ചെന്നൈ: പ്രശസ്ത സിനിമാതാരവും ഗായകനുമായ വിവേക് ഹൃദയാഘാതത്തെത്തുടര്ന്ന് ആശുപത്രിയില്. ഇന്ന് രാവിലെയാണ് അദ്ദേഹത്തിന് ഹൃദയാഘാതം അനുഭവപ്പെട്ടത്.
ഉടന് അദ്ദേഹത്തെ ചെന്നൈയിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. കഴിഞ്ഞ ദിവസം വിവേക് കൊവിഡ് വാക്സിന് സ്വീകരിച്ചിരുന്നു.
തമിഴ് കോമഡി താരങ്ങളില് ശ്രദ്ധേയനായ നടനാണ് വിവേക്. അദ്ദേഹത്തിന്റെ നില ഗുരുതരമാണെന്നാണ് പ്രാഥമികമായി ലഭിക്കുന്ന വിവരം.
ചെന്നൈയിലെ സ്വകാര്യ ആശുപത്രിയില് തീവ്രപരിചരണവിഭാഗത്തിലാണ് വിവേക് ഇപ്പോഴുള്ളത്.
സാമി, ശിവാജി, അന്യന് തുടങ്ങി ഇരുന്നൂറിലധികം ചിത്രങ്ങളില് അഭിനയിച്ചിട്ടുണ്ട്. മൂന്ന് തവണ തമിഴ്നാട് സര്ക്കാരിന്റെ മികച്ച ഹാസ്യനടനുള്ള പുരസ്കാരം നേടി.