അവളുമാര്ക്ക് എന്ത് ശിക്ഷ കൊടുത്താല് മതിയാകും? അവളെയൊക്കെ വളര്ത്തിയ തന്തയെയും തള്ളയേയും എന്ത് ചെയ്യണം?
അത്ര നിന്ദ്യമായ ഒരു ക്രൂരകൃത്യത്തിന്റെ വീഡിയോയാണിത്. പതിമ്മൂന്നും പതിനഞ്ചും വയസുള്ള രണ്ട് പെണ്സന്താനങ്ങള് സ്റ്റണ് ഗണ്ണുമായി (stun gun) വാഷിംഗ്ടണ് ഡി.സിയില് നട്ടുച്ചക്ക് ഊബര് ഈറ്റ്സ് കാര് വിളിക്കുന്നു. പാക്കിസ്ഥാന് സ്വദേശി മുഹമ്മദ് അന്വര് (66) കാറുമായി എത്തുന്നു.
കാറില് കയറിയ അവര് സ്റ്റണ് ഗണ് അയാളുടെ നേരെ പ്രയോഗിച്ചിരിക്കണം. പെട്ടെന്ന് ആളെ മരവിപ്പിക്കുന്നതാണ് സ്റ്റണ് ഗണ്.
https://twitter.com/i/status/1375721912752611328
എന്തായാലും കാറില് വച്ച് വാഗ്വാദമായി.
ഒന്നര മിനിട്ടുള്ള വീഡിയോയില് കാണുന്നത് അക്രമികളിലൊരാള് ഡ്രൈവിംഗ് സീറ്റില് ഇരിക്കുന്നതാണ്. അന്വര് പുറത്തു നില്ക്കുന്നു . കാറിന്റെ പിന് സീറ്റില് ഇരിക്കുന്നവളെ പിടിച്ചു പുറത്താക്കാന് അന്വര് ശ്രമിക്കുന്നുണ്ട്. ഇവര് കള്ളികളാണ് എന്നും ഇത് എന്റെ കാര് ആണെന്നുമാണു അന്വര് അവസാനമയി പറയുന്നത്.
കാറിന്റെ തുറന്നു കിടക്ക്ന്ന ഡോറിന്റെ ഇടയിലണ് അന്വര് നില്ക്കുന്നത്. കാര് മുന്നോട്ട് എടുക്കുന്നു. ഡോറില് പിടിച്ചോ അല്ലാതെയോ നിന്ന അന്വറെ വലിച്ച് കൊണ്ട് കാര് നീങ്ങുന്നു. ആദ്യം ഡോര് ഒരു പോസ്റ്റില് ഇടിക്കുന്നു. അല്പം കഴിഞ്ഞ് കാര് എവിടെയോ ചെന്നിടിക്കുന്നു. അന്വര് തെറിച്ചു വീണു മരിക്കുന്നു.
അക്രമികള് കൂസലില്ലാതെ കാറില് നിന്ന് പുറത്തിറങ്ങി. സമീപത്തുണ്ടായിരുന്ന നാഷണല് ഗാര്ഡ് സഹായത്തിനെത്തി.
ഒന്നര ദശാബ്ദമേ ആയുള്ളൂ അന്വര് അമേരിക്കയിലെത്തിയിട്ട്.മൂന്ന് മക്കളുണ്ട്. ഗോ ഫണ്ട് മീ വഴി കുടുംബത്തെ സഹായിക്കാന് ഫണ്ട് സമാഹരിക്കുന്നു.
അക്രമികള്ക്ക് എതിരെ കൊലക്കേസ് എടുത്തിട്ടുണ്ട്. പക്ഷെ പ്രായപൂര്ത്തിയാവാത്തവര് എന്ന നിലയിലായിരിക്കാം കേസ് വരുന്നത്.
(എന്തെങ്കിലും തട്ടിയെടുക്കാനൊ മോഷണത്തിനോ വരുമ്പോള് എതിര്ക്കാതിരിക്കുകയാണ് എപ്പോഴും നല്ലതെന്ന് വിദഗ്ദര് പറയുന്നു. അക്രമിയുടെ കയ്യില് തോക്ക് കാണാം. നമ്മുടെ ജീവിതത്തേക്കാള് വലിയതല്ല ഒന്നും.)
see also: Gofiundme campaignm: