-->

America

ഒറ്റിക്കൊടുത്തവന്റെ അമ്മ (കവിത: മാര്‍ഗരറ്റ് ജോസഫ്)

Published

on

സ്‌നേഹം മനസില്‍ മരിച്ചവന്‍,
വഞ്ചന രൂപമെടുത്തവന്‍,
സത്യം തിരിച്ചറിയാത്തവന്‍,
ദ്രവ്യാശമൂലം നശിച്ചവന്‍,
മകനേ, യൂദാസ്കറിയോത്താ,
ഒറ്റിക്കൊടുത്ത നിന്നമ്മ ഞാന്‍,
എത്ര ഹതഭാഗ്യ ഭൂമിയില്‍!
നിത്യം പരിഹാസപാത്രവും.
കുറ്റപ്പെടുത്തുന്നു മിത്രങ്ങള്‍,
ഒറ്റപ്പെടുത്തുന്ന ബന്ധുക്കള്‍,
വിട്ടുപിരിയുന്ന കൂട്ടുകാര്‍,
ആട്ടിയിറക്കുന്ന വീട്ടുകാര്‍;
ചുറ്റുമിരുട്ടില്‍ കരിമ്പടം,
ചുട്ടുപൊള്ളിക്കുന്ന ജീവിതം,
ദു:ഖക്കടലായുള്‍ത്തടം-
കണ്ണീര്‍മുത്തുകള്‍ക്കുറവിടം.
എന്‍ മകന്‍ "യൂദാസ്കറിയോത്താ',
ദുര്‍വിധി കയ്യൊപ്പു ചാര്‍ത്തിയോന്‍;
മുപ്പത് വെള്ളിപ്പണത്തിനായ്,
നീതിയെ വിറ്റുതുലച്ചവന്‍;
കുറ്റബോധത്താല്‍ പൊടുന്നനെ,
ജന്മം കുടുക്കിലൊടുക്കിയോന്‍;
എന്തിനീ പാതകം ചെയ്തു നീ?
ലാളിച്ച് ഞാന്‍ വഷളാക്കിയോ?
തന്നിഷ്ടം താന്തോന്നിയാക്കിയോ?
കൂട്ടുകെട്ടില്‍ വഴിതെറ്റിയോ?
സ്വാര്‍ത്ഥതയീവിധമാക്കിയോ?
രക്തബന്ധങ്ങള്‍ മറുന്നുവോ?
പീലി വിടര്‍ത്തിടുന്നോര്‍മ്മകള്‍,
മാറ്റൊലിക്കൊള്ളുന്നു പിന്‍വിളി,
മാടി വിളിക്കുന്നു വേദിക,
മായാത്ത സുന്ദര ചിത്രങ്ങള്‍....
ഗര്‍ഭപാത്രത്തില്‍ നിന്‍ സ്പന്ദനം,
നിര്‍വൃതിദായക മന്ത്രണം;
മോഹങ്ങള്‍ പൂവിട്ട തായ്മരം,
നര്‍ത്തനമാടിയ നാളുകള്‍...
അമ്മിഞ്ഞപ്പാലഭിഷേകമായ്,
പുത്രന് പൂജാരിയായിവള്‍,
നെഞ്ചകം താരാട്ടുതൊട്ടിലായ്,
പാടിയുറക്കിയ ലാളന;
എല്ലും തൊലിയുമായിന്നിതാ,
വാടിക്കരിയുന്ന വേദന;
മാതാപിതാക്കളീയൂഴിയില്‍,
മക്കളാല്‍ നിന്ദിതരെത്ര പേര്‍?
ആലംബം തേടുവോര്‍ യാത്രയില്‍-
മോചനം യാചിച്ചിടുന്നവര്‍;
കാറ്റിലിവരുടെ ഗദ്ഗദം,
രാപ്പകലാവര്‍ത്തനങ്ങളായ്;
പൊക്കിള്‍ക്കൊടി ബന്ധമന്യമോ?
ഓര്‍ക്കുക, സൗഭാഗ്യമാര്‍ക്കിതില്‍?

