആഘോഷമാക്കുന്ന കാമാഖ്യക്ഷേത്രവും ഭാരതത്തിലാണ്. മിത്തുകളെ താലോലിക്കുന്ന, അന്ധവിശ്വാസങ്ങളെ വിശ്വാസങ്ങളാക്കുന  യാഥാസ്ഥിതികരും  നവയാഥാസ്ഥിതികരും കാലങ്ങളായി നവോത്ഥാന പോരാട്ടങ്ങളിലൂടെ നാം നേടിയെടുത്ത മതേതരമാനവികതയുടെ ചരമഗീതമെഴുതുകയല്ലേ ?  ഏഴു പതിറ്റാണ്ടുകൊണ്ട് ഒരു മതേതരരാജ്യം മതരാജ്യമാകുന്ന ഒരു കെട്ട കാലത്തിന്റെ വാതില്പടികളിൽ നാം എത്തിനിൽക്കുന്നു. കെട്ടുകഥകളിലും ഐതിഹ്യങ്ങളിലും അധിഷ്ടിതമായി ഇന്ത്യൻ ഭരണഘടന തന്നെ രൂപാന്തരപ്പെടുന്ന ഭയാനകമായ അവസ്ഥയിലേക്ക് നാം എത്തപ്പെടുകയാണ്. കഥകളെയും ചരിത്രത്തെയും കൂട്ടിക്കുഴക്കാതെ, ഇവ രണ്ടും രണ്ടായിക്കാണുന്ന ഒരു സാംസ്കാരികപരിവർത്തനമാണ് ഈ നൂറ്റാണ്ടിനാവശ്യം. ആ നീതിബോധത്തെ ഒരു പരിധിവരെ നവമാധ്യമങ്ങൾ ഏറ്റെടുത്തുകഴിഞ്ഞു.

Facebook Comments

Comments

  1. Sukumar Canada

    2021-03-23 18:07:39

    "സ്ത്രീശരീരത്തിലെ ആർത്തവപ്രക്രിയയെ അശുദ്ധമായി കരുതുന്ന ശബരിമലയും ആർത്തവം ആഘോഷമാക്കുന്ന കാമാഖ്യക്ഷേത്രവും ഭാരതത്തിലാണ്." അതാണ് ബഹുസ്വരമായ ഒരു സമൂഹത്തിന്റെ പ്രത്യേകത. ഒന്നിനെയും തള്ളേണ്ട കാര്യമില്ല. ഓരോരുത്തരുടെ ഭാവനയ്ക്ക് അനുസരിച്ചാണ് മതവും ആത്മീയതയും നിലകൊള്ളുന്നത്. അബ്രാഹാമിക് മതങ്ങളിലെ പല സങ്കൽപ്പങ്ങളും എല്ലാവർക്കും സമ്മതമാവില്ല. അതുപോലെയാണ് ഭാരതീയമായ സങ്കൽപ്പങ്ങളും. എല്ലാറ്റിനെയും ആഘോഷിക്കാനും ഒത്തൊരുമിച്ച് പ്രവർത്തിക്കാനും സാധിക്കുക എന്നതാണ് പ്രാധാന്യം. ഏകപക്ഷീയമായി ഒരു വിഭാഗത്തിന്റെ ആചാരങ്ങളെ ഇല്ലാതാക്കുന്നത് ബുദ്ധപ്രതിമകൾ നശിപ്പിച്ച താലിബാൻ മോഡൽ നവോത്ഥാനമേ ആവുന്നുള്ളൂ.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സ്ത്രീ സ്വകാര്യ സ്വത്ത് ആണോ? ഈ മൂല്യബോധത്തിനെതിരെ സ്ത്രീകൾ തന്നെ രംഗത്തു വരണം (വെള്ളാശേരി ജോസഫ് )

ദല്‍ഹിയില്‍ ജനാധിപത്യം അട്ടിമറിക്കപ്പെടുന്നു (ഡല്‍ഹികത്ത് : പി.വി.തോമസ്)

നൃത്തമാടുക നിങ്ങൾ : ആൻസി സാജൻ

എഴുത്തിന്റെ വഴിയിലൂടെ രാജു മൈലപ്ര എഴുപതിലേക്ക് (സി വി വളഞ്ഞവട്ടം)

ശ്രീ ജോസഫ് പടന്നമാക്കലിന്റെ ചരമ വാർഷികത്തിൽ ഇ- മലയാളിയുടെ പ്രണാമം

ജോസഫ് മാത്യൂ പടന്നമാക്കല്‍ ഇല്ലാത്ത ഒരു വര്‍ഷം: ആ വിടവ് ഇനിയും നികന്നില്ല (തോമസ് കൂവള്ളൂര്‍)

