America

വെളിപാട് (ഡോളി തോമസ് കണ്ണൂർ)

Published

on

ഗോപാലനും ഗോവിന്ദനും ഉറ്റ ചങ്ങാതിമാർ ആണ്.  ഒന്നിച്ചു ജോലി ചെയ്യുന്നവർ.  സന്തത സഹചാരികൾ.  പണിയെടുത്ത് അന്തിക്ക് നന്നായി മിനുങ്ങി രണ്ടാളും അവരവരുടെ വീട്ടിലേയ്ക്ക് പോകും.

ഗോപാലന് ചിലപ്പോൾ സ്ഥലകാല ബോധം ഉണ്ടാവില്ല.  പക്ഷെ ഗോവിന്ദൻ അങ്ങനെയല്ല.  അയാൾ ഒരിക്കലും ബോധം മറയും വരെ കുടിക്കില്ല.  ഇങ്ങനെ ഗോപാലന്റെ ബോധം പോകുന്ന സമയം, ഉള്ള ബോധത്തിൽ ഗോവിന്ദനോട് പറയും.

"എടാ കോയിന്ദ, എന്നെ ഒന്നു വീട്ടിൽ ആക്കി തരുവോടാ..?

  "എന്റെ ഗോപാലാ അവനവന് ആവുന്നത് കുടിച്ചാൽ പോരെ? ഗോവിന്ദൻ എപ്പോഴും അയാളെ ഉപദേശിക്കും. പക്ഷെ എന്തു ചെയ്യാൻ.  ചാരായക്കുപ്പി കണ്ടാൽ ഒരാക്രാന്തം ആണ് ഗോപാലന്.

  അങ്ങനെ ഗോപാലനെ വീട്ടിൽ കൊണ്ടാക്കി കൊണ്ടാക്കി ഗോവിന്ദനെയും, ഗോപാലന്റെ സുന്ദരിയായ ഭാര്യ ജാനകിയെയും, ചേർത്തു നാട്ടിൽ പല കഥകളും പ്രചരിച്ചു.

  ഗോപാലൻ ഉള്ളത് മുഴുവൻ ഷാപ്പിൽ കൊടുക്കുമ്പോൾ വീട് പട്ടിണി ആവാതിരിക്കാൻ ഗോവിന്ദൻ അല്ലറച്ചില്ലറ സഹായങ്ങൾ ജാനകിയുടെ കയ്യിൽ കൊടുക്കാറുണ്ട് എന്നത് നേര് തന്നെ.  അത് നാട്ടുകാർക്കും അറിവുള്ളതാണ്.  
  പാവം ജാനകി.  അവൾ അന്യവീടുകളിലെ പറമ്പിൽ കള പറിക്കാനും, അടയ്ക്ക പെറുക്കാനും പോയാൽ മൂന്നു മക്കൾ അടങ്ങുന്ന കുടുംബം എങ്ങനെ പുലരും.

  പലപ്പോഴും ഗോപാലൻ സഹ കുടിയന്മാരുമായി ഒന്നും രണ്ടും പറഞ്ഞു തെറ്റും.  

ഒരിക്കൽ വാസുവും ആയി കയ്യാങ്കളി വരെയെത്തി കാര്യങ്ങൾ.

  വാസുവാണ് ആദ്യം ഗോപാലന്റെ മുഖത്തു നോക്കി ചോദിച്ചത്.  തനിക്ക് നാണമില്ലേടോ.  ഈ കോയിന്ദൻ അല്ലെ തന്റെ കുടുമ്മത്തു ചെലവിന് കൊടുക്കുന്നെ; നീ കിട്ടുന്നത് കൊണ്ട് മുഴുവൻ കുടിച്ചു കണ്ടോന്റെ മേത്ത് മെക്കിട്ട് കേറുവല്ലേ തന്റെ പണി.   തന്റെ പെമ്പറന്നൊരെ ഇയാൾക്ക് പണയം വെച്ചേക്കുവല്ലേടാ..ത്ഫൂ..."

