America

മലയാള ഭാഷയുടെ കരുത്തുമായി ഫൊക്കാന 'നമ്മുടെ മലയാളം': ജോര്‍ജി വര്‍ഗീസ്

അനില്‍ പെണ്ണുക്കര

Published

on

എഴുത്തിന്റെ കാണാപ്പുറങ്ങളില്‍ 'നമ്മുടെ മലയാളം ' എന്നൊരു അക്ഷര ഗീതം കൂടി അമേരിക്കന്‍ മണ്ണില്‍ നിന്ന് ലോക ശ്രദ്ധയിലേക്ക്. അമേരിക്കന്‍ മലയാളികളുടെ സംഘടനകളുടെ സംഘടനയായ ഫൊക്കാനയുടെ പ്രഥമ സാഹിത്യ സാംസ്‌കാരിക മാസികയായ ' നമ്മുടെ മലയാളം ' പ്രശസ്ത സാഹിത്യകാരനും, അദ്ധ്യാപകനുമായ പ്രൊഫ.എം.എന്‍. കാരശേരി പ്രകാശനം ചെയ്തു. നമ്മുടെ മലയാളത്തിന്റെ ഉദ്ദേശലക്ഷ്യങ്ങളെക്കുറിച്ച് ഫൊക്കാന പ്രസിഡന്റ് ജോര്‍ജി വര്‍ഗ്ഗീസ് ഇ - മലയാളിയോട് സംസാരിക്കുന്നു.
 
ചോദ്യം : ഫൊക്കാനയുടെ നമ്മുടെ മലയാളം എന്ന സാഹിത്യ സാംസ്‌കാരിക ത്രൈമാസിക മുന്നോട്ട് വയ്ക്കുന്ന ആശയം എന്താണ്.?
 
ഉത്തരം:ഭൂമിയില്‍ തന്നെ അതിരുകളില്ലാത്ത ഒന്നേ ഒന്ന് അത് കല തന്നെയാണ്. എത്ര ദൂരെയായിരുന്നാലും കലയുള്ള കാലത്തോളം മനുഷ്യര്‍ തമ്മില്‍ എപ്പോഴും ഒട്ടിപ്പിടിച്ചു കൊണ്ടേയിരിക്കും. അതിനു ഭാഷയുടെയോ, മതത്തിന്റെയോ വര്‍ഗ്ഗത്തിന്റെയോ അതിര്‍ത്തി രേഖകള്‍ ഒന്നും ഉണ്ടായിരിക്കില്ല. കല എപ്പോഴും കാലാതീതമാണ്, മനുഷ്യരാശി മുഴുവന്‍ നശിച്ചു പോയാല്‍ പോലും കല ഭൂമിയില്‍ നിലനില്‍ക്കും. കുയിലിന്റെ പാട്ടിലൂടെയോ, മരംകൊത്തിയുടെ കൂട് നിര്‍മാണത്തിലൂടെയോ കല ഭൂമിയുടെ അച്ചുതണ്ടിനെ സുരക്ഷിതമായി താങ്ങി നിര്‍ത്തും. പലതിന്റെ പേരിലും മനുഷ്യര്‍ ഇവിടെ ഒന്നിച്ചു കൂടാറുണ്ട്, പക്ഷേ ഏറ്റവും ഭംഗിയുള്ള ഒത്തുകൂടലുകള്‍ സംഭവിയ്ക്കുന്നത് കലയ്ക്കുവേണ്ടിയുള്ളതാണ്. എന്റെ മലയാളം എന്ന മാഗസിന്‍ സംഭവിയ്ക്കുന്നതും അത്തരത്തില്‍ ഒരു ഒത്തുകൂടലിലൂടെയാണ്.അത്തരം ഒരു ഒത്തുകൂടലിന് ശ്രമിക്കുകയാണ് ഫൊക്കാന . ലോകത്തിന്റെ പല കോണിലുള്ള മലയാളികളുടെയും രചനകള്‍ കൊണ്ടും ചിന്തകള്‍ കൊണ്ടും സമ്പന്നമായ ഒരു സാഹിത്യ സംസ്‌കാരിക സാന്നിദ്ധ്യമാണ് ' നമ്മുടെ മലയാളം '. കല എങ്ങനെയാണ് മനുഷ്യരെ ബന്ധിപ്പിക്കുന്നതെന്നതിന്റെ ഉത്തമ ഉദാഹരമാണിത്. ലോകത്തിന്റെ വിവിധ കോണുകളിലുള്ള മലയാളി സാഹിത്യ പ്രവര്‍ത്തകരെ ഒരുമിപ്പിക്കുക എന്ന ദൗത്യമാണ് മലയാളം മാഗസിന്‍ എന്ന ഈ സംരംഭത്തിന് പിന്നില്‍.
 
