ദ്വീപിൽ നിന്നും മടങ്ങുമ്പോൾ അറബിക്കടൽ വളരെ ശാന്തമായിരുന്നു. കാറ്റും കോളും ഒഴിഞ്ഞ എന്റെ മനസ്സുപോലെ. കൊച്ചിതുറമുഖത്ത് എന്നെയും കാത്ത് എന്റെ പ്രിയപ്പെട്ടവൻ കാത്തുനിൽക്കുന്നുണ്ടല്ലോ എന്ന ചിന്ത യാത്രയെ വളരെ സുഗമമാക്കിത്തീർത്തു. ജീവിതയാത്രയിൽ എത്രയോ അനുഭവങ്ങൾ!
ഇന്ന് വിവാദമായിരിക്കുന്ന ലക്ഷദ്വീപിനെക്കുറിച്ചുള്ള വാർത്തകൾ കേൾക്കുമ്പോൾ (ലക്കിടീവ്സ് എന്നാണു അന്നു ഈ ദ്വീപസമൂഹത്തെ കൂടുതലായി അറിയപ്പെട്ടിരുന്നത്) അരനൂറ്റാണ്ടിനപ്പുറത്തുള്ള എന്റെ പ്രഥമ കപ്പൽയാത്രയും, നിഷ്ക്കളങ്കരായ ദ്വീപുനിവാസികളും, അവരുടെ പൈതൃകമായ സംസ്കാരവും ഒക്കെ എന്റെ ഓർമ്മയുടെ സരോവരതീരങ്ങളിൽ കുഞ്ഞോളങ്ങളായി ഓടിയെത്തുന്നു.
************

(കവരത്തി ദ്വീപിലെ  ചില ചിത്രങ്ങൾ)