  എന്നിട്ട് വാസു ചവിട്ടിക്കുലുക്കി ഇറങ്ങിപ്പോയി.  ബാക്കി കുടിയന്മാർ ഊറിയ ഒരു ചിരിയോടെ ഗോവിന്ദനെ നോക്കി.

  ഗോവിന്ദൻ വേഗം ഗോപാലനെ പിടിച്ചുവലിച്ചു  ഒരു വിധം വീടെത്തിച്ചു.  "ദേ ഗോപാലാ ഇനി മേലിൽ ഞാൻ നിന്റെ കൂടെ ഒന്നിനുമില്ല.  വെറുതെ നാട്ടുകാരെക്കൊണ്ടു പറയിക്കാൻ. നെനക്കിപ്പൊ സമാധാനായല്ലോ”.

ഗോവിന്ദൻ പോകാനൊരുങ്ങി.
ഗോപാലന് അപ്പോളും കെട്ട് ഇറങ്ങിയിരുന്നില്ല.
ഇതൊക്കെ ആയാലും അവർ തമ്മിലുള്ള സൗഹൃദം തുടർന്നു.

  ഗോപാലന്റെ മകളെ അവളെക്കാൾ പതിനഞ്ച് വയസ്സ് പ്രായമുള്ള ചായക്കട കുമാരൻ കെട്ടി. ഗോവിന്ദനും ജാനകിയുമായുള്ള ബന്ധം വരുന്ന എല്ലാ നല്ല ആലോചനകളും മുടക്കി.  അവസാനം കുമാരൻ മുന്നോട്ട് വരികയായിരുന്നു.  ഇളയമക്കൾ രണ്ടും ഓരോ ജോലിക്കായി നാട്ടിൽ നിന്നും പോയി.  

വാസുവിന്റെ അന്നത്തെ ആ പറച്ചിൽ ഗോപാലന്റെ ഉള്ളിൽ ചാരം മൂടി കിടപ്പുണ്ടായിരുന്നു. ഗോപാലനും  നേരത്തെ മുതൽ സംശയം തോന്നിയിട്ടുമുണ്ട്. പക്ഷെ ഗോവിന്ദനോട് ചോദിക്കാൻ മടിച്ചു.

  ജാനകിയുമായി ഒന്നും രണ്ടും പറഞ്ഞു വഴക്കിടുമ്പോൾ പലപ്പോഴും ഈ കാര്യം എടുത്തിടും.
ജാനകി വീറോടെ എതിർത്തു നിൽക്കും.
ഒരിക്കൽ കാര്യങ്ങൾ ഒക്കെ കൈവിട്ടുപോയി.       കൈപ്രയോഗം കുറച്ചു കടുത്തുപോയി.

 "എടി.. നാട്ടുകാർ വെറുതെയൊന്നും അല്ല പറയുന്നത്.  സത്യമല്ലേടി..."  ജാനകിയെക്കൊണ്ടു തന്നെ പറയിച്ചേ അടങ്ങു എന്ന ലെവലിൽ ആയിരുന്നു ഗോപാലൻ.

ജാനകി ഇടി കൊണ്ടു മടുത്തു. അവൾ ചീറി.
"  അതേ സത്യമാണ്.  നിങ്ങൾക്ക് എന്തു ചെയ്യാൻ ഒക്കും. ഈ കുടുംബം എങ്ങനെ പുലർന്നു എന്നോ മോളുടെ കല്യാണം എങ്ങനെ കഴിഞ്ഞു എന്നോ നിങ്ങൾ അറിഞ്ഞോ? ആ പൈസ  മുഴുവൻ അയാൾക്ക് തിരിച്ചു കൊടുക്ക്.  എന്നിട്ട് അയാളോട് ഇവിടെ വരണ്ട എന്നു പറ.  ഇനി മേലിൽ എന്റെ ദേഹത്തു കൈവെച്ചാൽ ഉണ്ടല്ലോ."