Facebook Comments

Comments

  1. Joy parippallil

    2021-04-05 01:01:11

    വേറിട്ട ചിന്താധാരയിൽ രൂപപ്പെട്ട വ്യത്യസ്തമായ ഒരു മനോഹര കവിത....!! മാർഗരറ്റ് ജോസഫ് ന് അഭിനന്ദനങ്ങൾ..❤️🌹 Joy parippallil

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

രാഷ്ട്രീയക്കാർ (ബാബു പാറയ്ക്കൽ)

സ്ത്രീയാണ് കൂടുതല്‍ വലിയ മനുഷ്യന്‍ (ബുക്ക് റിവ്യൂ: കബനി ആര്‍)

കോർപ്പറേറ്റ് ഗോഡസ്സ് - പുഷ്പമ്മ ചാണ്ടി - ഭാഗം - 5

മനുഷ്യ ജിഹാദ്..! (സോയ ഫിലാഡല്‍ഫിയ)

ഇര (കവിത: അരുൺ.വി.സജീവ്)

പൂരപ്പറമ്പിലെ ഗന്ധങ്ങള്‍ (ശങ്കര്‍ ഒറ്റപ്പാലം)

എങ്കിലും എന്റെ ശോശാമ്മേ.. (നർമ്മകഥ: നൈന മണ്ണഞ്ചേരി)

സെൻപങ്കുവെപ്പ് (കവിത: വേണുനമ്പ്യാർ)

വെയിലിനു വിലപേശുന്നവര്‍ (ബിന്ദു)

ഒരു കഥ പുനര്‍ജ്ജനിക്കുന്നു (കവിത: ആറ്റുമാലി)

കാര്യസ്ഥന്‍ (നോവല്‍ -അധ്യായം -8: കാരൂര്‍ സോമന്‍)

പ്രണയിക്കരുത് (കവിത:സുജാത.കെ. പിള്ള)

വാഹിനിയാവുന്നില്ല ഞാൻ ( കവിത : ഷീബ കദീജ തെരേസ )

തീർപ്പ് (കവിത: സന്ധ്യ എം)

പാമ്പും കോണിയും - നിർമ്മല - നോവൽ - 40

മലബാര്‍ സെന്‍ മാന്വല്‍ (കവിത: വേണുനമ്പ്യാര്‍)

വിഷുപ്പുലരി(കവിത: ദീപ ബിബീഷ് നായര്‍ (അമ്മു))

കോർപ്പറേറ്റ് ഗോഡസ്സ് : പുഷ്പമ്മ ചാണ്ടി (നോവൽ - ഭാഗം-4)

ഇസ്രായേലിൻ്റെ ശീലോ ; എൻ്റെ യേശു : സൂസൻ പാലാത്ര

ഈ നീലനിശീഥിനി (മായ കൃഷ്ണന്‍)

പ്രണയം (ജംഷീര്‍)

സഖാവ് കാസ്‌ട്രോ ദിവാകരന്‍ (കഥ: സാം നിലമ്പള്ളില്‍)

THIS IS GETHSEMANE (POEM:Samgeev)

സ്‌നേഹം (കവിത: ഡോ. ഈ. എം. പൂമൊട്ടില്‍)

നസ്രായനായ ക്രിസ്തു (നോയമ്പുകാല രചന: ചാക്കോ ഇട്ടിച്ചെറിയ)

ആകാശം കഥ പറയുന്നു (കഥ: സുനി ഷാജി)

മനസ്സൊരു മാരിവില്ല് (ജയശ്രീ രാജേഷ്)

നാഥനോശാന (മാര്‍ഗരറ്റ് ജോസഫ്)

വീട് (കവിത: ജിസ പ്രമോദ്)

പാമ്പും കോണിയും - നിർമ്മല - നോവൽ -39

View More