ചോദ്യം : പഴയ തലമുറയില്‍ പെട്ട എഴുത്തുകാരെക്കാള്‍ പുതിയ തലമുറയിലെ പുതുനാമ്പുകളെ കൂടുതല്‍ അവതരിപിക്കുന്നതില്‍ നമ്മുടെ മലയാളം ശ്രദ്ധിച്ചു എന്ന് തോന്നുന്നു. അഭിനന്ദനാര്‍ഹമായ കാര്യം തന്നെ. സോഷ്യല്‍ മീഡിയ പ്ലാറ്റ്‌ഫോമില്‍ സജീവമായി എഴുതുന്ന പലരേയും ഈ സംരംഭത്തിലേക്ക് കൊണ്ടുവന്നല്ലോ.?.
 
ഉത്തരം: പുതിയ തലമുറയാണ് ഫൊക്കാനയുടെ നാളത്തെ ചാലക ശക്തി.അമേരിക്കന്‍ മലയാളികളുടെ കൂട്ടായ്മയില്‍ നിന്ന് പിറന്ന നമ്മുടേ മലയാളം മാഗസിനില്‍ അമേരിക്കന്‍ മലയാളികളുടേതടക്കം ലോകത്തിന്റെ പലകോണുകളില്‍ നിന്നുമുള്ള രചനകള്‍ ഉള്‍പ്പെടുത്തുവാന്‍ പ്രധാന കാരണം സോഷ്യല്‍ മീഡിയയിലെ പുതിയ എഴുത്തുകാരെ ലോക ശ്രദ്ധയില്‍, മുഖ്യധാരയില്‍ കൊണ്ടുവരിക എന്നതു തന്നെയായിരുന്നു.  ഭൂമിയുടെ ഏതറ്റത്ത് പോയാലും ഒരു മലയാളിയെ കണ്ടുമുട്ടുമെന്ന തമാശയില്‍ ആ മലയാളികള്‍ ഉള്ളിടത്തൊക്കെ കലയുടെ കാല്‍പ്പാടുകളുമുണ്ട് എന്ന സത്യവും ഉള്‍ക്കൊള്ളുവാനും ഈ പ്ലാറ്റ്‌ഫോം സഹായിച്ചിട്ടുണ്ട്. നമ്മുടെ മലയാളം എന്ന മാഗസിന്‍ ലക്ഷ്യം വച്ചത് ഒരു വലിയ ഒത്തുചേരലായിരുന്നു. ലോകത്തിന്റെ നാനാ കോണുകളില്‍ നിന്നുമുള്ള പ്രവാസികളുടെ ചിന്തകള്‍ കൊണ്ട് നമ്മുടെ മലയാളവും ധന്യമാക്കുക എന്നത്. അത് ധന്യമായതില്‍ വലിയ പ്രചോദനമാണ് ലഭിച്ചത്. തുടര്‍ന്ന് വരുന്ന ലക്കങ്ങളിലും ലോകത്തെമ്പാടുമുള്ള സാഹിത്യ പ്രതിഭകളുടെ രചനകളുമായി സമ്പുഷ്ടമാകും നമ്മുടെ മലയാളം.
 
ചോദ്യം : മനുഷ്യനെ ഏകോപിപ്പിക്കുന്നതില്‍ കലകള്‍ക്ക് വലിയ പങ്കുണ്ട്. അതിനെ കൃത്യമായി ഫൊക്കാന പലതവണ വിവിധ സാഹിത്യ സാംസ്‌കാരിക പരിപാടികളിലൂടെ അടയാളപ്പെടുത്തിയിട്ടുണ്ട്. സാഹിത്യ രംഗത്ത് നമ്മുടെ മലയാളം അത്തരമൊരു അടയാളപ്പെടുത്തലാണ് . ലോകമലയാളി എഴുത്തുകാരെ ഈ പ്ലാറ്റ്‌ഫോമിലേക്ക് കൊണ്ടുവരുന്നതിന് പ്രത്യേക ലക്ഷ്യങ്ങള്‍ ഉണ്ടോ?
 
ഉണ്ട്. പ്രവാസികള്‍ക്ക് കലകളോടുള്ള മമതയും, താല്പര്യവും, പണ്ട് കാലങ്ങള്‍ മുതല്‍ക്കേ തുടങ്ങിയതാണ്. മേഘസന്ദേശം മുതല്‍ക്ക്, കത്തുപാട്ടുകള്‍ വരെ അതിന്റെ തുടര്‍ച്ചയാണ്. നാട് വിട്ട് നില്‍ക്കുന്ന മനുഷ്യനെ പിടികൂടുന്ന അതിഭീകരമായ ഗൃഹാതുരുത്വവും, ഓര്‍മ്മകളുടെ പിന്‍വിളികളും കലകളില്‍ മാത്രമല്ല സാഹിത്യ രചനകളിലും പലപ്പോഴും പ്രകടമാകാറുണ്ട്. നമ്മുടേ മലയാളത്തിന്റെ എഴുത്തുകാരിലും അത്തരത്തില്‍ ഒരു അടയാളം പ്രകടമായിരുന്നു.അത് ലോകത്തിന്റെ വിവിധ കോണുകളിലേക്ക് ചേക്കേറിയപ്പോഴും തുടരുന്നു. അവയെ ഒരു വേദിയില്‍ കൊണ്ടുവരാന്‍ ഫൊക്കാന നടത്തിയ ശ്രമം വിജയം കണ്ടു. നമ്മുടെ മലയാളത്തിലെ രചനകള്‍ എല്ലാം ഈ പ്രവാസത്തിന്റെ കഥകളാണ് പറയുന്നത്. കഴിഞ്ഞ ദിവസങ്ങളിലെ വിമാനയാത്രകളില്‍ രണ്ടാവര്‍ത്തിയെങ്കിലും വായിച്ചു തീര്‍ത്ത നമ്മുടെ മലയാളത്തിലെ എല്ലാ രചനകളും ഒന്നിനൊന്ന് മെച്ചപ്പെട്ടതാണന്ന് നിസംശയം പറയാം.
നമ്മുടെ മലയാളം ഒരു മാഗസിന്‍ എന്നതിനുമപ്പുറം ഒരു ഒത്തുചേരല്‍ കൂടിയായിരുന്നു. പലവിധത്തിലുള്ള മനുഷ്യ ചിന്തകളുടെ, പലകാല ദേശ കഥകളുടെ, സംസ്‌കാരത്തിന്റെ, ജീവിത സാഹചര്യങ്ങളുടെ അടയാളപ്പെടുത്തല്‍
കൂടിയായിരുന്നു. അതിന് നേതൃത്വം കൊടുക്കാന്‍ ,കോവിഡ് 19 ന്റെ പശ്ചാത്തലത്തില്‍ മനുഷ്യമനസുകളുടെ ചിന്തകളെ കൂട്ടിയിണക്കാന്‍ സാധിച്ചതിലും ഫൊക്കാനയ്ക്ക് സാധിച്ചു. അതും ചെറുതല്ലാത്ത സന്തോഷമല്ലേ നമുക്ക് നല്‍കുന്നത്.
 
ഫൊക്കാന ഒരു അക്ഷരപുണ്യം കൂടി മലയാളത്തിന് സമര്‍പ്പിക്കുമ്പോള്‍ മലയാളി സമൂഹം കൃതാര്‍ത്ഥരാവുന്നു. ഭാഷയ്ക്കായി ഒരു നാണയം എക്കാലവും മാറ്റിവയ്ക്കുന്ന ഫൊക്കാന ഭാഷയ്ക്കായി ലോകത്തെമ്പാടുമുള്ള മലയാളി എഴുത്തുകാരുടെ എഴുത്തുകുത്തുകള്‍ അക്ഷരത്തെ സ്‌നേഹിക്കുന്നവര്‍ക്കായി കാത്തു സൂക്ഷിക്കയാണ് നമ്മുടെ മലയാളത്തിലൂടെ.
 
നമ്മുടെ മലയാളത്തിന്റെ ഫ്‌ലിപ്പ് ഫയല്‍  വായിക്കുവാന്‍ ഈ ലിങ്ക് ഉപയോഗിക്കാം.
https://anyflip.com/tivor/izxz/
 

Facebook Comments

Comments

  1. abdul punnayurkulam

    2021-10-14 03:22:34

    Good job, Georgie.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

വേൾഡ് മലയാളി കൗൺസിലിൻ്റെ സേവനത്തെ കേരളം വിലമതിക്കുന്നു: മന്ത്രി റോഷി അഗസ്റ്റിൻ

ലാസ്‌വേഗാസ് സെന്റ് മേരീസ് മലങ്കര ഓര്‍ത്തോഡോക്‌സ് ചര്‍ച്ച് എട്ടുനോമ്പാചാരണവും വാര്‍ഷികപെരുന്നാളും ഭക്തിനിര്‍ഭരമായി

പി.എം കോശി, ഏലിയാമ്മ കോശി & അഞ്ചു തോമസ് മെമ്മോറിയല്‍ ട്രോഫി ക്വിസ് മത്സരം: എബനേസര്‍ പ്രാര്‍ത്ഥന കൂട്ടം വിജയികള്‍

ഫില്‍മോന്‍ ഫിലിപ്പിന്റെ നിര്യാണത്തില്‍ ഡാളസ് കേരള അസോസിയേഷന്‍ അനുശോചിച്ചു, പൊതുദര്‍ശനം ഞായറാഴ്ച വൈകീട്ട്

റവ.ഡോ. വില്യം കാളിയാടന്‍ മിഷണറീസ് ഓഫ് ലാസലറ്റ് പ്രൊവിന്‍ഷ്യല്‍ സുപ്പീരിയര്‍

E-malayalee to publish ‘Silicon Castles’ Sreedevi Krishnan’s novel on Silicon Valley

രാജ്യാന്തര ലേഖന മത്സരം: രഞ്ജിത്ത് കൊളിയടുക്കം , ജ്യോതി ലക്ഷ്‍മി നമ്പ്യാർ , ഡോ . തോമസ് മാത്യു , ഡോ . സിന്ധു ബിനു ജേതാക്കൾ

ഇടിത്തീ (ഇള പറഞ്ഞ കഥകൾ- 10 - ജിഷ.യു.സി)

ഈശോ ജേക്കബിന്റെ നിര്യാണത്തില്‍ ഐഎപിസി അനുശോചനം രേഖപ്പെടുത്തി

'വെള്ളം:' മദ്യവിരുദ്ധർ പോലും കാണേണ്ട ചിത്രം (എസ്. അനിലാൽ)

