നിയമസഭാ അക്രമകേസില് മന്ത്രി വി.ശിവന്കുട്ടിയെ പരിഹസിച്ച് നടനും സംവിധായകനുമായ ജോയ് മാത്യു. ശിവന്കുട്ടിയുടെ രാജി ആവശ്യം പ്രതിപക്ഷം ശക്തമാക്കിയ സാഹചര്യത്തിലാണ് ജോയ് മാത്യുവിന്റെ പ്രതികരണം. അടുത്ത വര്ഷം മുതല് യുവജനോത്സവത്തിന് ശിവതാണ്ഡവം എന്ന ഇനം ഉണ്ടാകുമെന് താരം പറയുന്നു.
'കലാതിലക മോഹികള് ശ്രദ്ധിക്കുക. അടുത്ത വര്ഷം മുതല് യുവജനോത്സവത്തിന് ശിവതാണ്ഡവം ഒരു നിര്ബന്ധിത ഐറ്റമായിരിക്കുമത്രേ'. നിയമസഭയില് കയറി അതിക്രമത്തിക്കാനൊരുങ്ങുന്ന ശിവന്കുട്ടിയുടെ ചിത്രം പങ്കു വച്ചു കൊണ്ട് ജോയ് മാത്യു കുറിച്ചു.
അതേ സമയം നിയമസഭാ അതിക്രമ കേസില് മന്ത്രി ശിവന്കുട്ടിക്കെതിരേയുള്ള പ്രക്ഷോഭം പ്രതിപക്ഷം ഇന്നും തുടരും. ഇന്നലെ നിയമസഭയില് വിഷയം അടിയന്തര പ്രമേയമായി അവതരിപ്പിച്ചിരുന്നു. ഇന്നും നിമയസഭയില് പ്രതിപക്ഷം ശിവന്കുട്ടിയുടെ രാജി ആവശ്യപ്പെട്ടു കൊണ്ട് പ്രശ്നം ഉന്നയിക്കാനണ് പ്രതിപക്ഷ തീരുമാനം.
ഇന്നലെ സഭയ്ക്ക് പുറത്തും പ്രതിഷേധങ്ങള് ഉണ്ടാകും. ഇന്നലെ ജില്ലാ കേന്ദ്രങ്ങളില് കോണ്ഗ്രസ്സ് സമരം നടത്തിയിരുന്നു. വരം ദിവസങ്ങളില് യു.ഡി.എഫ് നേതൃത്വത്തിലും സമരം കൂടുതല് ശക്തമാക്കാനാണ് തീരുമാനം.
' അധീര'യ്ക്ക് കെ.ജി.എഫ് ടീമിന്റെ പിറന്നാള് സമ്മാനം
കെ.ജി.എഫ് രണ്ടാം ഭാഗത്തിലെ പ്രധാന വില്ലനായ സഞ്ജയ്ദത്തിന്റെ അധീരയുടെ ക്യാരക്ടര് പോസ്റ്റര് പുറത്തിറങ്ങി. അദ്ദേഹ പിറന്നാളിനോടനുബന്ധിച്ചാണ് അധീര എന്ന മാസ്സ് വില്ലന്റെ ലുക്ക് അണിയറ പ്രവര്ത്തകര് പുറത്തു വിട്ടത്.
നായകനൊപ്പം മാസ്സ് കാണിക്കുന്ന വില്ലനായിട്ടാണ് അധീരയെ സിനിമയില് ചിത്രീകരിക്കുന്നത്. കേരളത്തില് ഉള്പ്പെടെ ഹിറ്റായ കെ.ജി.എഫിന്റെ രണ്ടാം പതിപ്പിലും യാഷ് തന്നെയാണ് നായകന്. രവീണ ടണ്ടന് ഉള്പ്പെടെയുള്ള താരങ്ങള് ചിത്രത്തില് അണിനിരക്കുന്നുണ്ട്. തിയേറ്ററ് റിലീസ് ആയി ചിത്രം പുറത്തിറങ്ങും. മലയാളത്തില് പൃഥ്വിരാജ് ആയിരിക്കും ചിത്രം വിപണനത്തിനെത്തിക്കുന്നത്.
നയന്താര നായികയാകുന്ന 'നേട്രിക്കണ്' ട്രെയിലര് റിലീസ് ചെയ്തു
നയന്താര നായികയാകുന്ന 'നേട്രിക്കണ്' ചിത്രത്തിന്റെ ട്രെയിലര് പുറത്ത്. ത്രില്ലറായി ഒരുക്കുന്ന ചിത്രത്തില് അന്ധയായ കഥാപാത്രമായാണ് നയന്താരയെത്തുന്നത്. ചിത്രത്തില് വില്ലന് വേഷത്തിലെത്തുന്നത് മലയാളിയായ അജ്മല് അമീറാണ്. മിലിന്ദ് റാവു സംവിധാനം ചെയ്യുന്ന ചിത്രത്തിന്റെ നിര്മ്മാണം നയന്താരയുടെ കാമുകനും സംവിധായകനുമായ വിഘ്നേഷ് ശിവനാണ്.
കാര്ത്തിക് ഗണേഷ് സംവിധാനവും ഗിരീഷ് സംഗീത സംവിധാനവും നിര്വഹിക്കുന്നു. എഡിറ്റിങ്ങ് ലോറന്സ് കിഷോര്, കൊറിയന് ത്രില്ലറായ ബ്ളൈന്ഡിന്റെ റീമേക്കാണ് ഈ ചിത്രം. ഓഗസ്റ്റ് 13ന് ചിത്രം ഹോട്ട്സ്റ്റാറിലൂടെ ചിത്രം റിലീസിനെത്തും.