ജോസഫ് പടന്നമാക്കലിന്റെ വേര്‍പാടിന്റെ ദുഃഖസ്മരണയില്‍! (ജോര്‍ജ് നെടുവേലില്‍)

Articles and stories from epics and mythologies (Thodupuzha K Shankar Mumbai)

പിണറായിയുടെ ഊഴം കഴിഞ്ഞു? ഇനി ചെന്നിത്തലയുടെ കാലം? (ജോർജ് എബ്രഹാം)

രാജ്യം നഷ്ടപ്പെടുന്ന റോഹിങ്കകൾ; വംശീയ ശുദ്ധീകരണമോ? വംശഹത്യയോ? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ - 80)

പുല (ജിഷ.യു.സി, ഏഷ്യയിൽ നിന്ന് ആഫ്രിക്കയിലേക്ക് 3)

ഒരു വീട് സ്വന്തമാക്കാന്‍ പെടുന്ന പെടാപ്പാട്! (ജോര്‍ജ് തുമ്പയില്‍)

ഹായ് എവരിബഡി, ഞാന്‍ സ്വയം കൊന്നു, കുടുംബത്തെയും കൊന്നു... മഹാപാപികളുടെ സന്ദേശം 

താക്കോൽ ജനങ്ങൾ ആരെ ഏൽപ്പിക്കും (മീട്ടു റഹ്മത്ത് കലാം)

കേരളം വിധിയെഴുതുന്നു; തുടർ ഭരണമോ, ഭരണ മാറ്റമോ (സിൽജി ജെ ടോം)

തമിഴ് നാട് രാഷ്ട്രീയം ; വഴിത്തിരിവിന്റെ പുതിയ സാദ്ധ്യതകൾ (എസ സുന്ദര്ദാസ്)

ബംഗാളില്‍ നിന്ന് ചില അശുഭ സൂചനകള്‍ ( പി എസ് ജോസഫ്)‌

ആദ്യവോട്ടറായി ജോർജ് എബ്രഹാം; അമേരിക്കയിൽ 53 വർഷം; പക്ഷെ ഇന്ത്യൻ പൗരൻ

അപ്പനും അമ്മയും ദുഖിക്കാതിരിക്കാൻ ആറംഗ കുടുംബത്തെ കൂട്ടക്കൊല ചെയ്തു

പ്രവാസികള്‍ക്കും വേണ്ടേ പോസ്റ്റല്‍ വോട്ടിങ് സംവിധാനം? (സൂരജ് കെ. ആർ)

പ്രസംഗകല - സുകുമാര്‍ അഴീക്കോട് സമാഹരണവും പഠനവും: ഭാഗം-13: ഡോ. പോള്‍ മണലില്‍

ഇലച്ചൻ ഡ്യൂട്ടിയിരുക്ക് : മീര കൃഷ്ണൻകുട്ടി, ചെന്നൈ

മുംബൈയെ മാറോട് ചേർത്ത് ഒരു മുന്നൂർകോട്ടുകാരി ( ഗിരിജ ഉദയൻ മുന്നൂർക്കോട്)

ഷോൺ എബ്രഹാം ചരമ വാർഷികം ഇന്ന് (ഏപ്രിൽ 5) കണ്ണീരുണങ്ങാത്ത ഒരു വർഷം

ആർക്ക് വോട്ട് ചെയ്യണം? (ബാബു പാറയ്ക്കൽ)

യേശുവിൻ്റെ ഉയിർപ്പ് (സൂസൻ പാലാത്ര)

ഭൂമി കാത്തു വയ്ക്കുന്ന കല്ലുകൾ കൊണ്ട് മെനയുന്ന ശിൽപ്പങ്ങൾ (മൃദുല രാമചന്ദ്രൻ)

സ്വര്‍ണ്ണവില വര്‍ദ്ധന ഇറക്കുമതിയേയും ആഭരണ വ്യാപാരത്തേയും ശക്തമായി ബാധിച്ചു (കോര ചെറിയാന്‍)

ട്വന്റി/ട്വന്റി പാർട്ടിയുടെ പ്രസക്തി കേരള രാഷ്രീയത്തിൽ (വാൽക്കണ്ണാടി - കോരസൺ)

എ. കെ. ആൻറ്റണിയുടെ ചാരായ നിരോധനം നല്ല നടപടി; കുറച്ചു പേരേ അതിന്റെ ഗുണഫലങ്ങൾ തിരിച്ചറിയുന്നുള്ളൂ (വെള്ളാശേരി ജോസഫ്)

View More