പത്തനംതിട്ട: മല്ലപ്പള്ളിയില് ഒഴുക്കില്പെട്ട യുവാവിനെ രക്ഷപ്പെടുത്തി. ഒഴുക്കില്പെട്ട വീട്ടുസാധനങ്ങള് പിടിച്ചെടുക്കാന് ശ്രമിക്കവെ ഒഴുക്കില്പെട്ട മനോജ് എന്ന യുവാവാണ് നീന്തിക്കയറിയത്. ആറ്റിലൂടെ ഒഴുകിപ്പോയ ഇദ്ദേഹത്തിന് നാട്ടുകാര് മല്ലപ്പള്ളി പാലത്തില് നിന്ന് കയര് ഇട്ടുകൊടുത്തു. അതില് പിടിച്ച് കയറാന് ശ്രമിച്ചെങ്കിലും പിടിവിട്ട് ഒഴൂക്കില്പെട്ടു. 200 മീറ്ററോളം ഒഴുകിപ്പോയ യുവാവ് ചന്തക്കടവില് വള്ളിപ്പടര്പ്പില് പിടിച്ച് കയറുകയായിരുന്നു.
ഇയാള്ക്കൊപ്പം ആറ്റില് വീണ സജി എന്ന യുവാവിനെ നേരത്തെ രക്ഷപ്പെടുത്തിയിരുന്നു.