വിദേശ യാത്രക്കാർക്ക് നവംബർ 8 മുതൽ നിയന്ത്രണങ്ങൾ നീക്കും: വൈറ്റ് ഹൗസ്

വികസന പ്രവര്‍ത്തങ്ങള്‍ക്ക് അംഗീകാരം 20 വര്‍ഷത്തിന് ശേഷം അജയകുമാറിനെ തേടിയെത്തി

സിനിമ അവാർഡ് കാനഡയിലുമെത്തി; മികച്ച മലയാള ചിത്രം നിർമ്മിച്ചത് എഡ്മൺറ്റോൺ മലയാളികൾ

ചലച്ചിത്ര പുരസ്‌കാരം: ജയസൂര്യ മികച്ച നടന്‍, അന്ന ബെന്‍ മികച്ച നടി

മാര്‍ത്തോമ്മാ സഭ സെക്രട്ടറി റവ. സി.വി. സൈമണ്‍; അത്മായ ട്രസ്റ്റി രാജന്‍ ജേക്കബ്; വൈദീക ട്രസ്റ്റി റവ.മോന്‍സി കെ.ഫിലിപ്പ്

ഫിയക്കോന വെബിനാര്‍ ഒക്ടോ 18നു, മുഖ്യ പ്രഭാഷണം ഡോ സോണി മാത്യു

പെലോസി മാര്‍പാപ്പാ സന്ദര്‍ശനം(കാര്‍ട്ടൂണ്‍ : സിംസണ്‍)

ജെ & ജെ യുടെ കോവിഡ് വാക്സിൻ ബൂസ്റ്റർ ഡോസിന് എഫ്ഡിഎ-യുടെ ശുപാർശ

തീവ്രവാദ-ധനസഹായം, കള്ളപ്പണം: ഇന്ത്യയും അമേരിക്കയും സംയുക്ത നടപടിക്കൊരുങ്ങുന്നു

പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവക്ക് സൗത്ത് വെസ്റ്റ് അമേരിക്കന്‍ ഭദ്രാസനത്തിന്റെ ആശംസ

മലങ്കര മാര്‍ത്തോമ്മാ സുറിയാനി സഭയുടെ 2020-23 വര്‍ഷത്തെ ഭാരവാഹികളെ തിരഞ്ഞെടുത്തു

ഈശോ ജേക്കബിന്റെ വിയോഗത്തിൽ ഇന്ത്യ പ്രസ്സ് ക്ലബ് ഹൂസ്റ്റൺ ചാപ്റ്റർ അനുശോചിച്ചു

ഈശോ ജേക്കബിന്റെ നിര്യാണത്തില്‍ ഫ്രണ്ട്‌സ് ഓഫ് തിരുവല്ല ഹ്യൂസ്റ്റണ്‍ ചാപ്റ്റന്‍ അനുശോചിച്ചു

ഈശോ ജേക്കബ് ഓർമ്മകളിൽ (ജോസഫ് പൊന്നോലി)

നൈന ക്ലിനിക്കൽ എക്സലൻസ് ആൻഡ് ലീഡർഷിപ്പ് കോൺഫറൻസ് ന്യൂയോർക്കിൽ

വേള്‍ഡ് മലയാളി കൗണ്‍സില്‍ ചിക്കാഗോ പ്രോവിന്‍സ് ഭവന നിര്‍മ്മാണ പദ്ധതി

ബിൽ ക്ലിന്റൺ ആശുപത്രിയിൽ

ഡിസ്‌നി+ഹോട്ട്സ്റ്റാര്‍ മലയാളത്തിലേക്ക്. നിവിന്‍ പോളി നായകനായ കനകം കാമിനി കലഹം ആദ്യ റിലീസ്.

ഈശോ ജേക്കബിനു അശ്രുപൂജ

ബസേലിയോസ് മാര്‍ത്തോമ മാത്യൂസ് തൃതിയന്‍ കാതോലിക്കാ ബാവാ അഭിഷിക്തനായി

View More