ലോകരാഷ്ട്രീയത്തിലെ നമ്മുടെ ഒരു പൊതുധാരണ, എല്ലാവരും LP സ്കൂളിലെ കുട്ടികൾ ആണെന്നാണ്. ഇന്റർനാഷണൽ പൊളിറ്റിക്സിൽ ഇണക്കവും ഇല്ല പിണക്കവും ഇല്ല. രാജ്യതാല്പര്യങ്ങൾ മാത്രമേ ഉള്ളൂ. മാനവികതയും തീവ്രവാദവിരുദ്ധതയും ഒക്കെ ഉണ്ടെന്ന് വെറുതെ തോന്നുന്നതാണ്. അമേരിക്ക പിൻവാങ്ങി എന്നതിൽ നമ്മൾ അത്ഭുതപ്പെടേണ്ട കാര്യമേ ഇല്ല. അത് പക്ഷെ "അവന്മാർ അല്ലേലും അങ്ങനാ, ഊളകൾ " - ആ ലൈൻ അല്ല. നമ്മളത്രയും, മനുഷ്യരാശി ഒട്ടുക്കും അങ്ങനെ ആണ്. അമേരിക്ക സൈന്യത്തെ വലിച്ചത് അമേരിക്കൻ ജനതയുടെ താല്പര്യങ്ങൾക്ക് അനുസരിച്ച് തന്നെയാണ്. ജനങ്ങൾക്ക് ഇടയിലെ അഭിപ്രായവോട്ടെടുപ്പിൽ 70 % ആൾക്കാർ ആണ് withdraw എന്ന് പറഞ്ഞത്. കാരണം മൂന്ന് ട്രില്യൺ ഡോളർ already പുകയായി. അന്ന് അമേരിക്കക്കാർക്ക് 9/11ന്റെ പ്രതികാരം വേണമായിരുന്നു. ഇന്ന് അതിന്റെ തിളപ്പ് കഴിഞ്ഞു. രണ്ട് തിളപ്പും ഭരണകൂടത്തിന്റെ ആണെന്ന് തെറ്റിദ്ധരിയ്ക്കരുത്. ഭരണകൂടത്തിന്, അത് എവിടെ ആയാലും ഒറ്റ തിളപ്പേ ഉള്ളൂ - ഭരണം തുടരുക. അതിന് ജനതയുടെ, ആൾക്കൂട്ടങ്ങളുടെ validation നിർബന്ധം. പ്രതികാരത്തിന് ശേഷവും അമേരിക്കൻ പട്ടാളക്കാർ അവിടെ മരിച്ചു വീഴുന്നുണ്ട് എന്ന് അമേരിക്കൻ പൗരന് ഇന്ന് ബോധ്യമുണ്ട്. അമേരിക്കൻ പട്ടാളക്കാരൻ മരിച്ചു വീഴുന്നതും അഫ്‌ഘാൻ പൗരൻ മരിച്ചു വീഴുന്നതിലും തമ്മിൽ എന്താണ് വ്യത്യാസം എന്ന് നമുക്ക് ചോദിയ്ക്കാം. വ്യത്യാസം ഉണ്ട്, ഒരു അമേരിക്കക്കാരന് വ്യത്യാസമുണ്ട്, ഒരാൾ സ്വന്തമാണ്. മറ്റയാൾ അന്യനാണ്. നോക്കൂ, ഈ അന്യതാബോധം ആണ് മനുഷ്യരാശിയിൽ ഒട്ടുക്കും. വേറെത് രാജ്യം ആയിരുന്നെങ്കിലും ഇത് തന്നെ ചെയ്തേനെ. ഒരു സംശയവും വേണ്ട- ഇന്ത്യ ആയിരുന്നെങ്കിലും. ഭരണകൂടങ്ങൾ, അവ ജനാഭിലാഷങ്ങളുടെ extrapolation മാത്രമാണ്. ജനങ്ങളുടെ character എന്താണ്? അവർക്ക് അടിസ്ഥാനപരമായിട്ട് ഉള്ളത് അന്യതാബോധം ആണ്. ഇന്ത്യക്കാർ എന്ന് നാം പറയുമ്പോൾ അതിന് ഒരു അതിർത്തി ഉണ്ട്. അതിന് അപ്പുറങ്ങൾ ഉണ്ട്. പാകിസ്താനിലേയ്ക്ക് ഒരു മിസൈൽ കുതിയ്ക്കുമ്പോൾ നമുക്ക് ഓർഗാസം കിട്ടുന്നുണ്ടല്ലോ. നമ്മളേതാ മൊതല്? അത് അറിയണേൽ, പലായനം ചെയ്ത് വരുന്നു ഒരു അഫ്‌ഘാനി അയാളുടെ സ്വന്തം വാടകയിൽ നമ്മുടെ അയലോക്കത്ത് താമസിയ്‌ക്കാൻ വന്നാൽ മതി- നമ്മൾ വെറും ഊള ആയി പെരുമാറുമെന്നേ. സംശയമുണ്ടോ? അത് കൊണ്ട് ഒറ്റപ്പെട്ട സമൂഹങ്ങൾ, അവർക്ക് അവരെ ഉണ്ടാവുകയുള്ളു. നമുക്കും നമ്മളെ ഉണ്ടാവുള്ളു. ശ്രീലങ്കയിൽ അത് കണ്ടതാണ്. UN വളരെ നൈസ് ആയിട്ട് സ്ഥലം വിട്ടു. ഇന്ത്യ ഇടപെട്ടോ, അമേരിക്ക ഇടപെട്ടോ. ഇടപെടാൻ പറ്റില്ലെന്നേ. "നമുക്ക് ആ റിസ്കിന്റെ ആവശ്യം ഉണ്ടോ?" എന്ന് ജനങ്ങൾ തന്നെ ചോദിയ്ക്കും എന്നതിൽ ആർക്കേലും സംശയം ഉണ്ടോ? അവർ ശ്രീലങ്കൻ തമിഴർ, അവർ രോഹിങ്യൻ മുസ്ലിംകൾ, അവർ ആഫ്രിക്കൻ ദരിദ്രർ, നമുക്ക് വേറെ പണിയില്ലേ... അല്ല പിന്നെ. അവർ.. അവർ... അവർ... അഫ്‌ഘാനിസ്ഥാനിൽ എന്ത് അത്ഭുതമാണ് നിങ്ങൾ പ്രതീക്ഷിയ്ക്കുന്നത്? അത് കൊണ്ട് ഒരു കാലത്തും ഭരണകൂടങ്ങളെ നമ്പേണ്ട, മറ്റൊന്നും കൊണ്ടല്ല -അതുണ്ടാക്കി വിടുന്ന ജനതയെ നമ്പാൻ കൊള്ളില്ല. നമ്മൾ ഇടപെടണമെങ്കിൽ നമുക്ക് പൊള്ളണം, 9/11 പോലെ. നന്മയുള്ള ലോകമേ...

No one is crying for Afghanistan. There are thousands of innocent people stuck there now under the mercy of cruel groups of thugs running that country now. Biden should have thought about these innocent people before enacting his ill fated another policy.