അവൾ ഇറയത്തിരുന്ന വെട്ടുകത്തി കയ്യിലെടുത്തു.  "അന്ന് തന്റെ അന്ത്യം ആയിരിക്കും.  ഒരു കെട്ടിയോൻ വന്നേക്കുന്നു. ഫൂ..." ജാനകി മുറ്റത്തേക്ക് നീട്ടിത്തുപ്പി.

ഗോപാലൻ കുടിച്ച ചാരായം മുഴുവൻ ആവിയായിപ്പോയി. അയാൾ ഒന്നും മിണ്ടാതെ ഇറയത്ത് കുത്തിയിരുന്നു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

മോരും മുതിരയും : കുമാരി എൻ കൊട്ടാരം

വിശക്കുന്നവർ (കവിത: ഇയാസ് ചുരല്‍മല)

ഛായാമുഖി (കവിത: ശ്രീദേവി മധു)

ഓർമ്മയിൽ എന്റെ ഗ്രാമം (എം കെ രാജന്‍)

ഒഴിവുകാല സ്വപ്നങ്ങൾ (കവിത : ബിജു ഗോപാൽ)

പൊട്ടുതൊടാൻ ( കഥ: രമണി അമ്മാൾ)

ഒരു നറുക്കിനു ചേരാം (ശ്രീ മാടശ്ശേരി നീലകണ്ഠന്‍ എഴുതിയ 'പ്രപഞ്ചലോട്ടറി' ഒരു അവലോകനം) (സുധീര്‍ പണിക്കവീട്ടില്‍)

ഷാജൻ ആനിത്തോട്ടത്തിന്റെ 'പകര്‍ന്നാട്ടം' (ജോണ്‍ മാത്യു)

സങ്കീര്‍ത്തനം: 2021 (ഒരു സത്യവിശ്വാസിയുടെ വിലാപം) - കവിത: ജോയ് പാരിപ്പള്ളില്‍

ആശംസകൾ (കവിത: ഡോ.എസ്.രമ)

പാലിയേറ്റീവ് കെയർ (കഥ : രമേശൻ പൊയിൽ താഴത്ത്)

അവൾ (കവിത: ഇയാസ് ചുരല്‍മല)

ഉല(കവിത: രമ പ്രസന്ന പിഷാരടി)

ചിതൽ ( കവിത: കുമാരി എൻ കൊട്ടാരം )

നോക്കുകൂലി (കഥ: സാം നിലമ്പള്ളില്‍)

ഒന്നും കൊണ്ടുപോകുന്നില്ല, ഞാന്‍......(കവിത: അശോക് കുമാര്‍.കെ.)

കാഴ്ച്ച (കഥ: പി. ടി. പൗലോസ്)

ഉറുമ്പുകൾ (തൊടുപുഴ കെ ശങ്കർ മുംബൈ)

ജീവിതപുസ്തകം (രാജൻ കിണറ്റിങ്കര)

ലോലമാം ക്ഷണമേ വേണ്ടു... (കഥ രണ്ടാം ഭാഗം: ജോസഫ്‌ എബ്രഹാം)

ആട്ടവിളക്ക് (പുസ്തകപരിചയം : സന്ധ്യ എം)

കർഷകൻ (ദീപ ബിബീഷ് നായർ)

മെസ്സഞ്ചറിലെ മെസേജുകൾ (കഥ: രമണി അമ്മാൾ)

ഇന്നും ലഭിക്കുന്ന ഊരുവിലക്ക് ( കവിത:ജയ്മോൻ ജേക്കബ് പുറയംപള്ളിൽ)

മുത്തി: കവിത, പെരുങ്കടവിള വിൻസൻറ്

Besant Nagar (Silicon castles novel : Chapter-7-Prof: Sreedevi Krishnan)

ഡോ.ഫെബി ബിജോയ് രചിച്ച പുസ്തകം പ്രകാശനം ചെയ്തു

കാലികം..(കഥ: നൈന മണ്ണഞ്ചേരി)

വേരുകൾ പച്ച ( കവിത : സിന്ധു സതീഷ്)

ലോലമാം ക്ഷണമേ വേണ്ടു... (കഥ : ജോസഫ്‌ എബ്രഹാം)

View More